أفضل 5 تلفزيونات بين الأكثر مبيعًا في عام 2016 في مصر

1ab

كتب: ميشيل رمسيس 

 التلفزيونات بقت كتيرة قوي، لو روحت أي محل أجهزة كهربائية هتلاقي أنواع وموديلات كتيرة لدرجة تحيرك، عشان كده وبمناسبة نهاية عام 2016، جمعنالكم أفضل 5 تلفزيونات من ضمن قائمة الأكثر مبيعاً من خلال ياقوطة. اخترنا التلفزيونات اللي في القائمة دي على أساس ترشيحات خبراء في المجال.

إحنا في ياقوطة يهمنا راحتك علشان كده لفينا ودورنا وسألنالك وجبنالك أفضل 5 تلفزيونات من ضمن أكتر تلفزيونات الناس اختاروها في سنة 2016، وطبعًا اعتمدنا في رحلة البحث دي على رأي وتقييم المشترين والخبراء.

ويا ريت قبل ما تقرا المقال ده تراجع  دليل ياقوطة لشراء تلفزيون.

وفي الأسطر التالية هنعرض لكم الـ 5 تلفزيونات الأفضل بين الأكثر مبيعًا في عام 2016 في مصر.

الموديل

المميزات

العيوب

السعر يبدأ من

Tornado LED TV 24 Inch

  • الشاشة تعمل بتكنولوجيا الـLED في الإضاءة وهي تكنولوجيا بتضمنلك إضاءة شاشة مميزة.
  • ضمان 3 سنوات.
  • الشاشة حجمها صغير 24 بوصة فقط.
  • سماعاته ضعيفة مقارنةً بالتلفزيونات اللي في حجمه.
 1749 جنيه مصري

Toshiba LED TV 24 Inch

  • يقبل تشغيل فلاشة.
  • تأتي شاشته بخاصية الـ Mega contrast اللي بتخلي الإضاءة والسطوع أفضل وقت المشاهدة.
  • الشاشة حجمها صغير 24 بوصة فقط.
1899 جنيه مصري

Samsung Smart TV 32 Inch

  • سماعات Dolby Digital Plus بصوت نقي وواضح.
  • يحتوي على Wi Fi.
  • التطبيقات الموجود عليه قليلة.
 3799 جنيه مصري

 

LG Full HD LED 43 Inch

  • الشاشة تعمل بواحد من أحدث أنظمة الإضاءة وهو الـOLED.
  • ممكن تسجل منه على فلاشة.
  • لا يوجد.
 3389 جنيه مصري

LG 4K UHD HDR Smart LED TV – 43 Inch

  • شاشته تعمل بدقة عالية جدًا 4k.
  • يوجد به Web browser.
  • يحتوي على ريسيفر داخلي.
  • سعره عالي مقارنهً بمقاسه.
 5690 جنيه مصري

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق

Tornado 24 Inch (تورنادو 24 بوصة)

ac2a8076a3d7c54e2b1f7c76a492ac1bcdb350be

تجربة وتقييم المُستخدم

  • التلفزيون ده هيكون مناسب للناس اللي محتاجة شاشة صغيرة لبيتهم أو لو الغرفة اللي هيتحط فيها التلفزيون صغيرة، وهتبقى رائعة لو هتكون المسافة بين المشاهد والتلفزيون أقل من نص متر.
  • الشاشة درجه وضوحها 1366*768 HD وده بيضمنلك صورة نقية وواضحة وكمان بيعمل بتكنولوجيا الإضاءة LED ودي اللي هتضمنلك درجة إضاءة مميزة في وقت المشاهدة.
  • ومن اللطيف جدًا إن التلفزيون ده مليان وصلات تساعدك على إنك توصل حاجات كتير فيه لأن موجودة فيه وصلة للفلاشة، وللإريال علشان لو هتشغل قنوات أرضي وعندك إريال، وفيه مدخل للـ DVD، مدخل للـ HDMI، مدخل للريسيفر ومدخل للكمبيوتر.
  • من المشاكل اللي في التلفزيون ده إن سماعاته مش قوية بالنسبة للتلفزيونات اللي في حجمه لأنها 3 وات.
  • وعشان تتأكد إن التلفزيون حجمه مناسب للمكان اللي هيكون فيه ولا لأ دي مقاساته بالقاعدة ومن غيرها
  • المقاسات (عرضxارتفاعxعمق)
  • بدون القاعدة 345x557x57
  • بالقاعدة 391x557x220

مُستخدمينا قالوا إن التلفزيون ده تقييمه العام 4/5.

مميزات Tornado 24 Inch

  • الشاشة تعمل بدقة عالية HD.
  • الشاشة تعمل بتكنولوجيا الـ LED في الإضاءة وهي تكنولوجيا بتضمنلك إضاءة شاشة مميزة.
  • يقبل تشغيل فلاشة.
  • مدخل HDMI إتش دى إم آى.
  • ضمان خمس سنوات.

عيوب Tornado 24 Inch

  • الشاشة حجمها صغير 24 بوصة فقط.
  • سماعاته ضعيفة مقارنةً بالتلفزيونات اللي في حجمه.

تلفزيون Tornado 24 Inch ED4150Y في مصر، يبدأ السعر من 1749 جنيه مصري وممكن تشوف مقارنات أسعاره من هنا.

Toshiba LED TV 24 Inch (توشيبا إل إي دي 24 بوصة)

a347e991f65d7dc0cf033eb1ac59415959c6b6c7

تجربة وتقييم المُستخدم

  • التلفزيون ده هيكون مناسب للناس اللي محتاجة شاشة صغيرة لبيتهم زيه زي التورنادو خاصهً لو هتكون المسافة بين المشاهد والتلفزيون أقل من نص متر.
  • الـ resolution بتاعته زيها زي التورنادو بالظبط 1366x 768HD  وتقريبًا نفس الوصلات بالظبط ونفس عدد سنوات الضمان وكمان نفس تكنولوجيا الإضاءة اللي هي LED لحد هنا تحس إنهم زي بعض بفرق 600 جنيه.
  • لكن التجربة هنا أثبتتلنا إن وقت المشاهدة الإضاءة والسطوع للتوشيبا أفضل شوية وكمان بييجي بخاصية الـ mega contrast وزي ما قولنا إن التورنادو صوته مش قوي لكن هنا التوشيبا بييجي بسماعة 5 وات و 2 سماعة يعني تقريبًا صوت أعلى 40% من نظيره التورنادو.
  • وعشان تتأكد إن التلفزيون ده ينفعك في المكان اللي عايز تحطه فيه دي المقاسات بتاعتهم بالظبط بالاستاند بتاعه ومن غيره.
  • المقاسات (عرضx طولxعمق)
  • بدون الاستاند: 557x330x72
  • بالاستاند: 554x375x164

مستخدمينا قالوا إن التلفزيون ده تقييمه العام 5/5.

مميزات Toshiba LED TV 24 Inch

  • الشاشة تعمل بدقة عالية HD.
  • يقبل تشغيل فلاشة.
  • الشاشة تعمل بتكنولوجيا الـ LED في الإضاءة.
  • إمكانية توصيل هارد خارجي.
  • خاصية تقوية الصوت.
  • التحكم فى تشويش الصوت.
  • يعمل بنظام الـMega contrast.
  • ضمان خمس سنوات.

عيوب Toshiba LED TV 24 Inch

  • الشاشة حجمها صغير 24 بوصة فقط.

تلفزيون Toshiba LED TV 24 Inch في مصر، يبدأ السعر  من 1899 جنيه مصري وممكن تشوف مقارنات أسعاره من هنا.  

Samsung 32 Inch Smart LED TV (سامسونج سمارت إل إي دي 32 بوصة)

2a6e4c4bbc8b2fbff4ce9d2599307aaa8cf796d2

تجربة وتقييم المُستخدم

  • كتير مننا أول ما بيفكر في تلفزيون بيكون في السامسونج، لأنه من زمان حل معادلة الإمكانيات الكتيرة بسعر مناسب.
  • التليفزيون ده فعلاً كان من أكتر التليفزيونات اللي الأسئلة بتكون عليه بشكل دائم لأن سعره كويس وحجمه مناسب وإمكانياته قوية.
  • لو هنتكلم من الأول تصميمه رائع خصوصًا الإطار المعدني النحيف والمميز.
  • دقة الصورة بتاعته 1366×1768 HD والإضاءة بتاعته LED اللي هتضمنلك تجربة مشاهدة ممتعة ونقية.
  • وبالنسبة للوصلات مدخل للفلاشة ومدخلين للـ HDMI وطبعًا للريسيفر، وده طبعًا هيكون كافي ويناسب كل الاحتياجات.
  • وكمان تقدر توصله بالـ Wi-Fi وتدخل منه على الـ YouTube أو Netflix وتتفرج على اللي انت عايزه أونلاين.
  • صوته واضح ونقي وقوي بقوة 5 وات وسماعتين مع تجربة سماعات Dolby Digital Plus.
  • مشكلته إن الكيبورد بتاعته مش مريحة وانت بتعمل search على YouTube أو أي حاجة تانية هتحتاج فيها لكيبورد وكمان من المشاكل التانية اللي ناس كتير اشتكت منها إن التلفزيون بطيء شوية وبياخد وقت على ما ينفذ الأوامر المطلوبة.
  • وكمان التطبيقات اللي عليه قليلة شوية لكن كمستخدم عادي هي كويسة ومُرضية.

مُستخدمينا قالوا إن التلفزيون ده تقييمه العام 4/5.

مميزات Samsung 32 Inch Smart LED TV

  • الشاشة تعمل بدقة عالية HD.
  • يقبل تشغيل فلاشة ومدخلين للــ HDMI.
  • الشاشة تعمل بتكنولوجيا الـ LED في الإضاءة.
  • ضمان 3 سنوات.
  • سماعات Dolby Digital Plus.
  • وزن خفيف.

عيوب Samsung 32 Inch Smart LED TV

  • قلة عدد البرامج والتطبيقات الموجودة عليه.
  • استجابة التلفزيون للأوامر أحيانًا تكون قليلة بعض الشيء.
  • الذاكرة الداخلية قليلة.
  • خامات التصنيع رديئة بعض الشيء.

تلفزيون Samsung 32 Inch Smart LED TV في مصر، يبدأ السعر من 3799 جنيه مصري وممكن تشوف مقارنات أسعاره من هنا.

LG FULL HD 43 Inch (إل جي HD الكامل 43 بوصة)

76ffed0e67a1a82170150cd04ad9371df9b8ff92

تجربة وتقييم المُستخدم

  • لو بتدور على شاشة كبيره بـ options مناسبة وبسعر مناسب وماركة معروفة بمشاكل قليلة التلفزيون ده هيكون من الاختيارات القوية اللي قدامك.
  • من المميزات الرئيسية في التلفزيون ده إنه بييجي مع محرك XD الثلاثي وهي تكنولوجيا الفيديو في الشاشة، تصميم معدني قوي وشكله كويس جدًا وبييجي بخاصية الـ Clear Voice اللي بتضمنلك صوت عالي ونقي.
  • ومن المزايا اللي فيه إنه كمان بييجي معاه ألعاب داخل التلفزيون مجانًا وكمان ميزة Picture Wizard III اللي بتسمحلك بضبط العناصر البصرية زي مستوى اللون الأسود، درجة اللون، وحدة مستويات الإضاءة.
  • الشاشة بتيجي بواحد من أحدث أنظمة الإضاءة وهو الـOLED وهو الجيل اللي بعد الـLED وهيضمنلك مستوى إضاءة قوي، الدقة الخاصة بالشاشة مميزة وقوية جدًا وهي 1080×1920 بكسل.
  • الصوت بتاعه هيطلعلك بقوه 10 وات مش كده وبس كمان هيجيلك بـ Dolby Digital Decoder وهيوصلك بعد التنقية لأن فيه خاصية الـ clear voice.
  • وبالنسبة للوصلات هتلاقي فيه HDMI ،USB، مدخل للريسيفر، مدخل لسماعات الرأس، RF IN ،CI Slot.
  • بعد معرفة تقييم مستخدمي التلفزيون كلهم أجمعوا إنه كويس جدًا ومفيش أي حد قال عليه أي حاجة سلبية غير إنه مثلاً ما فيهوش غير وصلة HDMI واحدة ودي حاجة في تقييمنا مش معضله كبيرة.
  • وعشان تتأكد إنه مناسب للمكان اللي هيكون فيه دي مقاساته بالسنتيمتر
  • طوله 58.3 وعرضه 97.6 وعمقه 8.2.

مُستخدمينا قالوا إن التلفزيون ده تقييمه العام 5/5.

مميزات LG FULL HD 43 Inch

  • الشاشة تعمل بواحدة من أحدث أنظمة الإضاءة وهو الـ OLED.
  • يقبل تشغيل فلاشة ومدخل للــ HDMI.
  • ممكن تسجل منه على فلاشة.

عيوب LG FULL HD 43 Inch

لا يوجد.

تلفزيون LG FULL HD 43 Inch  في مصر، يبدأ السعر من 3389 جنيه وممكن تشوف مقارنات أسعاره من هنا.

LG 4K UHD HDR Smart LED TV 43 Inch (إل جي 4k  سمارت إل إي دي 43 بوصة)

2596c6d1dd64ba9022651c0157b2ac1873df573c

تجربة وتقييم المُستخدم:

  • لو بتدور على شاشة كبيرة بمستوى إضاءة كبير ويكون فيه ريسيفر مدمج وكمان options كتيرة التليفزيون ده هيكون مناسب ليك جدًا.
  • التلفزيون ده عن تجربة شخصية هو فعلاً حلو جدًا.
  • نقاء الصورة 4k فائق الوضوح بيعرضلك صورة بجودة رائعة بعيدة عن تقنيات العرض التانية بأربع أضعاف نقاء كامل الوضوح، كمان فيه معزز للـ 4k اللي بيشتغل على تحسين مواصفات البث والأفلام والمشاهدات الرياضية عشان توصل لجوده الـ 4k.
  • تصميمه كويس جدًا ويناسب ديكور بيتك عشان هو فائق النحافة وتصميم الشاشة فعلاً عبقري وعصري وكمان تصميمه ازدواجي المعدن صُمم عشان يديك شكل حديث ومتين من خلال إطار معدني في أعلى وأسفل الشاشة فخد بالك إنه تقيل شوية محتاج مساعدة وانت بتثبته في الحيطة.
  • من المزايا المميزة فيه إن الصوت بتاعه كويس جدًا وهينتشر في المكان اللي هيبقى موجود فيه بشكل كويس ودي مزايا الصوت المحيطي.
  • وكمان فيه Wi-Fi وتقدر تشغل منه أي browser أو YouTube من غير وصلات كتير.
  • وكمان من المزايا المهمة الـ Launcher اللي موجود في التلفزيون ممكن من خلاله تنتقل بسهولة بين التطبيقات والمحتوى مع واجهة بسيطة بشكل مثالي بيسهلك الوصول إليه في أي وقت، منصة البدء بتخليك تتنقل خلال أي محتوى بدون أي مقاطعة للمشاهدة.
  • أما بقى عن الريموت هو فعلاً سحري ومش تقليدي، الموضوع بقى دلوقتي أسهل لأنه زي ماوس الكمبيوت، على قد ما الموضوع ممتع لكنه مربك شوية لحد ما تتعود عليه.
  • أما عن الوصلات فهو فيه كل حاجة مطلوبة 3 HDMI و3 مداخل للـUSB ومدخل للسماعات الرأس.
  • وعشان تتأكد إن حجمه مناسب ليك هو عرضه 97.1 سم وطوله 62.4 سم.
  • هو عامهً تليفزيون بيلبي جميع الاحتياجات اللي ممكن تحلم بيها وحتى تقييماته عالميًا كلها عالية مفيش حد قال عليه أي تقييم سلبي، هو ممكن يكون غالي شويه بالنسبة لحجمه لكن ده بسبب كل الـoptions اللي فيه، فلو محتاجه ومحتاج الـoptions دي وميزانيتك تسمح ننصحك بيه.

مُستخدمينا قالوا إن التلفزيون ده تقييمه العام 4/5.

مميزات LG 4K UHD HDR Smart LED TV 43 Inch

  • الشاشة تعمل بواحد من أحدث أنظمة الإضاءة وهو الـOLED.
  • يقبل تشغيل فلاشة.
  • يعمل بالـWi-Fi.
  • Web browser.
  • ريسيفر داخلي.

عيوب LG 4K UHD HDR Smart LED TV 43 Inch

  • سعر التلفزيون مبالغ فيه بعض الشيء.

تلفزيون   LG 4K UHD HDR Smart LED TV –43 Inch  سعره يبدأ من 5690  جنيه مصري وممكن تشوف مقارنات أسعاره من هنا.

 

قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com في فيسبوك.

10 thoughts on “أفضل 5 تلفزيونات بين الأكثر مبيعًا في عام 2016 في مصر”

  1. LG4k uhd
    Hdr smart
    Led Tv 43
    Price. 5690

  2. Lg 4k uhd
    Hdr smart
    Led Tv 43
    Price. 5690 L.E.
    العنوان….3 شارع طمازين .فلمنج الاسكندريه
    ت/01007504722

  3. magdy says:

    عاوز شاشة lg 4k 43 smart
    01200142716

  4. Wael elsayed says:

    لو حبيت اجيب شاشه lg4k ممكن

  5. Wael elsayed says:

    عاوز شاشهlg 4k

  6. Eslam says:

    Ig-4k
    tel/01066914431

  7. المستشار يحيي حجازي says:

    عاوز شاشة توشيبا سمارت 55بوصة

    1. Michel Ramsis says:

      ممكن تدور عليها و تشوفي اسعارها و تشتريها من خلال موقعنا yaoota.com

  8. dr. Ezzat Kenaiber says:

    Please tell me about ( L G 4K UHD Smart 43 inches ) Is it currently available or not , and its price, how much ?)
    Note , today is 5 – feb – 2017 .thanks a lot.

    1. Michel Ramsis says:

      You can search for it through our website Yaoota.com and know it’s updated price

Leave a Reply

Your email address will not be published. Required fields are marked *