كتبت: منى عوض

غسيل البشرة ممكن تبدو مهمة سهلة وبسيطة لأنك مش هتحتاج غير إيدك وشوية غسول ومياه. بس المهارة كلها هتكون في تنظيفها بعمق والتأكد من أن مسام البشرة خالية من أي شوائب أو رؤوس بيضاء ممكن بالوقت تتحول لرؤوس سوداء تخلي شكل البشرة مش لطيف.

من هنا بييجي دور فرش تنظيف الوجه ذات الأشكال والأحجام والاستخدامات المختلفة واللي تقدر تعتمد عليها بشكل تام في تنظيف مسام الوجه بعمق بس ضروري تاخد حذرك أثناء استخدامها. وياقوطة هتستعرض معاكم عدد من فرش تنظيف البشرة اللي تقدر تستخدمها بأمان وسلاسة تامة. ولو عجبك أي فرشة من اللي هنستعرضها وحبيت تشتريها تقدر تعرف أحسن سعر ليها وتقدر كمان تطلبها من خلالنا وهتوصلك في أسرع وقت.

بنفكرك إنك ممكن تشتري فرش تنظيف الوجه من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

جهاز تنظيف وإزالة شعر الوجه فيس سبا 851 من براون

الجهاز دا 2 في 1 بمعنى تقدر تستخدم القطعة المخصصة لإزالة شعر الوجه الزائد ودي ميزة مفعولها بيدوم لحد أربع أسابيع تقريبًا. وفيه فرش تانية مخصصة لتنظيف البشرة بعمق مع إمكانية استخدام غسول مناسب بحيث إن البشرة تكون صافية وخالية من الشوائب وخلايا الجلد الميتة.

الجهاز بيتميز بسلاسته في كفة الإيد، وكمان بمقاومته للماء بنسبة 100% بحيث إن تنظيف البشرة من خلالها يبقى جزء من روتينك اليومي.

الفرش آمنة جدًا للاستخدام اليومي مع كافة أنواع البشرة، فهتلاقي واحدة مزودة بشعيرات طولها 5 مم ودي مناسبة للبشرة العادية والتنظيف اليومي للبشرة. فيه فرشاة بتتطلب عناية أكبر أثناء استخدامها لأن مقاسها 14 مم. إضافة إلى فرشاة التقشير العميق ودي فرشاة قوية ومش مناسبة غير للاستخدام الأسبوعي فهي بتجمع بين الشعيرات الطويلة والقصيرة لإزالة خلايا الجلد الميتة بكفاءة وفعالية أعلى. الجهاز مزود أيضًا بإسفنجة لتدليك وتوزيع الكريمات والزيوت المختلفة على البشرة بكل سهولة.

شوف عروض جهاز تنظيف وإزالة شعر الوجه فيس سبا 851 من براون على ياقوطة من هنا.

جهاز تقشير وتنظيف البشره من فوريو

فوريو من الأجهزة اللي انتشرت مؤخراً ونسبة كبيرة من الناس بقت بتستخدمها لأنه مصنوع من مادة السيليكون اللي بتخليه مقاوم للبكتيريا وبتخلي استخدامه آمن ولطيف. فوريو بتوفر إمكانية تنظيف البشرة بعمق، بجانب إنها بتعمل أيضًا على تدليك البشرة بالتالي شد الجلد والحد من ظهور التجاعيد.

شوف عروض جهاز تقشير وتنظيف البشره من فوريو على ياقوطة من هنا.

فرشاة سيليكون لتنظيف الوجه ومسام الأنف

الفرشاة مصنوعة من السيليكون الخفيف والناعم على البشرة بشكل كبير، وتصميمها هيخليك توصل لكل منحنى في الوجه بكل سهولة بحيث إن عملية التنظيف تتم بعمق وبكل سلاسة وأمان. الفرشاة مش بتوفر تنظيف عميق للبشرة وبس، بل هتوفرلك تقشير وتدليك البشرة كمان. الفرشاة فيها فتحة في الجزء السفلي منها بحيث إنك تدخل صوابعك جواها وتستخدمها وإنت متحكم ومتمكن من قبضتها.

الفرشاة استخدامها سهل ومش محتاجة لا كهرباء ولا بطاريات، كل اللي عليك إنك تبل وجهك بشوية مياه وتستخدم الغسول المناسب مع الفرشاة وتدلك كل منطقة في وجهك لمدة دقيقة أو دقيقتين وهتلاحظ بعدها فرق كبير وكويس.

شوف عروض فرشة سيليكون لتنظيف الوجه ومسام الأنف على ياقوطة من هنا.

جهاز تنظيف و مساج البشرة 5 في 1

الجهاز دا خمسة في واحد فهو بيحتوي على خمس قطع بتُستخدم في تنظيف البشرة ومساج الوجه والجسم وتقشير خلايا الجلد الميت والحصول على بشرة نقية مليانة حيوية وشباب، بجانب وجود قطعة تقدر تستخدمها في توزيع الكريمات والزيوت المختلفة على البشرة. الجهاز بيجي بسرعتين الأولى والمنخفضة مخصصة للتنظيف والتانية اللي هي السريعة مخصصة لتقشير البشرة‏.

شوف عروض جهاز تنظيف و مساج البشرة 5 في 1 على ياقوطة من هنا.

طقم فرش الماسك والميكاب

فرش الوجه مش شرط تكون مقتصرة على فرش تنظيف البشرة أو فرش الميكاب، ممكن تكون فرش كمان مخصصة لفرد الماسكات على الوجه بكل سهولة وراحة.

شوف عروض طقم فرش الماسك والميكاب على ياقوطة من هنا.

شوف عروض فرش تنظيف الوجه المختلفة المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.