أكتر 5 موبايلات مبيعًا على ياقوطة لسنة 2021

كتب: خالد عاصم

من أيام قليلة ودعنا سنة ٢٠٢١ واستقبلنا سنة جديدة نتمنى إنها تكون كلها سعادة وفرحة ونجاح لكل قراءنا الأعزاء، ومع استقبالنا للسنة الجديدة مهم ماننساش حصاد السنة اللي عدت واللي كنتم فيها معانا زي كل سنة أصدقاء أعزاء ومخلصين لخدماتنا زي ما احنا حاولنا قدر الإمكان نكون عند حسن ظنكم، وفي إطار حصادنا لسنة ٢٠٢١، هنتعرف في مجموعة من المقالات عن أكتر لمنتجات مبيعًا على ياقوطة لسنة ٢٠٢١، والنهاردة تحديدًا هنتكلم عن أكتر الموبايلات مبيعًا على ياقوطة.

ولو أي موبايل من الموبايلات اللي هنتكلم عنها عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أكتر الموبايلات مبيعًا على ياقوطة لسنة ٢٠٢١

موبايل Itel It2160

على الرغم من إننا في عصر الموبايلات الذكية إلا إن الموبايلات العادية لسه ليها سوق ولسا رائجة جدًا وناس كتير بتطلبها، وعشان كده سيطرت على قائمة أكتر الموبايلات مبيعًا على ياقوطة لسنة ٢٠٢١، ومن الموبايلات دي موبايل Itel It2160 وهو موبايل عادي بشاشة TFT بقطر ١٫٩٩ بوصة وبدقة ١٢٨ × ١٦٠ بيكسل، والموبايل بيدعم شريحتين وبدعم كمان كروت الميموري لحد ٣٢ جيجابايت، وفيه كاميرا تقدر تصور من خلالها صور وفيديوهات دقتها ١٫٣ ميجا بيكسل، ده غير إن فيه منفذ ٣٫٥ مم عشان تسمع مزيكتك أو تسمع الراديو وفيه منفذ USB وبطاريته سعتها ١٠٠٠ ميللي أمبير في الساعة يعني تقدر تقعد لساعات طويلة أوي.

اتعرف على عروض أسعار موبايل Itel It2160 من هنا.

موبايل Itel It5081

موبايل تاني من الموبايلات العادية وبرضه من Itel من أكتر الموبايلات مبيعًا على ياقوطة لسنة ٢٠٢١، والموبايل ده بشاشة TFT بقطر ٢٫٤ بوصة بدقة ٢٤٠ × ٢٣٠ بوصة، وبيدعم تلات شرائح مع بعض ده غير منفذ مخصص لكروت الميموري لحد ٣٢ جيجابايت، والموبايل فيه منفذ ٣٫٥ مم وبيشغل راديو وفيه بلوتوث وبطاريته سعتها ١٢٠٠ ميللي أمبير في الساعة يعني هيفضل شغال معالك لأيام لحد ما تحتاج تشحنه.

اتعرف على عروض أسعار موبايل Itel It5081 من هنا.

موبايل Energizer Energy E11

تالت موبايل من الموبايلات الأكتر مبيعًا لسنة ٢٠٢١ على ياقوطة هو برضه موبايل عادي بس المرة دي من شركة Energizer الشهيرة، ولما نجيب سيرة الشركة دي يبقى أكيد بنتكلم على بطارية جبارة وهي فعلا بطاري استثنائية في النوع ده من الموبايلات لأن سعتها ١٨٠٠ ميللي أمبير في الساعة، والموبايل شاشته بقطر ١٫٨ بوصة وبيقبل شريحتين وكروت الميموري لحد ١٦ جيجابايت وفيها كاميرا امامية وكاميرا خلفية.

اتعرف على عروض أسعار موبايل Energizer Energy E11 من هنا.

موبايل Redmi Note 10s

وأخيرًا بتظهر الموبايلات الذكية في قائمة أكتر الموبايلات مبيعًا في سنة ٢٠٢١ على ياقوطة، وأول الموبايلات الذكية معانا هو Redmi Note 10s الموبايل اللي قدم واحدة من أفضل نماذج القيمة مقابل السعر، الموبايل بشاشة AMOLED بقطر ٦٫٤٣ بوصة بجودة FHD Plus وبيعتمد على معالج Helio G95، اما كاميراته فرباعية بدقة ٦٤ ميجا بيكسل و٨ ميجا بيكسل للعدسة بالغة العرض وبدقة ٢ ميجا بيكسل لعدستين البورتريه والماكرو، والموبايل صوتياته ممتازة جدًا أما بطاريه فسعتها ٥٠٠٠ ميللي أمبير في الساعة بتدعم تقنية الشحن السريع بقوة ٣٣ وات.

اتعرف على عروض أسعار موبايل Redmi Note 10s من هنا.

موبايل Samsung Galaxy A12

أما أخر موبايل من أكتر الموبايلات مبيعًا على ياقوطة لسنة ٢٠٢١ فهو موبايل Samsung Galaxy A12 اللي بييجي بشاشة بقطر ٦٫٥ بوصة بجودة HD Plus وبيعتمد على معالج Helio P35 والموبايل بكاميرا خلفية بعدسة عريضة بدقة ٤٨ ميجا بيكسل وعدسة بالغة العرض بدقة ٥ ميجا بيكسل وعدستين بدقة ٢ ميجا بيكسل واحدة للماكرو والتانية للبورتريه، أما الكاميرا الأمامية فبدقة ٨ ميجا بيكسل، والموبايل بطاريته سعة ٥٠٠٠ ميللي أمبير في الساعة بتدعم تقنية الشحن السريع بقوة ١٥ وات.

اتعرف على عروض أسعار موبايل Samsung Galaxy A12 من هنا.

اتعرف على مختلف عروض أسعار الموبايلات على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *