هدايا خاصة لكل أم مع ياقوطة
كتبت: فريق العمل
لو سيبتونا لاختيارنا الشخصي، كنا نعمل احتفال يومي بكل أم، مش مجرد يوم واحد في السنة. وبالنسبة لحضرتك لازم تفكر في هدية كويسة للست والدتك، علشان ترضيها وتدخل الجنة، وتجيب هدية زيها للست حماتك علشان ترضيها وتتعشى في البيت النهارده! وده كان اللي تناولناه في في الجزء الأول من موضوعنا وجه الوقت أننا نتكلم عن منتجات تانيه تعتبر هدايا شخصية لماما. مش هدايا مفيده في شغلها في البيت بس.
بعض الأمهات بتشوف أن الهدية اللي لها علاقة بالمنزل كله – زي المايكرويف أو العجان مثلا- مش هدية لها بشكل شخصي، وده اللي خلانا نخصص الموضوع ده للهدايا الشخصية
ولأننا يهمنا أنكم الهدية الأحلى والأكثر مناسبة لست الكل، ياقوطة هتقولك على أفضل هدايا عيد الأم في ٢٠٢٣ ولو عجبك أي حاجة من اللي هنستعرضها وحبيت تشتريها تقدر تطلبها من خلالنا وهتوصلك في أسرع وقت.
بنفكرك إنك ممكن تشتري أجهزة ومنتجات ينفع تقدمها لوالدتك كهدية من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
iPad 9th generation
- أحلى حاجه في أجهزة التابلت، أنها عامله زي جوكر الكوتشينة. يعني جهاز بشاشة كبيرة يعرض فيديوهات وصور ويتعمل منه مكالمات فيديو.
- الشاشة الكبيرة لأجهزة أيباد هاتكون مثالية لماما لو كانت من محبي القراءة على التابلت. والسبيكر القوي هايناسبها في المكالمات أو حتى لسماع أي محتوى صوتي
- الميزة في أجهزة ipad أنها مناسبة للمستخدمين العاديين، يعني هي مش أجهزة متطورة – وغالية- زي أجهزة ipad pro وفي نفس الوقت بتقدم مواصفات فنية قوية جدا بالنسبة لفئة الأمهات والحموات.
- احنا فاهمين أن أجهزة أيباد غالية شوية، لكن نظام تشغيلها سهل وسريع وعملي، ومناسب للناس اللي مش عاوزه تعقيدات كتير
- مش بس السعر اللي غالي، عندنا بعض العيوب زي عدم القدرة على زيادة مساحة التخزين. بس كهدية لماما، ممكن نقول أن دي مش هاتكون مشكلة كبيرة. لأن في الغالب استخدامته هاتكون متناسبه مع مساحة التخزين الموجودة بالفعل. في الجهاز
شوف عروض أجهزة التابلت على ياقوطة من هنا.
ساعة سمارت X8 الترا
- من أهم الحاجات اللي هاتحب تجيبها لماما في عيد الأم، ساعة ذكية، بتصميم شيك، وفي نفس الوقت تتابع حالة ماما الصحية وتقيس مؤشرات كتير
- ساعة سمارت X8 الترا بتقيس معدل التشبع بالأكسجين وبتتابع حالة النوم وعمقه، ومعدلات صحية كتير هاتخليك دايما -انت وماما- متطمنين ومتابعين الحالة الصحية
- ساعة سمارت X8 الترا كمان بتيجي مع امكانيات مخصصة للنساء زي القدرة على متابعة حالة الدورة الشهرية والتنبوء بيها.
- أما لو والدتك – أو حماتك- بتحب الرياضة، الساعة ممتازة في متابعة النشاط الرياضي البدني وممكن تتابع من خلالها حالة القلب وباقي أعضاء الجسم أثناء التمرين
- أحلى ما في ساعة سمارت X8 الترا أنها بتجمع بين التصميم الجميل والسعر المناسب، مع بطارية بتدوم لوقت طويل. بس ننصحك تشتري اللون الاورانج علشان مناسب للنساء أكتر.
- كمان لازم نفهم أن القياسات اللي بتقدمها الساعة مش طبية أو ماينفعش نعتمد عليها لوحدها في تحديد اجراءات طبية. بدون استشارة الطبيب أو عمل اشعات أو تحاليل دقيقة.
