أفضل أجهزة شركة Nikai على ياقوطة

كتبت: منى عوض

شركة Nikai واحدة من الشركات الحديثة اللي بتنافس في سوق الأجهزة والأدوات المنزلية فهي بتقدم منتجات كويسة بشكل كبير مقابل سعر مناسب.

في المقال ده هنوضح أبرز منتجات Nikai المتوفرة في السوق المصري، ولو أي منتج منهم عجبك وحبيت تشتريه تقدر تطلبه من خلالنا في ياقوطة وهيوصل لحد عندك في أسرع وقت.

بنفكرك إنك ممكن تشتري منتجات نيكاي من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

شاشة LED UHD 4K سمارت من نيكاي بحجم 50 بوصة

شاشة LED بتعمل بتقنية UHD 4K وحجمها 50 بوصة ودا حجم كبير ومناسب للمساحات الكبيرة وبتتميز بحواف رفيعة عشان تقدر تستمتع بتجربة مشاهدة أفضل.

الشاشة سمارت وبتيجي بنظام أندرويد 7.0 ودا معناه أنك تقدر توصلها بكل سهولة بشبكات الإنترنت وتفتح كل التطبيقات اللي إنت عايزها من خلال تطبيق البلاي ستور وتستمتع باستخدامها، وبتيجي بدقة FHD ووضوح 3840 × 2160 بكسل للاستمتاع بمشاهدة أوضح وألوان أفضل.

الشاشة متعددة المنافذ فهي مزودة بمنفذي USB و3 منافذ HMDI وبمنفذ RJ45 وفيها منفذ لتركيب سماعات الرأس، لكن مش هتلاقي منفذ RF الخاص بالإيريال الأرضي ولا هتلاقي مدخل AV ولا منفذ VGA، وكمان تقدر تتحكم فيها من خلال الريموت كنترول.

العيب الأكبر اللي الشاشة دي بتعاني منه هو أن مدة ضمانها سنتين بس ودي مدة قليلة جدًا.

تقدر تشوف شاشة LED UHD 4K سمارت من نيكاي بحجم 50 بوصة – NE50SUHD من هنا.

مكنسة كهرباء من نيكاي 1800 وات

المكنسة قوة شفطها عالية وكفائتها في الشفط عالية ودا بفضل قدرتها الكهربائية العالية واللي بتبلغ 1800 وات وقوة الشفط اللي بتبلغ 320 وات.

المكنسة مزودة بكيس للأتربة سعته كبيرة 4.5 لتر، وفيها مؤشر لكيس الأتربة عشان يوضحلك إذا كان الكيس مليان ومحتاج يتفضى أو لأ.

المكنسة بتيجي بأنبوب تلسكوبي معدني ومعاها ملحقات مختلفة مخزنة في مكان مخصص ليها وكمان السلك ليه بكرة بيتلم حواليها بمجرد الضغط على الزرار المخصص للمهمة دي، لكن رغم كل المميزات دي يعيبها إنها غير متعددة السرعات.

تقدر تشوف مكنسة كهرباء من نيكاي NEVC18B من هنا.

مكواة بخار نيكاي بقوة 2200 وات 

مكواة بخار أدائها كويس وكفائتها عالية جدًا فهي بتيجي بقدرة كهربائية تبلغ 2200 وات، وقاعدتها عبارة عن نانو سيراميك غير قابلة للالتصاق وبتكون سهلة الانزلاق والحركة على الأقمشة المختلفة وكمان سهلة في تنظيفها.

المكواة مزودة بخزان ماء سعته 280 مل وبيكون شفاف عشان تقدر تشوف فاضل قد إيه واستهلكت قد إيه وهكذا، وفيها منظم حراري بيوضح الحرارة المطلوبة لكل نوع قماش، وتقدر تختار بين خاصية رش المياه على القماش وبعدين كوي الملابس أو خاصية نفث البخار بشكل أوتوماتيكي.

المكواة مزودة بميزات كتير زي ميزة الحماية من الحرارة الزائدة واللي بتوفر فصل تلقائي للمكواة بمجرد وصولها لدرجة الحرارة المطلوبة، وميزة التحكم في البخار متغير، وميزة البخار العمودي، وميزة مانع التنقيط اللي بيمنع نزول المياه من الخزان أثناء الكوي.

فيها أيضاً ميزة مكافحة التكلس اللي بتمنع تكون الأملاح على قاعدة المكواة وبالتالي سد أماكن نفث البخار مع الاستخدام المتكرر، وكمان فيها خاصية التنظيف الذاتي، وفيها مؤشر ضوئي عشان تعرف هي شغالة ولا فصلت بمجرد وصولها لدرجة الحرارة المطلوبة.

تقدر تشوف مكواة بخار نيكاي بقوة 2200 وات – NESI100L من هنا.

فرن كهربائي من نيكاي 2000 وات

فرن كهربائي مميز فهو بيجي بقوة 2000 وات لضمان كفاءة وفعالية عالية في التشغيل، وسعة 52 لتر كبيرة عشان تقدر تستخدم الصواني الي إنت عايزها وتقدر كمان تسوي أكتر من أكلة في نفس الوقت.

الفرن بيجي بنظام تسخين على أربع مراحل بدرجة حرارة قابلة للتعديل بتبدأ من 100 درجة مئوية وتصل حتى 250 درجة مئوية، وفيه مؤقت زمني بيصل إلى 60 دقيقة.

الفرن بيتميز بهيكل مصنوع من الأستانلس ستيل المقاوم للصدأ وباب زجاجي وفيه صينية دائرية إضافية وشواية، وكمان مزود بلمبة داخلية هتسمحلك بمراقبة الطعام أثناء التسوية بكل سهولة من غير ما تفتح الفرن، وفيه مروحة لتوزيع الهواء الساخن في كافة أنحاء الفرن وبالتالي هتضمن أكل شهي ومستوي صح.

تقدر تشوف فرن كهربائي من نيكاي NET52RCP من هنا.

تكييف نيكاي بارد فقط 2.25 حصان

تكييف عملي بارد فقط بيجي بقدرة 2.25 حصان وبالتالي فهو مناسب للمساحات المتوسطة إلى الكبيرة بس تكون مساحات مقفولة، وكمان موفر في الطاقة فهو بيجي بكفاءة طاقة “ب” وده بجانب وظيفة التربو كول أو التبريد السريع في غضون دقيقتين ودي ميزة تانية بتخليه موفر للكهرباء أيضًا.

التكييف مزود بفلتر داخلي لتقنية الهواء الصادر عنه من أي غبار أو بكتيريا وبالتالي هتضمن الاستمتاع بهواء نقي وصحي تمامًا، بس تضمن الميزة دي باستمرار هتحتاج تنضف الفلتر بشكل مستمر، وهتحتاج كمان تنضف التكييف كل فترة لأنه غير مزود بتقنية التنظيف الذاتي اللي بتمنع تكوين الفطريات والبكتريا بداخله.

التكييف بيتميز أيضًا بوظيفة التشغيل الهادئ وبالتالي مش هتحس بأي إنزعاج من صوته طول ما هو شغال، وتقدر كمان تظبطه من خلال المؤقت الزمني وهيفصل بعد المدة اللي إنت محددها.

تقدر تشوف تكييف نيكاي بارد فقط 2.25 حصان – NSAC18EG من هنا.

سخان مياه نيكاي 10 لتر 

سخان غاز سعته 10 لتر بيشتغل على أقل ضغط مياه وبالتالي فهو بيكون مناسب للأدوار المرتفعة والأماكن اللي المياه بتكون فيها ضعيفة.

السخان بيتميز بخواص كتير مميزة زي شاشة رقمية لعرض درجة الحرارة وتقدر تظبط من خلالها أيضًا درجة حرارة المياه، بجانب خاصية الإشعال الذاتي وفيه مفتاح الصيف والشتاء لتوفير الطاقة وفيه نظام أمان ضد ارتفاع درجة حرارة المياه بشكل مفاجئ ونظام أمان بيفصل الغاز عن السخان في حال لو الشعلة اتطفت، وكمان السخان بيفصل بعد فترة لو شغلته لفترة طويلة.

تقدر تشوف سخان مياه نيكاي 10 لتر – NGWH10A من هنا.

مبرد مياه من نيكاي 

مبرد مياه نيكاي مزود بحنفيتين للمياه الباردة والمياه الساخنة تقدر تشغلهم من خلال زرارين فوق الحنفيتين، ومزود بخزان مياه مصنوع من الأستانلس ستيل المقاوم للصدأ وسعته 16 لتر.

مبرد المياه مزود بمكان مخصص لتخزين الأكواب وبيجي بتصميم مضاد للبكتيريا بس يعيبه إن صوته عالي شوية.

تقدر تشوف مبرد مياه من نيكاي NWD1208C1 من هنا.

مروحة ستاند من نيكاي 18 بوصة

مروحة ستاند كبيرة فهي بتيجي بحجم 18 بوصة ومحرك بقدرة كهربائية تبلغ 90 وات ومزودة بخمس ريشات كبار لتوزيع الهواء بشكل قوي وبفعالية أكبر، دا بجانب الـ 3 سرعات اللي تقدر تتحكم فيهم وتختار الأنسب بالنسبة ليك.

المروحة مزود بمؤقت زمني لمدة ساعتين عشان تظبطها وتقفل بعد الوقت المحدد وبتيجي بارتفاع قابل للتعديل وقاعدة مستديرة عشان تضمن ثباتها طول ما هي شغالة.

تقدر تشوف مروحة ستاند من نيكاي NPF18AE من هنا.

تقدر تختار منتجات نيكاي الأنسب ليك من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *