أفضل أنواع كولدير المياه المتوفرة على ياقوطة من مختلف الفئات
كتب: خالد عاصم
إيه الحاجات اللي ممكن من خلالها تقاوم حر الصيف؟ الهواء البارد اللي بيخفف عنك الحر وده بييجي من التكييف أو على الأقل من المروحة، والمياه الساقعة اللي هترطب عليك وترحمك من السخونية والجفاف، ودي بقى محتاجة كولدير مياه محترم يقدر يوفرلك مصدر دايم للمياه الساقعة على مدار اليوم، وكمان يرحم تلاجتك من الفتح والقفل كل شوية، ده غير إنه هيوفر عليك لما تشتري قوارير المياه المعدنية الكبيرة اللي هتكون أوفر كتير من الزجاجات الصغيرة.
كل دي مميزات من بين مميزات كتير لأجهزة كولدير المياه واللي هيتكلم عنها مقال النهاردة وهنتعرف من خلاله على مميزات وعيوب الأجهزة دي وأبرز أنواعها في السوق المصري.
ولو أي كولدير مياه من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مميزات وعيوب كولدير المياه
مميزات كولدير المياه
- جهاز بالكامل مخصص لتبريد المياه يعني هيريح التلاجة تمامًا من استخدامها مع المياه وده بيزود عمرها وقدرتها على التبريد بشكل كبير
- الكولدير بيعتمد على زجاجات المياه الكبيرة أو القارورات وده بيوفر كتير عن استخدام زجاجات المياه المعدنية الصغيرة وده على المدى البعيد بيقلل من التكلفة ولو فيه فلتر مياه في البيت هتوفر أكتر
- كولديرات المياه كمان بتقدر تسخن المياه، وأغلب المبردات المتوفرة دلوقتي فيها تبريد وتسخين مع العلم إن سرعة التبريد بتختلف عن سرعة التسخين
- فيه كولديرات كتير بيكون فيه تلاجه صغيرة ممكن استخدامها في تبريد المياه الغازية او العصاير أو حفظ الشيكولاتات مثلًا
- كولدير المياه شكله بيكون شيك وبيضيف لمسة ديكورية لطيفة للبيت
عيوب مبرد المياه
- استهلاك الكهرباء كبير بشكل واضح وهيحمل إضافة جديدة على فاتورة الكهرباء الشهرية
- سعرها غالي شوية وعشان تشتري نوع كويس هتدفع مش أقل من 2000 جنيه على أقل تقدير
- سهل تتنقل داخل البيت الواحد ولكن حركتها بره البيت مستحيلة لأنها مش مصممة عشان تكون محمولة أو قابلة للنقل
- تنضيفها ممكن يكون صعب شوية ولازم يكون فيه حرص بسبب الأجزاء الكهربائية الكتير الموجوده فيه واحتمالية تعرضه للمياه عالية في حالة وضع القارورة بشكل غلط مثلًا
أفضل أنواع كولدير المياه المتوفرة على ياقوطة
كولدير ساخن وبارد من جروهي
بيتميز مبرد المياه من جروهي بإنه واحد من أرخص مبردات المياه المتوفرة في الأسواق ولكنها بتقدر تقدم أداء متميز، المبرد بيقدر يتحكم في درجة الحرارة تلقائيًا وبيتميز بإنه هادي جدًا وبيستهلك كهرباء قليلة رغم قدرته على تقديم أداء عالي في التسخين والتبريد، بحيث إنه بيوصل لدرجة حرارة تسخين بين ٨٥ لحد ٩٥ درجة بسعة ٥ لتر في الساعة، وبيوصل بالتبريد ما بين ٦ إلى ١٦ درجة بسعة ٢ لتر في الساعة.
اتعرف على عروض أسعار كولدير المياه من جروهي من هنا.
كولدير بارد وساخن من كولدير
كلمة كولدير نفسها استمت على اسم شركة كولدير اللي تعتبر واحدة من الشركات الرائدة في عالم صناعة مبردات المياه، وبتقدملنا شركة كولدير مجموعة من أجهزة تبريد المياه الممتازة واللي سعرها مثالي جدًا ومنها الجهاز ده اللي بيتميز بأداء قوي ومتميز مع طاقة تبريد ٦٩ وات بسعة ٣٫٥ لتر لكل ساعة وبدرجة حرارة من ٦ إلى ١٠ درجات، أما طاقة التسخين فبتوصل لحد ٥٥٠ وات بسعة ٢٫٠ لتر في الساعة وبدرجة حرارة بتوصل ما بين ٨٥ لحد ٩٥ درجة.
اتعرف على عروض أسعار كولدير بارد ساخن من كولدير من هنا.
مبرد مياه ساخن وبارد وفاتر من تورنيدو
مبرد المياه المثالي من تورنيدو وده لعدة أسباب أهمهم إنه بيقدم أداء قريب ومماثل تقريبًا لمبردات المياه الأغلى ولكن بسعر مثالي جدًا، المبرد هادي جدًا ماتسمعلوش صوت وكما بيوفر في استهلاك الكهرباء، ورغم كده بيقدر يقدم أداء ممتاز سواء على مستوى التسخين أو التبريد اللي بيحصلوا بسرعة وبكفاءة عالية جدًا، المبرد في المجمل متميز وتصميمه جذاب جدًا ومن أكتر مبردات المياه اللي بننصح بتجربتها، أما الميزة الأبرز في المبرد ده إنه بييجي بتلات حنفيات عشان كمان يقدم مياه فاترة بدرجة حرارة متوسطة.
اتعرف على عروض أسعار مبرد المياه من تورنيدو من هنا.
كولدير المياه بشاشة ديجيتال من كلفنيتور
واحد من أفضل وأبرز مبردات المياه المتوفرة في الأسواق، وده مش بس لإمكانياته الممتازة لا كمان لانه بيعتمد على تصميم جذاب وبيعتمد على التحيل السفلي يعني مش هيكون فيه إزازة ضخمة فوق المبرد مبوظة شكل المكان، المبرد بيتميز كمان بلوحة تحكم ديجيتال بتقدر من خلالها تتحكم في درجة حرارة المياه زي ما تحب، وفيه كما عوامل أمان مختلفة زي قفل الأمان لحنفية المياه السخنة وصمام الأمان اللي بيمنع رفع درجة حرارة المياه فوق المعدلات الآمنة، ده غير إنه معمول من مواد قوية جدًا غير قابلة للصدأ وتقدر تعيش لسنين كتير.
اتعرف على عروض أسعار مبرد المياه الديجيتال من كلفنيتور من هنا.
كولدير المياه بفلتر تنقية من فيلبس
عملاق مبردات المياه من فيلبس واللي ممكن يكون غالي شوية عن باقي مبردات المياه اللي هنتكلم عنها لكنه بيثبت إن الغالي تمنه فيه، وده لانه مش بس مبرد مياه لا ده كمان فيه فلتر قوي جدًا بيقدر يزيل كل الشوائب اللي في المياه وكمان في خاصية UV Light اللي بتقضل على ٩٩٫٩ % من البكتيريا اللي في المياه، وبيقدر يوصل لحد ١٠ درجات مئوية كحد أدنى و٩٠ درجة مئوية كحد أقصى.
اتعرف على عروض أسعار مبرد المياه بفلتر من فيلبس من هنا.
اتعرف على عروض أسعار مختلف أنواع كولديرات المياه المتوفرة على ياقوطة من هنا.
اتعرف على عروض أسعار الأجهزة المنزلية المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.