شوف عروض ساعات سمارت X8 الترا على ياقوطة من هنا.
راديو ترانزستور باناسونيك
- مهما اتطورت الدنيا وبقى فيه سوشيال ميديا وفيس بوك وتيك توك. الخ هايفضل ناس كتير تعشق متابعة محطات الراديو التقليدية
- راديو الترانزستور من باناسونيك مش أرخص راديو موجود في السوق، لكنه من أدق الأجهزة وأفضلها من حيث التقاط الاذاعات وجودة الصوت
- الميزة في الراديو الترانزستور من باناسونيك أنه بييجي من شركة عملاقة لها اسمها وبتقدم خدمة ما بعد البيع. وده اللي يخلي الراديو هدية مثالية لكل أم عاوزه تسلي وقتها بمتابعة برامجها الاذاعية المفضلة
- راديو ترانزستور باناسونيك سهل الاستخدام وعملي وموفر للطاقة. بيلقط الاذاعات من أماكن صعب أجهزة راديو تانيه تلقط فيها الاشارة الاذاعية. وبيجيب اذاعات المفترض أن ترددها مش أقوى حاجه.
- تصميم راديو ترانزستور باناسونيك كلاسيكي، يعني ماما مش هاتلاقي صعوبة في استخدامه، ونتوقع أنه يكون أفضل رفيق لها في السفر أو في الأماكن اللي عاوزه انتظار طويل أو حتى في السرير قبل النوم.
شوف عروض أجهزة الراديو الترانزستور على ياقوطة من هنا.
عطر غوتشي غيلتي بلاك للنساء
- واحنا بنختار العطور المناسبة لهدايا عيد الأم، كان قدامنا اختيارين: إما يكون العطر حجمه صغير وغالي لكن بجودة عالية، او حجمه كبير وسعره كويس لكن جودته قليلة
- اختيارنا كان لعطر كميته قليلة لكن تأثيره وسحره رائعين. وبالنسبة لنا دي حاجه تستحق دفع الفلوس فيها
- طبعا احنا فاهمين أن الأذواق بتختلف. بالتالي ننصحكم بسؤال الوالدة بطريقة غير مباشرة، أو لو كان عندها عطر موجود بالفعل تجيب زيه.
- لكن من ناحية تانيه عطور غوتشي غيلتي معروف عنها تأثيرها المميز وعلشان كده سعرها غالي، لكن لو ما كناش نجيب الغالي للغالية. هانجيبه لمين؟!
شوف عروض عطور نسائية على ياقوطة من هنا.
ابل ايفون 13 برو ماكس
- وعلشان الحاجات اللي مافيش عليها جدال كبير بنحب نخليها للأخر. التليفون المحمول يعتبر واحد من أفضل الهدايا اللي ممكن تجيبها لوالدتك أو حماتك في عيد الأم.
- الميزة في الموبايل أنه عامل زي الولد اللي (بيقش) في الكوتشينه. يعني لو والدتك عاوزه تتفرج على فيديو، تقرأ كتاب PDF، تعمل مكالمة بالفيديو أو مكالمة تقليدية، أو حتى تتابع وصفة عاوزه تعملها في المطبخ أو مسلسل تركي على منصة مشاهدة.
- أي حاجه بتفكر فيها التليفون الكويس هايكون عنصر مساعد جدا يسهل عليها أنها تعمل اللي هي عاوزاه.
- احنا شايفينك ياللي بتسأل ليه اختيارنا راح لأيفون ١٣ برو ماكس مش ١٤ برو ماكس؟ علشان عاوزين نحافظ على ميزانية حضرتك قدر الامكان. خاصة أن جيل الأمهات مش هايحس بفارق ال Processor بين جيل الـ ١٣ و ١٤. الا لو ماما بتخش تحديات كتير على PUBG !
- ليه اختارنا ايفون ما اختارناش اندرويد؟ علشان بنحس أنه صديق الأم المصرية اللي عاوزه نظام تشغيل فيه امكانيات أقل لكن كل حاجه واضحة ومباشرة. طبعا اختياركم ممكن يتغير بتغير سن الأم أو تفضيلاتها الشخصية والميزانية اللي بتتحرك فيها طبعا
شوف عروض الهواتف المحمولة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.