٨ من أفضل الموبايلات في مصر من ٥٠٠ وحتى ٢٠٠٠ جنيه

cartoon 2

كتب: محمد عادل

ارتفاع الأسعار المبالغ فيه يوم ورا يوم خلّى عملية شرا موبايل جديد عملية مرهقة ومتعبة جدًا، فبسبب ارتفاع الأسعار الكبير ده موديلات وماركات معروفة اتحركت من الشريحة بتاعتها لشريحة تانية، وموديلات وشركات جديدة نزلت بموبايلاتها الجديدة للسوق، ومع إن دي حاجة مفرحة لكنها مقلقة برضه وده بسبب الخوف من إنك تشتري وتدفع فلوس في حاجة وبعدين تلاقي فيها مشكلة.

احنا في ياقوطة جبنالكم مجموعة مختلفة من الموبايلات في الفئة السعرية من ٥٠٠ جنيه ولغاية ٢٠٠٠ جنيه، وعرفنالك مزايا وعيوب كل موبايل علشان نوفر عليك اللف والدوران، مش كده وبس عن طريق ياقوطة ممكن تعرف وتطلب الموبايل اللي تحبه وهيوصلك لغاية البيت وبأفضل سعر.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

السعر يبدأ من العيوب المميزات الموبايل

٢٢١٠ جنيه مصري.

  • أداء الكاميرا في التصوير مش ممتاز.
  • زوايا الرؤية ضعيفة تحت أشعة الشمس.
  • يدعم تقنية OTG.
  • بطارية كبيرة.
Lenovo Vibe P1m

١٨١٨ جنيه مصري.

  • سعة البطارية قليلة.
  • عند معالجة الرسوميات تخسر بعض الفريمات.
  • دقة شاشة جيدة وزوايا رؤية واضحة تحت أشعة الشمس.
  • أداء الجهاز جيد.
  • صوت المكالمات مميز.
Asus ZenFone Go

١٨٩٩ جنيه مصري.

  • أداء الجهاز ضعيف أمام الجرافيكس المتطورة.
  • مستشعر البصمة بطيء.
  • عمر البطارية ضعيف أمام الاستخدام القوي.
  • تصميم مريح للاستعمال بإيد واحدة.
  •     أداء الكاميرا مميز في ظروف التصوير المختلفة.
Innjoo Max 3 pro

 ١٦٩٩ جنيه مصري.

  • تصميم تقليدي.
  • تجربة تصوير ضعيفة.
  • أداء الجهاز سريع.
  • بطارية كبيرة.
Tecno W4

١١٥٥ جنيه مصري.

  • سعة البطارية قليلة.
  • أداء الكاميرا ضعيف.
  • يدعم تشغيل شريحتين اتصال وكارت ميموري.
  • تصميم مريح للاستعمال بإيد واحدة.
IKU K45i

 ٩٨٠ جنيه مصري.

  • أداء عام ضعيف.
  • ذاكرة داخلية صغيرة.
  • تصميم أنيق.
  • شاشة دقيقة ومميزة في الاستخدام تحت الشمس.
Samsung Galaxy

J1 mini

٨٥٨ جنيه مصري.

  • صغر حجم الذاكرة الداخلية.
  • أداء الجهاز عمومًا متوسط.
  • شكل وتصميم جيدين.
  • أداء عام للكاميرا مقبول مقارنة بالسعر.
Huawei Y3C

٨٤٥ جنيه مصري.

  • شاشة الموبايل صغيرة الحجم.
  • أداء الموبايل العام ضعيف.
  •  يدعم استعمال شريحتين اتصال.
  • كاميرا بأداء مقبول مقارنة بالسعر.
Hisense Glory U601

Lenovo Vibe P1m موبايل

leno

تقييم الموبايل

موبايل لينوفو بي 1 إم بيقدم شاشة ٥ بوصة ويعمل بمعالج رباعي النواة بتردد ١ جيجا هرتز وسعة ذاكرة داخلية ١٦ جيجا بايت وكاميرا خلفية ٨ ميجا بكسل وأمامية ٥ ميجا بكسل وبطارية ٤٠٠٠ مللي أمبير.

تجربة المُستخدم

تصميم الموبايل معدني رائع ومطلي بمادة نانو المضادة للبلل عشان تحميه من مياه الأمطار، إلا أن جسم الموبايل يحمل بصمات الأصابع بشكل ملحوظ. شاشة الموبايل تقدم تجربة جيدة مقارنة بسعرها من حيث جودة العرض وزهاء الألوان، إلا إن زوايا الرؤية تحت الشمس صعبة بعض الشيء. أداء الموبايل جيد مع تشغيل التطبيقات المختلفة من شات وتصفح الإنترنت، ولكن يبدأ أداؤه في التباطؤ لما تقوم بتشغيل ألعاب بجرافيكس عالية.

تجربة التصوير جيدة في ضوء النهار والأماكن الداخلية ذات الإضاءة القوية، أما في الإضاءة الخافتة ستخيب الصور ظنك.

بطارية الموبايل تعتبر من أهم مميزات موبايل Lenovo Vibe P1m  لإنها ٤٠٠٠ مللي أمبير وممكن تستخدمها كبطارية متنقلة، وكمان ممكن تشحن بيها موبايلات تانية لإن الموبايل يدعم تقنية الـ OTG وبيقدم ١٦ ساعة من الإنترنت و٢٦ ساعة من المكالمات الصوتية.

شوف موبايل Lenovo Vibe P1m، بسعر يبدأ من ٢٢١٠ جنيه مصري.

Asus ZenFone Go موبايل

asus

تقييم الموبايل

موبايل أسوس زين فون جو بييجي بشاشة ٥ بوصة ١٢٨٠×٧٢٠ بكسل، وتصميم بلاستيكي محاط بحواف معدنية، يعمل ببروسيسور رباعي النواة Mediatek 6580 بتردد ١٫٣ ميجاهرتز، رامات ٢ جيجا بايت، وذاكرة داخلية 8 جيجا بايت وبيدعم كروت ميموري حتى ٦٤ جيجا بايت، الكاميرا الأمامية للموبايل ٥ ميجا بكسل والخلفية ٨ ميجا بكسل، وبطارية الجهاز ٢٠٧٠ مللي أمبير.

تجربة المُستخدم

موبايل أسوس زين فون جو بيقدم تصميم بلاستيكي، شاشة دقة وضوحها جيدة ومريحة في القراءة، واللي بتقدم زوايا رؤية جيدة تحت أشعة الشمس. تصميم الموبايل جيد ووزنه خفيف مقارنة بحجم شاشة الموبايل.

الموبايل بييجي بواجهة استخدم Zen UI واللي بتقدم تصميم مميز وبسيط للأندرويد. الموبايل يعمل بنسخة أندرويد مارشميلو 6.0، واللي بتتيح التعامل بالإيماءات مع الموبايل بشكل سريع، فالشاشة لما تكون مغلقة يمكن للمستخدم إيقاظ الموبايل بضغطتين، وممكن ترسم حروف لتشغيل تطبيقات بعينها دون الحاجة للدخول والبحث عن التطبيق داخل الموبايل بعد فتح الشاشة، فمثلًا لما تكون الشاشة مغلقة ويرسم المُستخدم حرف C، يتم بسرعة تشغيل تطبيق الكاميرا.

أداء الجهاز كويس جدًا مع المهام المتعددة وتشغيل التطبيقات والألعاب المختلفة مثل Asphalt 8  وmortal Combat. يقدم الموبايل أداءً مميزًا ومفيش حرارة عالية للموبايل مع اللعب لفترة طويلة، إلا أن هناك فقدان بسيط لبعض الفريمات خلال اللعب لن تشعر بها.

صوت المكالمات التليفونية كويس جدًا، بسبب إن الموبايل مزود بميكروفون مخصص للتخلص من الضوضاء، ولكن صوت السماعات الخارجية ضعيف شوية وخصوصًا لما الموبايل يكون على ضهره على أي سطح، لأن أسوس عملت السماعات في أسفل ضهر الجهاز.

تجربة التصوير تعتبر مقبولة ولو هنقارنها بالموبايلات الموازية ليه هنلاقي صوره أقل من المتوسطة. الكاميرا الأمامية والخلفية في الإضاءة الخارجية والإضاءة القوية بيقدموا أداء جيد، ولكن في التصوير الداخلي والإضاءة الضعيفة يقل وضوح الصورة ويخسر المُستخدم تفاصيل الصور.

شوف موبايل Asus ZenFone Go، بسعر يبدأ من ١٨١٨ جنيه مصري.

Innjoo Max 3 pro موبايل

ingo

تقييم الموبايل

موبايل إنجو ماكس 3 برو بيقدم شاشة بحجم ٦ بوصة بدقة وضوح  HD، وذلك في تصميم معدني، إلى جانب كاميرا أمامية 8 ميجا بكسل وكاميرا خلفية ١٣ ميجا بكسل وبروسيسور MT-6735 رباعي النواة ورامات ٢/١ جيجا بايت وذاكرة داخلية ١٦ جيجا بايت إلى جانب إمكانية تشغيل كارت ميموري حتى ١٢٨ جيجا بايت، و بطارية سعتها ٣٠٠٠ مللي أمبير.

تجربة المُستخدم

تصميم موبايل إنجو ماكس 3 برو المعدني يعطي شكل أنيق وطابع مميز عن بقية سلسلة هواتف إنجو ماكس اللي كانت بتتسم بالهيكل البلاستيكي. شاشة كبيرة ٦ بوصة مغطاة بطبقة ضد الخدش ومصنوعة من زجاج 2.5D، والشاشة ليها حواف من الأجناب. درجة وضوح الشاشة جيدة حيث يقدم صور طبيعية وواضحة من حيث الألوان والتفاصيل، وتوزيع البكسلات يخلي العين تتعامل بسلاسة معها دون ملاحظة البكسلات.

الجهة الخلفية للجهاز ليها انحناء بسيط يجعل من السهل على المُستخدم التحكم في الموبايل واستخدامه بإيد واحدة. وضع السماعات الخارجية في الجانب السفلي من الموبايل أفضل من وجودها على الجانب الخلفي، وده بيضمن وضوح الصوت، ووجود منبه إشعارات ضوئية أسفل إطار الجهة الأمامية للشاشة يعتبر ميزة مهمة.

الكاميرا الخلفية ١٣ ميجا بكسل بفلاش مزدوج LED قوي، وتقدم جودة مقبولة في الإضاءة الجيدة وكذلك في التصوير الخارجي في ضوء الشمس.

موبايل إنجو ماكس 3 برو يحرمك من استخدام شريحتين اتصال وكارت ميموري في نفس الوقت، ولازم تختار بين بطاقة الذاكرة والشريحة الثانية. سماعة المكالمات جيدة ووضوح صوتها أقل من المتوسط، ففي الأماكن المزدحمة استعمالها هيكون مش مريح. مستشعر البصمة بياخد وقت عند فتح قفل الشاشة لما تكون الشاشة مغلقة تمامًا. الموبايل يعمل بنظام تشغيل أندرويد 5.0 لولي بوب، والمفترض إنه يقدم النسخة الأحدث وقت صدروه وهي أندرويد مارشميلو 6.0. 

الكاميرا الأمامية ٨ ميجا بكسل تقدم صورة تظهر فيها درجة عالية من التشويش وهي غير مزودة بالتركيز التلقائي Auto Focus مما يجعل من الصعوبة التركيز على عنصر بعينه عند التصوير.

على الرغم من أن سعة البطارية ٤٠٠٠ مللي أمبير، لكنها بتقدم ٦٫٥ ساعة فقط من تشغيل الشاشة بشكل متوصل Screen-on time.

شوف موبايل Innjoo Max 3 pro، بسعر يبدأ من ١٨٩٩ جنيه مصري.

