أكتر 7 غلاية مياه مبيعًا على ياقوطة

كتب: خالد عاصم

سواء كنا في صيف أو شتاء محدش فينا يقدر يستغنى عن المشروبات السخنه، سواء كنت من عشاق الشاي بلبن واللي مبعرفوش يفطروا غير بيه، أو مستحيل تفوق من غير ما تشرب النسكافيه الصبح، أو بتهتم بصحتك وطول اليوم بترطب جسمك بشرب لأعشاب المختلفة، في كل الحالات دي المشروبات السخنة جزء مهم أوي من حياتنا، وعشان تقدر تعمل مشروبك السخن بسرعة دايمًا، لازم بيتك يكون فيه كاتيل قوي وسريع.

غالبًا مبقاش فيه بيت دلوقتي بيقدر يستغنى عن الكاتيل أو غلاية المياه الكهربائية، وده لأنها رغم إنها بتسحب كهرباء زيادة شوية إلا إنها أسرع بكتير من طرق غلي المياه الاعتيادية على البوتاجاز مثلًا، ده غير إن الكاتيل مش محتاج تفضل تقف ادامه عشان تطفيه لما يوصل لدرجة الغليان وده لان أهم سمة فيه هي الفصل الأوتوماتيكي بعد غليان المياه، يعني حتى لو نسيته مش هيحصل أي ضرر، وده عكس البراد العادي اللي لو نسيته هتفضل شعلة البوتاجاز شغالة لحد ما المياه تتبخر وده لا قدر لله ممكن يعمل مشاكل كبيرة جدًا.

لو بتدور على كاتيل جديد أو عايز تغيير الكاتيل اللي عندك بواحد تاني قوي وسريع وآمن وكمان سهل التنضيف يبقى لازم تقرا المقال ده واللي هنتكلم فيه عن أفضل وأقوى وأسرع أنواع الكاتيل أو غلايات المياه الكهربائية المتوفرة على ياقوطة من مختلف الفئات السعرية، عشان مهما كانت ميزانيتك هتلاقي الكاتيل اللي يناسبك.

ولو أي من أجهزة الكاتيل من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أفضل وأسرع أجهزة الكاتيل على ياقوطة

كاتيل Black & Decker JC70 من بلاك آند ديكر

شركة بلاك آند ديكر واحدة من أكبر شركات العالم اللي بتقدم منتجات وأجهزة مختلفة من أول الأدوات المنزلية الخفيفة لحد الأجهزة والأدوات الضخمة، وعشان كده أي منتج من منتجاتها بيحمل توقيع الجودة والتميز ومن بينهم الغلاية دي اللي سعتها ١٫٧ لتر وبتتميز بقاعدة غير قابلة للصدأ وجسم من البلاستيك المعزول، الغلاية سهلة الفتح وسهلة التنضيف وفيها فلتر لتنقية المياه وكمان فيها إمكانيات حماية مختلفة منها الحماية من الجفاف.

اتعرف على عروض أسعار كاتيل Black & Decker JC70 من هنا.

كاتيل Philips HD 9300 من فيلبس

بتقدملنا فيلبس واحدة من أفضل غلايات المايه اللي بتتميز بقاعدة داخلية وهيكل من الفولاذ المقاوم للصدأ، وبالجسم البلاستيك الخارجي المقاوم للحرارة واللي بيتميز بعزل ممتاز جدًا وبيوفر أمان كبير جدًا على عدة مستويات بتكمل سبل الأمان اللي بتتمتع بيها الغلاية، غلاية فيلبس سعتها ١٫٥ لتر وبتقدر تغلي المياه في ثواني معدودة وكمان فيها فلتر بيمنع تكوين الترسبات وبيساعد على نقاء دايم للمياه.

اتعرف على عروض أسعار كاتيل Philips HD 9300 من فيلبس من هنا.

كاتيل Braun WK 300 من براون

واحدة من أفضل غلايات المياه المتوفرة في الفئة السعرية دي على ياقوطة، الغلاية بتقدمها براون الشركة الألمانية المعروفة بتاريخها الطويل في صناعة عدد كبير من الأجهزة الكهربائية والمنزلية وكمان الشخصية، الغلاية سعتها ١٫٦ لتر وقوتها ٢٢٠٠ وات وبتقدر تغلي المياه في ٤٥ ثانية بس، كما بتتميز بعزل ممتاز وسهولة في التنضيف وفيها صفاية قابلة للفك والغسيل ده بالإضافة لمقياس تدريجي لقياس مستوى المياه وزرار بيقفل الغلاية أوتوماتيك في حالة الغليان أو لما الغلاية بتفضى من المياه.

اتعرف على عروض أسعار كاتيل براون Braun WK 300 من هنا.

كاتيل Kenwood ZJP01.A0BK من كينوود

بتقدم كينوود واحد من أفضل غلايات المياه أو أجهزة الكاتيل المتوفرة على ياقوطة ويعتبر واحد من أسرعهم على مستوى التسخين لأنه بقوة ٢٢٠٠ وات، وسعة الكاتيل ١٫٧ لتر وبيتميز بمجموعة من الإمكانيات زي خاصية الغلق التلقائي وخاصية الحماية من الجفاف عند الغليان وفيه فلتر شبكي عشان تنقية المياه وممكن يتشال ويتنضف بسهولة.

اتعرف على عروض أسعار كاتيل Kenwood من هنا.

كاتيل Tefal Delphini من تيفال

واحد من أسرع وأقوى أجهزة الكاتيل على ياقوطة واللي بيتمتع بقوة ٢٤٠٠ وات، وبتقدمهولنا شركة تيفال الشهيرة بإن منتجاتها بتتمتع بالأمان والعوامل الصحية المناسبة للكل، الكاتيل سعة ١٫٥ لتر بتصميم جذاب ولون رائع جدًا.

اتعرف على عروض أسعار كاتيل Tefal Delphini من هنا.

كاتيل Sonai SH-3742 من سوناي

بتقدملنا شركة سوناي كاتيل ممتاز وبسعر مثالي، الكاتيل سعة ١٫٧ لتر ومصنوع من الزجاج يعني من السهل جدًا اكتشاف إذا كان فيه شوائب في المياه وكمان ده بيخليه سهل التنضيف جدًا.

اتعرف على عروض أسعار كاتيل Sonai SH-3742 من هنا.

كاتيل HOHO الزجاج ١٫٨ لتر من هوهو

غلاية مياه سعة ١٫٨ لتر معمولة من الزجاج والفولاذ المقاوم للصدأ وبتتميز الغلاية بقاعدة دوارة بزاوية ٣٦٠ درجة، وفيها خاصية مانع الجفاف اللي بتقوم بفصل الغلاية في حالة جفاف المياه اللي فيها، الغلاية كمان بتفضل تلقائي بمجرد الوصول لدرجة حرارة الغليان وبتتميز بعزل قوي جدًا للحماية والأمان.

اتعرف على عروض أسعار كاتيل HOHO الزجاجي سعة ١٫٨ لتر من هنا.

اتعرف على عروض أسعار مختلف أجهزة الكاتيل المتوفرة على ياقوطة من هنا.

اتعرف على عروض أسعار الأجهزة المنزلية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *