أفضل أنواع مَكَاوِي الملابس وازاي تختار الأنسب ليك

أفضل-أنواع-مكواة-الملابس

أفضل أنواع مكاوِي الملابس

كتبت: صفاء مجدي

عشان ياقوطة خبيرة تسوق فدايما بتحب تشارك جمهورها نصايح شراء الأفضل في المنتجات المختلفه. ولهذا فاحنا في المقال ده والمقال القادم هنقدم لكن نصايح شراء الأجهزه المنزليه الصغيره المختلفه اللي منقدرش نستغنى عنها. وهنتكلم المره دي عن المكواه.

المكواة

جهاز المكواة من الأجهزه الأساسيه في أي بيت حتى لو كان أهل البيت بيكووا ملابسهم عند المكوجي أو في الدراي كلين وده لأنك في الظروف الطارئه اللي مش هتلحق تروح فيها للمكوجي هتكوي في البيت بكل سهوله. ده غير انها مهمه في كوي الحاجات الصغيره زي مثلا الطرح أو مفارش البيت اللي مش هتوديها للمكوجي.

واحنا عارفين كويس ان الكوي مش هواية معظم الناس وبيلاقوا مشقه كبيرة في الأمر لكن في ياقوطة بنقولك ان الكوي ممكن يكون عمليه سهله وممتعه جدا لو كنت بس اشتريت المكواة الصحيحه. وعشان كده ياقوطة هتشارككم خبرتها في شراء المكواة عشان توصل لأحسن جهاز مكواة لبيتك.

أنواع المكواة

المكواة التقليديه

dry-iron

  • ونقصد بالمكواة التقليديه المكواة القديمة اللي مرت على أي بيت مصري واللي معروفة باسم مكواة ناشيونال.
  • دي مكواة أصيله وتقيله كده وسطحها من الالمونيوم.
  • وطريقة عملها انها بتتوصل بالكهرباء وتحدد درجة الحراره المطلوبه من ست درجات بتحددها على حسب نوع القماش اللي بتكويه طبقا للدليل اللي محطوط على حتة صفيحه تحت الايد على طول. السطح الألومنيوم يقوم يسخن ويكوي الهدوم آخر حلاوه.
  • الشهاده لله النوع ده من المكاوي عاش معانا في البيت أجيال ولكنها برده مكانتش عمليه وليها عيوب كتير أولها تقل وزنها واللي أظن انه كان مقصود لفرد الهدوم أسرع.
  • ثاني عيب هو سطحها اللي كان بيبوظ لو اتخربش وهو كان سهل الخربشه.
  • وثالث وأكبر عيب واللي خلانا في البيت نستغنى عن خدمتها هي انها بتحرق الهدوم لو سهيت عنها لحظه أو عملت درجة حراره مش مظبوطه. مكانتش بتهرج.
  • وعلى الرغم من كده إلا ان فيه ناس بتحب النوع ده من المكواة ده غير انها طورت من شكلها في الموديلات الجديده وبقت أقل وزنا شويه.

عموما لو كنت بتحب النوع ده من المكواة تقدر تلاقيها على ياقوطة.

مكواة البخار

steam-iron

  • المكواة البخار هي من أحسن وأهم الأجهزة في الفترة الأخيره وبتوفر الوقت بشكل كبير وكل ما كانت المكواة بتطلع بخار أكتر كل ما يكون اداءها أسرع وأريح.
  • كمان فيه منها أنواع ممكن تشتغل ببخار أو بدون بخار من خلال زرار بتتحكم فيه في المكواة وده بيتوقف على نوع القماش اللي بتكويه.
  • الكويس في المكواة البخار ان معظم انواعها بتكون خفيفة جدا.
  • لكن خلي بالك وانت بتشتريها انها تكون مبتسربش. اول تجربه ليا مع المكواة البخار كانت سيئة جدا لأن المكواة كانت بتسرب مياه دايما. وعشان كده لما نزلت اشتري واحدة تانية ركزت اني اشتري نوع ميكونش بيسرب ودلوقتي حياتي أسهل بكتير.
  • كمان راعي انك تشتري مكواة يكون خزان المياه بتاعها مش بيبوظ من حنفية المياه. فيه أنواع بتبوظ لما يترسب فيها الأملاح اللي موجودة في مياه الحنفيه. وفي كل الحالات يجب تنظيف خزان المياه كويس.

اشتري مكواة بخار من ياقوطة

المكواة من غير سلك

cordless-iron

  • ودي مكواة من نوع البخار برده.
  • وبتوفر حرية أكتر في الحركه والكوي.
  • الأنواع الموجوده في السوق ليها نفس كفاءة المكواة البخار العادية لكن بس من غير سلك.

اشتري مكواة من غير سلك من ياقوطة

أنواع أسطح المكواة

سطح المكواة هو أهم جزء فيها لأنه هو اللي بيقوم بالواجب كله وأنواع الأسطح كالتالي:

الاستانلس ستيل

السطح الاستانلس ستيل بيضمن توزيع كويس جدا للحراره ولكنه سهل الخدش وخصوصا لو مش بتحفظ المكواة في وضع سليم.

الألومنيوم

موصل جيد للحرارة ولكنه صعب التنظيف وممكن يلزق في الأقمشة ويسبب الاحتراق.

السيراميك

السيراميك من أحسن انواع الأسطح في المكاوي وهو غير لاصق وبيوزع الحرارة بشكل كويس.

الأسطح غير اللاصقه

النوع ده من المواد سهل الحركه على الأقشمه وسهل التنظيف ومقاوم للخدش.

عموما لو محتاج أي نوع المكواة تقدر تلاقيه على ياقوطة.

ودي شوية خصائص لازم تخلي بالك منها وانت بتشتري المكواة

التحكم

اشتري مكواة يكون سهل التحكم فيها في الحراره بسرعه ودي حاجه مهمه جدا مش هتقدرها غير لو كنت على وشك انك تحرق حاجه وعاوز تلحق الحراره وتنزلها بسرعه.

كمان اشتري مكواة يكون علاماتها مفهومه ومفسره بحيث ان لو اي فرد من الأسره استخدمها ميواجهش مشكلة.

الوزن

اشتري مكواة سهلة الحركة وخفيفة الوزن عليك وعلى كل اللي هيستخدمها.

خاصية الإغلاق الذاتي

فيه أنواع من المكاوي اللي بتطفي لوحدها وتفصل كهرباء لما تفضل فترة من غير ما تتحرك. ودي خاصية كويسة جدا للحماية من احتمالية حدوث حريق في المكواة لو الحراره زادت عن اللازم

البخار الزياده

وده زرار ف المكواة لما تختاره المكواة تقوم تطلع بخار بزيادة. ودي خاصية لطيفة جدا لو كنت بتكوي حاجة مكرمشة أوي او حاجة تقيلة زي الجينز.

خزان مياه قابل للفك

ودي ميزة مهمة جدا جدا. خزان المياه اللي ممكن تفكيه وتملاه مياه وترجع تركبه تاني هيسهل الأمر عليك ومش هتضطر تاخد المكواة رحلة لحنفية المياه كل مرة تكوي وتغرق جسم المكواة كله مياه.

التنظيف الذاتي

ودي خاصيه كنا اتكلمنا عليها قبل كده في دليل ياقوطه لتنظيف الأجهزه الكهربيه. والخاصية دي معناها ان المكواة بتنظف خزانها بنفسها. طبعا الخاصية دي بتقل كفاءتها مع الاستخدام الكتير للمكواة.

التحكم في كمية البخار

تقدر تتحكم في كمية البخار الطالع من المكواة على حسب نوع القماش اللي بتكويه.

خزان مياه شفاف

تقدر تشوف كمية المياه المتبقية في المكواة وده مهم بالذات لانواع المكواة اللي مش بتشتغل غير بالمياه. كمان لازم يكون مكتوب على الخزان علامة ماكس اللي بتحدد لك تحط مياة اد ايه.

البخار الرأسي

ودي خاصية بتسمح بالكوي بالبخار لو كانت المكواة في وضع رأسي

غطاء لفتحة خزان المياه

بعض انواع المكواة مش بيكون ليها غطاء لفتحة المياه ودي مشكله وبتسبب تسريب لو المكواة مش في وضع سليم. كمان خللي بالك تشتري مكواة يكون غطاها كويس ومحكم الغلق.

ايد المكواة

اختار مكواة يكون مسكتها سهله ومريحه وبتمكنك من التحكم في حركة المكواة بسهوله.

شكل سطح المكواة

اختار مكواة يكون سطحها رفيع وبوزها رفيع عشان يكون اسهل انه يدخل تحت الزراير والأماكن الضيقة

طول السلك

كل ما كان السلك أطول كل ما يكون احسن عشان سهولة الحركه

لو محتاج أي نوع المكواة تقدر تلاقيه على ياقوطة.

وعشان عملية كوي الهدوم تكون أسهل ما يكون لازم لك ترابيزة مكواة كويسه تستحمل تشيل المكواة كويس وتكون سهلى التخزين والحمل وفي منتهى الثبات ودي كمان تقدر تشتريها من على ياقوطه.

واخيرا عشان تضمن للمكواة فترة عمر اطول لازم تصونها وتنظفها وتحافظ عليها ودي حاجة ياقوطه هتعرفكم عليها من خلال مقال سابق وهو دليل ياقوطه لتنظيف الأجهزه الكهربائيه.

هتلاقي تشيكله من المكواة على ياقوطة وبنفكرك ان عندنا قسم كامل للأجهزه المنزليه كلها.

Leave a Reply

Your email address will not be published. Required fields are marked *