Tecno W4 موبايل

tec

تقييم الموبايل

موبايل تكنو W4 يعمل بشاشة ٥ بوصة بدقة وضوح HD من نوع IPS LCD، بكثافة توزيع بكسلات ٢٩٧ بكسل في البوصة، وكمان الشاشة مغطاة بطبقة حماية بلاستيكية. الموبايل يعمل بمعالج رباعي النواة بتردد ١٫٣ جيجا هرتز، ورامات ١ جيجا بايت وذاكرة داخلية ١٦ جيجا بايت، وكاميرتين خلفية ٨ ميجا بكسل وأمامية ٢ ميجا بكسل، وبطارية الموبايل ٢٥٠٠ مللي أمبير.

تجربة المُستخدم

تصميم الجهاز تقليدي، ولكنه متوازن وخفيف الوزن. دقة وضوح الشاشة والألوان مقبولة، وكمان درجة سطوع الشاشة تحت أشعة الشمس.

أداء الجهاز سريع وده بيرجع لتطبيق تستخدمه تكنو في التخلص بشكل مستمر من التطبيقات الخاملة في الخلفية أول بأول وبالتالي يحافظ الجهاز بشكل مستمر على سلاسة الأداء، ولكنه أقل من المتوسط مع التطبيقات الثقيلة والألعاب إللي الجرافيكس بتاعها متطور وبيسخن شوية.

تطبيق الكاميرا مبسط ومريح ويتيح العديد من أوضاع التصوير، لكن التصوير عن طريق الكاميرا الخلفية في الأماكن ذات الإضاءة الخافتة يعتبر تجربة أقل من المتوسطة من حيث جودتها، ولكن من حيث الكاميرا الأمامية فإن تجربة السيلفي تعتبر غير مرضية بالمرة.

بطارية الجهاز من أقوى مميزاته، حيث أنها قادرة على العمل لمدة حوالي ١٠ ساعات متواصلة من المكالمات أو ٧ ساعة متواصلة من الإنترنت من خلال الواي فاي أو ٥ ساعات إنترنت عبر 3G.

شوف موبايل Tecno W4، بسعر يبدأ من ١٦٩٩ جنيه مصري.

iKU K45i موبايل

IKK

تقييم الموبايل

يقدم موبايل آيكو K45i شاشة ٤٫٥ بوصة ومعالج ثنائي النواة ١٫٢ جيجا هرتز، الرامات ٥١٢ ميجا بايت، سعة الذاكرة الداخلية ٤ جيجا بايت، الكاميرا الخلفية ٨ ميجا بكسل، الكاميرا الأمامية ١ ميجا بكسل، البطارية ١٦٠٠ مللي أمبير، نظام التشغيل أندرويد كيت كات.

تجربة المُستخدم

تصميم الموبايل جيد يشبه أيفون لحد كبير من الجهة الأمامية، وحجمه مناسب للاستخدام بإيد واحدة، وكمان وزنه خفيف.

الموبايل يدعم استخدام كارت ميموري بسعة تصل إلى ٦٤ جيجا بايت، وده هيعوض حجم الذاكرة القليل، وهيسمح للمُستخدم من تحميل التطبيقات والملفات اللي هيحتاج ليها معاه في كل مكان على موبايله. الموبايل يتيح استخدام شريحتي اتصالات، بحيث يتمكن المُستخدم من متابعة كافة اتصالاته أول بأول دون الحاجة إلى التبديل بين الخطوط.

الكاميرا الخلفية للجهاز بدقة وضوح ٨ ميجا بكسل، تقدم تجربة تصوير مقبولة في الأماكن ذات الإضاءة الجيدة، أما في الأماكن ذات الإضاءة الخافتة فتأتي الصور غير واضحة بشكل كافٍ.

المُستخدم هيعاني من صعوبة عند أداء أكثر من مهمة على موبايل IKU K45 بسبب ضآلة حجم الرامات بسعة ٥١٢ ميجا بايت، وده هيتسبب في استهلاكها بشكل سريع وامتلائها وهيؤدي لبطء الجهاز وسيضطر المُستخدم إلى غلق التطبيقات وإعادة تشغيلها مرة أخرى.

الكاميرا الأمامية للجهاز ضعيفة بدقة وضوح ١ ميجا بكسل، ودرجة وضوح الصور تعتبر سيئة وغير واضحة ومش هتحس بأي متعة في التصوير بيها. دقة وضوح الشاشة ضعيفة مقارنة بحجمها، وذلك يجعل تشغيل الألعاب على الموبايل تجربة غير مرضية بالنسبة للمستخدم، ولكن مع الألعاب الخفيفة أداء الجهاز جيد.

يقدم موبايل IKU K45 تجربة متوازنة لمن يحتاج إلى موبايل عملي خفيف الوزن يسمح له باستخدام شريحتي اتصالات، وبيقدم إمكانية استخدام كارت ميموري لغاية ٦٤ جيجا، وكمان تجربة التصوير بالكاميرا الخلفية جيدة، أما بالنسبة للأداء فالجهاز متواضع الأداء بسبب راماته الضعيفة ٥١٢ جيجا بايت وكمان سعة ذاكرة الجهاز الداخلية ٤ جيجا بايت فقط، ومش هيكون الاختيار الأمثل لعشاق الألعاب بسبب شاشته ذات الدقة الضعيفة.

شوف موبايل IKU K45i، بسعر يبدأ من ١١٥٥ جنيه مصري.

Samsung J1 mini موبايل

SAM

تقييم الموبايل

موبايل سامسونج جلاكسي جيه 1 ميني يأتي بشاشة ٤ بوصة ومعالج رباعي النواة بتردد ١٫٢ بوصة، يعمل برامات ٧٦٨ ميجا بايت أو ١ جيجا بايت، بسعة ذاكرة داخلية ٨ جيجا بايت، وكاميرا خلفية ٥ ميجا بكسل وأمامية VGA، ويعمل ببطارية ١٥٠٠ مللي أمبير ونظام تشغيل الموبايل أندرويد لولي بوب 5.1.

تجربة المُستخدم

تصميم موبايل جلاكسي جي 1 ميني يعتبر من مميزاته المهمة وده بسبب سهولة حمله واستخدامه بإيد واحدة.

الشاشة بتقدم أداء جيد بمساحة ٤ بوصة وشدة نقائها وبريق إضاءتها يتيح للمستخدم الاستخدام تحت الشمس بشكل واضح ومريح للعين وده من خلال وضع Outdoor، ولكن ألوانها أقل من المتوسط. أداء الجهاز متواضع من خلال ذاكرة عشوائية ٧٦٨ ميجا أو ١ جيجا بايت، مع بروسيسور رباعي النواة،  وعملية تشغيل تطبيقين وإنجاز مهام متعددة في وقت واحد كفيل بإنه يخلي الجهاز بطيء ومش قادر على الاستمرار وده هيقلل من سرعة تعامل المُستخدم معاه وكتير من الأحيان ممكن يهنج.

الكاميرا الخلفية للجهاز ٥ ميجا بكسل ومزودة بتقنية التركيز الثابت Fixed Focus وده بيخلي الصور تفقد تفاصيلها ووضوحها، وبتكون الصور وحشة في أوضاع الإضاءة الضعيفة، والكاميرا الأمامية ٠٫٣ ميجا بكسل VGA وتقدم تجربة ضعيفة بسبب تشويش الصور وافتقارها لوضوح تفاصيلها.

الموبايل يدعم استخدام كروت ميموري لغاية ١٢٨ جيجا بايت، وده هيعوض المُستخدمين شوية عن صغر مساحة الذاكرة الداخلية للموبايل. سعة البطارية جيدة مقارنة بحجم الشاشة ودقة وضوحها، وبتقدم  ٨ ساعات من المكالمات الصوتية، و ٩ ساعات من تصفح الإنترنت، و ٢٩ ساعة من تشغيل الموسيقى المتواصلة.

شوف موبايل Samsung Galaxy J1 Mini، بسعر يبدأ من ٩٨٠ جنيه مصري.

Huawei Y3C موبايل

HU1

تقييم الموبايل

يقدم موبايل هواوي واي 3 سي شاشة بحجم مناسب ٤ بوصة، واللي بتقدم جودة مناسبة لحجمها، حجم الجهاز بأبعاده وسُمكه مناسب ووزنه خفيف، وكمان سهل إنك تستعمله بإيد واحدة.

كاميرا خلفية مقبولة بدقة ٥ ميجا بكسل وفلاش مزدوج، الكاميرا الأمامية بدقة ٢ ميجا بكسل بتقدم تجربة جيدة لتسجيل اللحظات السريعة في الأماكن جيدة الإضاءة. الجهاز يعمل بمعالج رباعي النواة ١٫٢ جيجا هرتز، ويقدم رامات ٥١٢ ميجا بايت، وذاكرة داخلية ٤ جيجا بايت، وممكن تستخدم كارت ميموري لغاية ٣٢ جيجا بايت، والبطارية بسعة ١٧٣٠ مللي أمبير.

تجربة المُستخدم

حجم الجهاز مناسب للاستخدام بإيد واحدة ووزنه خفيف والشاشة جودتها متوسطة ولكن بالنسبة لممارسة الألعاب ذات الرسوميات المتطورة فتعتبر غير مناسبة.

مفيش مستشعر للمسافات في الموبايل على واجهته الأمامية، وده ممكن يسبب لك مشكلة وانت بتتصل بأي حد بسبب إضاءة الشاشة طول مدة المكالمة وكمان ده أكيد بيستهلك بطارية. أداء الجهاز بطيء ومش هتحس بمتعة كبيرة لو حبيت تحمل برامج وألعاب كتيرة وده ممكن جدًا يخلي الموبايل يهنج وانت شغال عليه.

التصوير في الإضاءة العالية هتكون نتيجته مقبولة ولكن في الإضاءة الخافتة تخرج الصور باهتة وتفاصيلها مش واضحة قوي. تتيح بطارية الموبايل ٧ ساعات ونص للمكالمات الصوتية، وتسمح بـ ٦ ساعات و ٤٠ دقيقة من الاتصال بشبكة الـ 3G، وتسمح ب ٢٨٠ ساعة في وضع الاستعداد.

شوف موبايل Huawei Y3C Dual Sim، بسعر يبدأ من ٨٥٨ جنيه مصري.

Hisense Glory u601 موبايل

LAS

تقييم الموبايل

موبايل هايسينس جلوري U601 شاشته ٤ بوصة LCD، ومعالج رباعي النواة ١٫٢ جيجا هرتز، ورامات ٥١٢ ميجا بايت، وسعه الذاكرة الداخلية ٤ جيجا بايت، وكاميرا ٢ الخلفية ميجا بكسل الكاميرا الأمامية ٠٫٣ ميجا بكسل، والبطارية ١٦٣٠ مللي أمبير ونظام التشغيل أندرويد مارشميلو.

تجربة المُستخدم

شاشة الموبايل بحجم متوسط ٤ بوصة بدقة وضوح متوسطة تتيح للمستخدم إمكانية تصفح الإنترنت ولكنها تكون متعبة في القراءة، وكمان زوايا الرؤية تحت أشعة الشمس بتكون ضعيفة حتى مع أعلي درجات سطوع الشاشة.

تجربة التصوير ضعيفة، ولكن الكاميرا الخلفية مزودة بفلاش LED وده بيساعد على التقاط صورة مقبولة في الإضاءة الخافتة. الموبايل يعمل بنظام تشغيل أندرويد كيت كات وبروسيسور رباعي النواة ١٫٢ جيجا هرتز وده بيقدم أداء متوسط مع المهام المتعددة والموبايل يسخن أحيانًا عند استخدام الألعاب التقيلة. بطارية الجهاز ١٥٠٠ مللي أمبير وبتقدم ٣ أيام في وضع الاستعداد.

شوف موبايل Hisense Glory U601، بسعر يبدأ من ٨٤٥ جنيه مصري.

*قد تنفد المنتجات من المتاجر في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *