كتب رنا كمالي  و ترجمة ناديه حسين

مع بداية عام جديد، بتتولد أحلام جديدة. وأنت  أكيد عندك قرارات جديدة عشان تخلي السنة الجديدة سعيدة. ياقوطة  هتحاول تساعدك أنك تعمل سلام مع كل حاجة فاتت وتنسى الماضي وتلتفت لرحلة جديدة تحقق فيها كل طموحاتك.

القرارات الـ 13 اللي ياقوطة اخترتهم لك للسنة الجديدة هيغيروا في طريقة تفكيرك وروتين حياتك ودا كله هينعكس على مستقبلك بشكل إيجابي.

1. تخلص من أعبائك

دايمًا بيكون عندنا شيء أو أكثر متأكدين إننا لازم نتخلص منه.. ولكن لسبب أو لآخر بنأجل القرار دا. كثير مننا محتاج يتخلص من علاقة سيئة، عادة مزعجة أو حتى ملابس قديمة.. يمكن أنت عارف إنه فعلًا حاجة سيئة ولكن دايمًا بتتراجع في قرار انهاء العبء دا والتخلص منه نهائيًا.. خذ نفس عميق واتأكد إن قرارك صح واتخلص منه، وهتحس إنك أخف كثير كأنك تخلصن من حمل تقيل.

2. حدد أهداف مُلهمة، تسعدك لما تحققها 

الحياة بدون هدف ملهاش معنى، لذلك عليك إنشاء قائمة بأهداف قصيرة الأجل وأخرى طويلة الأجل وحققها مع الوقت.. هتحس بذاتك أكثر كل ما هتحقق حاجة من أهدافك هترضى عن نفسك وهتحس بقيمتك في الدنيا.

3. سافر كثير

قال أحد الحكماء: « سافر حينما تكون شابًا وقادرًا. لا تقلق بشأن المال فقط اعمل على نجاح التجربة. تجربة السفر هي أكثر قيمة بكثير من المال.» عليك فقط حزم حقائبك وانطلق، حتى لو كانت عطلة نهاية الأسبوع يمكنك الذهاب إلى أقرب شاطىء، وسوف تحصل على ذكريات رائعة وأصدقاء جدد وتجارب مدهشة.

4. اضبط وزنك

أكثر من 70% من المصريين عندهم مشاكل متعلقة بالوزن، إذا كنت بدين أو نحيف، عليك أن تأخذ خطوة للتغيير. مش مشكلة وزنك كام، الأهم إنك تكون عندك لياقة، متمتع بالصحة وواثق من نفسك ومن شكلك. احنا عارفين إنها مش خطوة سهلة لكن الإرادة هى كلمة السر.

5. البقاء على اتصال مع الناس

اتصل بأصدقائك وأقاربك اللي مسمعتش صوتهم من سنين، والأفضل من كدا إنك تزورهم. دا أحسن بكثير من مجرد  التواصل معهم عبر فيسبوك. خصص وقت أكثر للعائلة والأصدقاء هتحس بالفرق جدًا بعد ما تعمل كدا، لما تشوفهم وجهًا لوجه وتتكلموا وتضحكوا سوا هتحس إن الوقت اللي انت قضيته في الزيارات دي بيخلي حالتك النفسية أفضل بكثير وهتتأكد إنك فاتك كثير لما كنت بتكتفى بمجرد اتصال تليفونى أو رسالة فيسبوك.

6. اشترى حاجة لنفسك كنت عايزها من فترة

مش لازم تبقى حاجة كبيرة، ممكن تكون مجرد قلم شكله حلو وعجبك أو عقد لطيف.. اشتري لنفسك هدية تحس إنك مبسوط بيها.

7. فرح نفسك بنفسك

كتير مننا بينتظر الحاجة أو الشخص اللى يخليه سعيد، لكن الحقيقة إن الأفضل والأسهل إننا نسعد نفسنا بنفسنا. اعمل كل حاجة تخليك سعيد. سواء كانت الحاجة دى لعبة فيديو، تمشية بالليل لمسافة طويلة، قراءة كتاب يثير اهتمامك أو حتى تركب خيل في الصحراء وممكن  للبنات مجرد إنها تحط مانيكير شكله لطيف دا يكون مصدر سعادة.. عليك إنك تقرر وافعلها فورًا.

8. عيش حياة صحية

اختار مشكلة صحية واحدة على الأقل بتعانى منها وقرر حلها. ممكن تكون أي حاجة بدءًا من التخلص من الكوليسترول الزائد لحد التخلص من الإجهاد والتوتر، فقط قرر تحلها واتعلم أفضل الوسائل اللى ممكن توصلك لكدا. وابتدى تدخل الطرق دي في نمط حياتك عشان تعيش بصحة أفضل وكمان تبقى أكثر سعادة.

9. العب رياضة أكثر

الرياضة هتخلي لياقتك أحسن وهتمتع بصحة أفضل وكمان هتتخلص من التوتر بسهولة وهتستعيد حيويتك. كل يوم، على الأقل مارس الرياضة لمدة 10 دقائق فقط أو حتى نص ساعة في أيام متفرقة بشكل متواصل.. ممكن تمارس أي نوع من الرياضة تحبها، ممكن تبقى الجري، كرة القدم، اليوجا، رقص الزومبا، كيك بوكسينج، التنس أو حتى المشي.

10. تعلم شيء جديد

اكتساب مهارة جديدة أو تعلم لغة، هتعود عليك بالنفع بشكل لا تتخيله. عشان كدا استثمر ولو دقيقتين يوميًا في تعلم أي حاجة جديدة ومع الوقت هتتراكم المعلومات دي وهتبقى حاجة كبيرة. بالطريقة دى عقلك هتتفتح له أفاق جديدة وتطور من نفسك وتنجح في حياتك.

11. تطوع

رد الجميل للمجتمع من خلال العمل التطوعي زى التطوع في دار للأيتام أو ملجأ لرعاية الحيوانات.. وممكن أبسط من كدا تزور صديق مريض في المستشفى. ابتسم لما تشوف حد أو ساعد شخص ما.. في المقابل هتحس بمشاعر إيجابية و بقيمتك وتأثيرك في المجتمع من حواليك.. وفوق دا كله هتكون قدمت مساعدة لناس في حاجة فعلًا لمساعدتك.

12. غير من شكلك

تغيير أي حاجة في مظهرك ولو بسيطة هتفرق كثير. ممكن قصة شعر جديد، رسم تاتو لطيف، تغيير طريقة لبسك. مش مهم هتعمل ايه، المهم بجد هو عمل تغيير في مظهرك. حتى لو كنت أنت بس اللي هتشوف التغيير دا، هيفضل جواك احساس إنك عملت حاجة جديدة وكسرت الملل والروتين.

13. واجه مخاوفك

يمكن كل واحد فينا جواه خوف من حاجة معينة .. حدد مخاوفك وقرر تتغلب عليها أو على الأقل اعترف إنها موجودة وتعايش معها بسلام.

من خلال www.yaoota.com، تقدر تدور وتقارن وتشترى ويوصلك اللي أنت محتاجاه لحد باب البيت ومتنساش رغم أي شيء أنك تبتسم دائمًا.

ياقوطة تتمني لكم عام جديد سعيد 🙂