٧ من أكتر أجهزة الفرن الكهربائي مبيعًا على ياقوطة في 2020

كتبت: منى عوض

هنستعرض النهارده أشهر وأكثر أجهزة الفرن الكهربائي مبيعًا على ياقوطة في عام 2020، في محاولة منا لمساعدتك في الاختيار لو أنت محتار وحابب تشتري فرن جديد، ولو أي فرن عجبتك وحبيت تشتريه، تقدر تطلبه من خلال موقعنا وهيوصلك في أسرع وقت.

*بنفكرك إنك ممكن تشتري الفرن الكهربائي من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

فرن كهربائي فريش بالشواية 48 لتر

فريش من الماركات المعروفة والمميزة، والفرن ده في الواقع مميز جدًا فهو بييجي بسعة 48 لتر ودي سعة كبيرة إلى حد كبير وهتسمحلك بتسوية أكتر من أكلة في نفس الوقت بس لو الأكلات دي في صواني متوسطة الحجم مثلًا.

الفرن بيوفر إمكانية التحكم بكل سهولة فى درجه الحراره اللي بتتراوح من 100 إلى 250 درجة مئوية، وبيجي بتايمر عشان تطمن إنك مش هتنسى الأكل في الفرن، وكمان هتلاقي مروحة داخلية لتوزيع الحرارة بشكل متساوي وبالتالي تسوية الأكل بشكل كويس وأسرع، بجانب شواية داخلية ولمبة داخلية عشان تقدر تراقب الأكل بكل سهولة أثناء التسوية، لكن يعيبه إن الخامات بتاعته رقيقة شوية ومحتاجة عناية وانت بتستخدمه.

ممكن تشوف فرن كهربائي فريش بالشواية Plaza 48 من هنا.

فرن كهربائي أريون بشواية 36 لتر

الفرن بييجي بسعة متوسطة الحجم تصل إلى 36 لتر وبالتالي فهو بيكفي الأسر اللي عدد أفرادها قليل أو بمعنى أصح مش هتقدر تسوي أكتر من أكلة في نفس الوقت جواه، وكمان بيوفر إمكانية التحكم في درجة الحرارة من 100 – 250 درجة مئوية.

الفرن بييجي بـ 4 مراحل مختلفة لاختيار درجة التسخين المطلوبة، وهي الراحة والتسخين العلوي والتسخين السفلي وكمان تسخين علوي وسفلي في نفس الوقت.

الفرن مزود أيضًا بتايمر أتوماتيك عشان تضمن أنه هيقفل بشكل أتوماتيكي بعد انتهاء الزمن المحدد للتشغيل، وبيكون فيه لمبة داخلية عشان تراقب الأكل وهو بيستوي بمنتهى السهولة، وفيه كمان شواية داخلية.

ممكن تشوف فرن كهربائي أريون بشواية AR-3602R من هنا.

فرن كهربائي من كاسيل 36 لتر

الفرن بييجي بسعة 36 لتر وبالتالي فهو بيكفي الأسر اللي عدد أفرادها قليل أو مش هيسمحلك بتسوية أكتر من أكلة في الوقت نفسه، وكمان بيوفر إمكانية التحكم في درجة الحرارة وفيه تايمر بجرس إنذار عشان تقدر تعرف أن الأكل خلص أو الوقت اللي أنت كنت محدده خلص، بجانب لمبة داخلية لمراقبة الأكل بسهولة.

ممكن تشوف فرن كهربائي من كاسيل MO2036 من هنا.

فرن كهربائي من سيمفر M4503S-T

الفرن بييجي بسعة كبيرة تصل إلى 45 لتر ودي سعة هتسمحلك بطهي أكتر من أكلة في نفس الوقت بس لو بتستخدم صواني صغيرة إلى متوسطة الحجم، والفرن مزود من الداخل بسخانات من أعلى ومن أسفل بطاقة 1300 وات، وبيكون فيه حساس حرارة ومؤقت زمني ومروحة داخلية لتوزيع الهواء بالتساوي بداخلة وبالتالي تسوية الأكل بشكل أكثر فعالية وفي مدة زمنية أقل.

ممكن تشوف فرن كهربائي من سيمفر M4503S-T من هنا.

فرن كهربائي تربو بلاك أند وايت 42 لتر

الفرن مميز وسعته متوسطة تصل إلى 42 لتر، وبيجي بترموستات لتنظيم درجة الحرارة والتحكم فيها بين 100 إلى 250 درجه مئوية، وهتلاقي فيه مؤقت زمني يصل إلى 60 دقيقة والمؤقت ده بيكون مزود بجرس إنذار بيشتغل بمجرد انتهاء المدة الزمنية اللي انت حددتها للأكل.

الفرن مزود بشواية داخلية مصنوعة من الأستانلس ستيل المقاوم للصدأ وكمان لمبة لمراقبة الأطعمة بكل سهولة أثناء عملية التسوية، ومروحة داخلية لتوزيع الحرارة الساخنة بالتساوي في جميع أنحاء الفرن.

ممكن تشوف فرن كهربائي تربو بلاك أند وايت E‐4200 من هنا.

فرن كهربائي من أي هوم KI-5050

الفرن الكهربائي من أي هوم بيُعتبر واحد من أكثر الأفران الكهربائية مبيعًا على ياقوطة بفضل المميزات اللي بيدعمها، زي مثلاً إمكانية التحكم بكل سهولة فى درجه الحرارة من 100 إلى 250 درجة مئوية، بجانب وجود تايمر عشان تظبطه ويخلي الفرن يفصل أوتوماتيكيًا بمجرد ما الوقت اللي أنت محدده يخلص وبالتالي مفيش قلق من نسيان الأكل أو أنه يتحرق جوه الفرن.

الفرن مزود أيضًا بشواية داخلية ولمبة داخلية عشان تراقب الأكل بكل سهولة خلال تسوية الأكل.

ممكن تشوف فرن كهربائي من أي هوم KI-5050 من هنا.

فرن بيتزا كهرباء مقاس 90 سم للمطاعم والكافيهات

الفرن بييجي بمقاس كبير يبلغ 87 سم طول و53 سم عمق و37 سم ارتفاع عشان يناسب المطاعم والكافيهات، وفي العموم هو بيساعد في تحضير البيتزا بشكل احترافي، فحجمه الكبير بيساعد على تحضير 4 أطباق صغيرة أو طبقين بيتزا كبار.

الفرن بيتميز بهيكل قوي مصنوع بالكامل من الاستانلس ستيل المقاوم للصدأ والهيكل ده بيكون عازل للحرارة بشكل كبير للحفاظ على سخونة الأطعمة بداخله، وبيكون فيه مفتاح لتشغيله وإغلاقه، وكمان مفتاح للتحكم في درجة حرارة الفرن لغاية 400 درجة مئوية.

الفرن مزود بمقبض لسهولة فتح الباب الخاص بيه والمقبض ده بيكون مصنوع من مادة عازلة تمامًا للحرارة، أما الزجاج بيكون حراري لمقاومة درجات الحرارة العالية، وبيكون فيه أيضًا إضاءة داخلية لمراقبة الأطعمة أثناء التحضير.

ممكن تشوف فرن بيتزا كهرباء مقاس 90 سم للمطاعم والكافيهات من هنا.

ممكن تشوف المقارنة الشاملة بين الميكروويف والفرن الكهربائي من هنا.

ممكن تعرف كمان أهم الأدوات التي تصلح للاستخدام بالفرن والميكروويف من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *