أفضل 10 طرق للتغلب على الجو البارد

كتب: يوسف هارفي ودينا أمير

الجو اليومين دول ساقع أوى عشان كده ياقوطة  بتقدم لك 10 طرق عشان تدفى جوه وبره البيت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

1.الرقص

الدراسات اثبتت إن من أحسن الطرق اللي تساعد الجسم على حرق الدهون هي الرقص عشان كده الناس اللي بترقص على الجليد ولابسين خفيف مش بيسقعوا لأن الجسم بيحرق دهون وبيدفى الجسم. الجسم العادى بيحرق 1620 كالوري يوميًا من غير لا رقص و لا حاجة وفي الشتاء بيزيد نسبة الحرق طبعًا وبتختلف حسب مجهود الشخص.

اختار الأغانى المفضلة عندك واسمعها وارقص معاها.

ممكن تحتاج مشغلات موسيقى  أو سماعات رأس

اقرأ أيضًا: دليل ياقوطة لسماعات الرأس

2. دش دافي

القعدة تحت الدش فى الشتاء تقريبًا كلنا بنعملها عشان بتريح الأعصاب والجو بره بيكون ساقع. بس المشكلة أن الميه السخنة مضرة للجلد وبتسبب الجفاف. عشان كده لو هتاخد دش يبقى خليه ميه دافيه مش سخنة أوى عشان الجلد.

هتلاقي هنا أفكار جديدة للدش و هنا للصابون.

3. المياه

شرب المياه مهم جدًا للجسم في فترة الشتاء خصوصًا لو عندك برد أو انفلونزا لأنها هتساعدك كتير في خفض الحرارة وتحمى جسمك من الجفاف. بعد أي وجبة ساخنة ممكن تشرب مياه دافية أو ساخنة عشان تسهل عملية الهضم. عمومًا شرب المياه في درجة حرارة الغرفة هو أحسن طريقة لاستهلاك الميه عشان جسمك مش بيحتاج يبذل مجهود عشان يدفيها أو عشان يبردها.

شوف هنا مقارنة بين زجاجات مياه مختلفة الأشكال.

4. ابدأ من منزلك

بيتك هو أحسن مكان تحس فيه بالدفء في الشتاء وأهم مكان تبتدى بيه عشان تريح أعصابك بعد يوم طويل. في حلين إما إنك تقفل كل الأبواب والشبابيك أو إنك تضيف سجاجيد ومشايات ودفاية عشان تدفي الغرفة اللي أنت فيها و تحمى نفسك من برد الأرض.

ضع الدفاية تحت رف ووراها ورق الومنيوم عشان تركز التدفئة لداخل الغرفة .

شوف هنا ستاير و سجاجيد ودفايات و أجهزة تانية ممكن تحتاجوها عشان تخلى بيتك دافي.

اقرأ أيضًا:  دليلك لشراء دفاية.

هتلاقى هنا غطاء سرير  و لحاف

5. ملابس تدفئة

ممكن تلبس جاكيت أو بلوفر تقيل ده أكيد هيدفى جسمك من فوق وهيدفى كمامك. البس طاقية أو آيس كاب تقيل عشان تدفى رأسك ومتفقدش حرارة كتير. متنسوش لبس شراب تقيل وطويل أو حذاء عشان تحافظ على رجليك دافية.

ممكن تلاقى بلوفر تدفئة، شراب تدفئة رجالى، جاكيت رجالى، حذاء ، كوفية.

6. الأكل مهم عشان تحس بالدفء

نوع الأكل بيفرق كتير فى إحساسك بالدفء وفي نفس الوقت يكون صحي.

  • وجبة الشوفان مفيدة جدا لأنها حبيبات كاملة تعطيك كمية كبيرة من الألياف والبروتين اللي هيحسسك بالدفء ويقلل مستوى الكوليسترول بنسبة 5%: 10%.
  • الشيكولاتة الساخنة جزء مهم من تجهيزات الشتاء وأثبتت الأبحاث إن الشيكولاتة الداكنة تقلل من نسبة خطورة اصابتك بالسرطان و كمان هتساعدك فى الاحساس بالدفء.
  • شوربة الفاصوليا السوداء بالكمون و الفلفل الحار تساعدك على الشعور بالدفء ويساعد العضلات على استقبال مزيد من الاكسجين، من المفيد تناولها قبل التمرين.
  • التفاح يحتوى على مكونات تساعدك على البقاء دافئًا وبصحة جيدة.

هتلاقى هنا أدوات للمطبخ.

7. اتمرن

متخليش الشتاء يغيرك و ابتدي يومك بتمرين في البرد لأنه هيزود من ضخ قلبك للدم مما سيؤدى لتقوية عضلة القلب وهتحس بالدفء والنشاط. لو التمرين برا البيت في الجو ده صعب بالنسبة لك يبقى لازم تخلى عندك أجهزة رياضية في البيت عشان تفضل محافظ على رشاقتك.

اقرأ أيضًا:  أهم 10 أدوات للرياضة المنزلية

ممكن تشوف هنا جهاز لعضلات البطن، جهاز لنحت الجسم، دراجة رياضية منزلية، Fitness tube، مرتبة للتمرينات الرياضية.

8. و لنا في الخيال حياة

 العلماء اثبتوا إن العقل والحالة النفسية قادرين على التحكم في درجة حرارة الجسم مما يعني لو يوم الدفاية تعطلت مش هتتأثر أوى لو قدرت تدخل نفسك في مزاج الصيف والشمس وتتخيل نفسك على البحر وسامع صوت الموج كل ده هيحسسك بالدفء و الراحة النفسية.

9. ليلة هادئة مع فيلمك المفضل

من أفضل الطرق لتقضية ليلة في الشتاء هي مشاهدة فيلمك المفضل في السرير أو على كنبة مريحة في غرفة المعيشة  وتطلب أكل من مطعم لذيذ و تدفء يديك بكوباية شاى أو نسكافيه أو شيكولاتة ساخنة.

شوف أكتر من بطانية من هنا.

10. الطبخ

أنك تقف تطبخ أي حاجة في المطبخ وتشغل الفرن ده كفيل إنه يدفي لك البيت كله وهيكون وقت عائلى جميل لو كل الأسرة دخلت المطبخ تساعد في عمل عشاء أو كيكة لذيذة.

اقرأ ايضًا: أفكار مبتكرة لمطبخك

هتلاقى هنا أواني طبخ، مينى توستر

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *