6 من أفضل سماعات الألعاب على ياقوطة

كتب: خالد عاصم

بتحرص شركات الألعاب وبتهتم جدًا بالصوتيات وده لأن الصوت يعتبر جزء أساسي من تجربة الغمر في اللعبة، وعشان كده لازم يكون في نظام صوتي متطور يخليك تقدر تعيش جوا اللعبة وده اللي بيخلي تجربة اللعب مثالية، وده مش هيتحقق بأفضل درجاته إلا لو اعتمدت على سماعة ألعاب متميزة، وعشان كده بنقدملك في المقال ده مجموعة من أفضل وأبرز سماعات الألعاب المتوفرة على ياقوطة واللي هتقدر توفرلك تجربة لعب استثنائية هتخليك تعيش جوا اللعبة.

ولو أي سماعة عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أفضل سماعات الألعاب المتوفرة على ياقوطة

سماعة ألعاب Sennheiser GSP 670

واحدة من أفضل سماعات الألعاب المتوفرة حاليًا في السوق المصري لو ماكنتش السماعة الأفضل دلوقتي، وهي سماعة مغلقة من الخلف لاسلكية بتعتمد على بلوتوث وبتقدر تقدم أفضل جودة صوت ممكنة، سواء على مستوى المحادثات والشاتينج أو على مستوى الصوتيات داخل اللعبة وده لأن السماعة بتدعم نظام الصوت المحيطي ٧٫١ يعني كأنك لابس نظام مسرح منزلي متكامل على ودنك، السماعة بتتميز بمايكروفون مدمج قوي جدًا وبتقدر تلغي الضوضاء كمان يعني هتسمه وهتتسمع بأفضل جودة صوت ممكنة.

اتعرف على عروض أسعار سماعة Sennheiser GSP 670 من هنا.

سماعة JBL Quantum One

لما الشركة الأبرز في عالم الصوتيات تقدم سماعة ألعاب فأكيد هتاخد بالها من كل التفاصيل الصوتية الدقيقة عشان تقدر تقدملك أفضل منتج ممكن يقدر يقدملك أفضل جودة ممكنة، السماعة بتتميز بمجموعة من التقنيات الممتازة سواء على مستوى دقة وجودة ومحيطية الصوت أو على مستوى الميكروفون أحادي الاتجاه اللى بيقدر يلغي الضوضاء من نفسه ويلقط صوتك انت بس عشان تتسمع بوضوح شديد جدًا، وبتتميز السماعة بتقنية JBL QuantumSPHERE 360 للصوت المجسم المحيطي عشان تحس إنك جوا اللعبة بالظبط.

اتعرف على عروض أسعار سماعة ألعاب JBL Quantum One من هنا.

سماعة ألعاب HyperX Cloud Alpha Cloud9

سماعة الألعاب الممتازة من شركة HyperX اللي ليها خبرة وباع طويل في تطوير سماعات الألعاب المختلفة وبتتميز السماعة دي بإمكانيات ممتازة أبرزها إنها متوافقة مع مختلف المنصات يعني هتقدر تشتغل معاك على كل المنصات سواء منصات ألعاب أو كمبيوتر، والسماعة متوافقة مع عدد من مضخمات ومعالجات الصوت المتطورة المختلفة.

اتعرف على عروض أسعار سماعة ألعاب HyperX Cloud Alpha Cloud9 من هنا.

سماعة ألعاب Razer Kraken Pro V2

واحدة من أفضل سماعات الألعاب في الفئة السعرية دي من شركة Razr اللي تعتبر واحدة من أشهر شركات ملحقات الألعاب في العالم، والسماعة بتتميز باعتمادها على مكبرات صوت داخلية بقطر ٥٠ مم يعني بتقدر تقدم جودة ودقة ووضوح صوت استثنائي، والمكبرات دي جوا هيكل وحدوي مصنوع من الألومنيوم يعني متانة ممتازة وقدرة كبيرة جدًا على التحمل، وكمان قطع الأذن ممكن تغييرها للوصول لأفضل راحة ممكنة، أما الميكروفون فأكتر من ممتاز.

اتعرف على عروض أسعار سماعة الألعاب Razr Kraken Pro V2 من هنا.

سماعة ألعاب Astro A40 TR X-Edition

سماعة ألعاب ممتازة من شركة Astro والسماعة موثقة وواخدة توصية من عدد كبير من الشركات المتخصصة وصناع الألعاب، والسماعة كمان بتتميز بإنها معدلة ومحسنة بواسطة مجموعة من أفضل خبراء عالم الصوتيات عشان تقدر تجربة ألعاب استثنائية على مستوى الصوتيات.

اتعرف على عروض أسعار سماعة الألعاب Astro A40 TR X-Edition من هنا.

سماعة ألعاب Logitech G Pro X LightSpeed اللاسلكية

شركة لوجيتيك واحدة من أكبر الشركات المتخصصة في عالم ملحقات واكسسوارات الكمبيوتر والألعاب، ومن بين أفضل اللي بتقدمه في مجال سماعات الألعاب سماعة G Pro X LightSpeed اللاسلكية اللي بتتميز بمميزات كتير أوي سواء على مستوى التصميم اللي بيجمع بين المتانة والراحة بفضل الهيكل المصنوع من الصلب والألومنيوم وقطعتي الأذن المصنوعين من الفوم المريح جدًا للودن، أما المميزات الداخلية فبتتضمن تقنية الصوت المحيطي ٧٫١ وتقنية DTS وBlue Sound والميكروفون القوي جدًا.

اتعرف على عروض أسعار سماعة الألعاب Logitech G Pro X LightSpeed من هنا.

اتعرف على عروض أسعار مختلف سماعات الألعاب المتوفرة على ياقوطة من هنا.

اتعرف على عروض أسعار كل ما يخص ألعاب الفيديو على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

 

Leave a Reply

Your email address will not be published. Required fields are marked *