كتب دينا أمير

دايمًا لما تيجي مناسبة كل الأفكار بتطير ونحس إننا مش عارفين نجيب ايه، خصوصًا لو عيد ست الحبايب بنكون نفسنا نجبلها الدنيا كلها. عشان كده ياقوطة من بدري فكرت لك في أفكار سهلة وممكن الأطفال يشاركوا في أغلبها عشان يحسوا إنهم بيعملوا حاجة تفرح مامتهم ودا هيزود من قدراتهم الإبداعية وبيعملهم أهمية العطاء والمسؤولية. ولأن أهم حاجة في الهدية تكون فكرت فيها وبذلت مجهود وتكون طالعة من قلبك.

المقالة دى كل أفكارها أنتم اللي هتعملوها بنفسكم عشان وقتكم  وجهدكم هيتقدر وهيكون أكتر من أغلى هدية والميزة إن حاجة من صنع إيديك هتفضل ذكرى جميلة متتنسيش.

وطبعًا الأفكار دى ممكن تهادوا بيها أي فرد في أسرتكم سواء الأب أو الجد والجدة أو الأخت الكبيرة لأنها في كل الأحوال هتكون دليل على التقدير والحب، انشروا الحب بين كل أفراد العيلة في اليوم ده.

الحب في علبة

أكيد والدتك هتحتاج العلبة دي سواء عشان تعين اكسسوارات أو دبابيس للطرحة أو حتى دبابيس للشعر وأي حاجة شخصية صغيرة. كل اللي هتحتاجوه:علبة صغيرة وورق ساده تكون خامته تقيلة شوية وألوان. طبعًا لو حابين تقدموها وجواها كروت معايدة وكلام حلو، أكيد ده هيكون فكرة جميلة ولو هتنفذوا الفكرة دي هتحتاجوا ورق أبيض و أقلام ألوان وممكن ألوان بتلمع.

ممكن تزوقوا العلبة من بره بصورة عائلية جميلة.

هتلاقي شنطة من ورق سادة تقيل هنا، بسعر 8 جنيه مصري.

هتلاقي ألوان أطفال هنا،  بسعر 220 جنيه مصري.

الأسرة في لوحة

الفكرة في اللوحة دي إن كل فرد في الأسرة هيشارك بصمة صباعه عشان نكون شكل أو رسمة احنا عايزنها باستخدام الألوان. الخطوات كالآتى: هتجيبوا لوحة بيضاء أو ورق مقوى أبيض وترسموا عليه الرسمة اللي عايزين تكونوها. وكل فرد هيلون صباعه بألوان مايه أو سائلة ويطبعه جوه الرسمة لحد ما تخلصوا والشكل يكون كله بصمات ألوان. ابتدوا بالإطار الخارجي للرسمة عشان تحافظوا على شكلها ثابت.

هتلاقي اسكتش رسم هنا، بسعر 8.50 جنيه مصري.

هتلاقي برواز للوحة هنا، بسعر 35 جنيه مصري.

ذكريات سفريات الصيف والطفولة

كلنا عندنا صور الطفولة واسكندرية والمصايف، و ده أحسن وقت نستفيد بيهم ونعمل هدية مليانة ذكريات حلوة وضحك ميتنسيش. كل اللي محتاجه رمل وقواقع أو لؤلؤ حسب اختيارك. اختار صورة وزود عليها فلتر أبيض وأسود قبل ما تطبعها.

بعد كده ممكن تقطع ِفل من اللي بيجي مع أي جهاز جديد مثلًا على شكل برواز وتلزق الرمل وتلونه وتلزق الصدف أو اللؤلؤ و بكده تكون عملت هدية مليانة ذكريات وتخلي والدتك تبتسم ويفرح قلبها كل ما تشوفها.

هتلاقي لؤلؤ هنا، بسعر 25 جنيه مصري.

طقم شمع فخم

لو والدتك بتحب الحاجات الفخمة والكلاسيكية يبقى دي هدية مناسبة تزوق بيها الصالون أو غرفة نوم كلاسيك. هتحتاجوا طقم فناجيل أو كبايات كلاسيك وباقي الخطوات في الفيديو اللي تحت.

شاهد فيديو Rachel Williams يشرح لك الخطوات هنا

هتلاقي طقم فناجيل قهوة مغربى هنا، بسعر 340 جنيه مصري.

هتلاقي طقم قهوة مزخرف لرمضان هنا، بسعر 340 جنيه مصري.

شجرة العيلة

سهلة وبسيطة بس فكرتها جديدة وهتفرحها وممكن الأطفال تشارك في التجهيز طبعًا. الفكرة أن صور الأسرة كلها تكون على شكل ورد. هتحتاج وعاء للزرع وفِل بتاع الأجهزة الكهربائية ولون بني وعصيان رفيعة ومقص ولزق وصور 4*6 لكل فرد في الأسرة و ورق مقوى تختار لونه. هنحط الفِل بعد ما نقصه على حجم الوعاء كبديل للطين وبعد كده نلون الجزء الظاهر بالبني ونحط العصيان في الفِل و نقص الورق المقوى على شكل ورد ونقص الصور الشخصية على شكل دايرة ونلزقها على الورق المقوى ونلزق الورق المقوى في العصيان. ممكن لو عايزين نكتب حاجة على الوعاء من بره بلزق بيلمع.

هتلاقي  وعاء زرع هنا، بسعر 7 جنيه مصري.

هتلاقي لزق لجميع الأغراض هنا، بسعر 2.50 جنيه مصري.

لوحة على شكل قلب بارز

الفكرة دي بلاش الأطفال يشاركوا فيها لأن فيها مسامير. رقيقة وجديدة وهتكون قطعة ديكور لأي مكان، والأدوات متوفرة ورخيصة. هتحتاجوا قطعة خشب أو لوح تقطيع وطباشير أبيض وعلبة مسامير وشاكوش ودهان أسود وفرشة للدهان وخيط صوف أحمر.

شاهد فيديو Abbey Contrary يشرح لك الخطوات هنا

هتلاقي لوح تقطيع هنا، بسعر 175 جنيه مصري.

هتلاقي شاكوش بخلاعة هنا، بسعر 155 جنيه مصري.

هتلاقي دهان أسود هنا، بسعر 30 جنيه مصري.

قد تنفد المنتجات من المتاجر – out of stock-  في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.

خلي عيد الأم السنة دي مختلف وأهدي والدتك وقتك واهتمامك قبل الهدية والفلوس. ممكن تطلب الأدوات اللي عجبتك من www.yaoota.com وهتيجي لك خلال أيام لحد باب البيت.