كتب: محمد حمدي

تخيل لو تقدر تعمل Playlist من برامجك وأفلامك ومسلسلاتك وأغانيك المفضلة، وتعرضها من Youtube أو Dailymotion أو Netflix ومئات غيرها من المواقع والتطبيقات وتعرضها على التليفزيون الخاص بيك. عالم كامل من الترفيه ومتابعة الأخبار وغيرها ممكن تكون تحت أمرك على مدار الساعة وبدون فواصل أو إعلانات. البعض مش عارف إنه يقدر يعمل ده فعلًا باستخدام أجهزة بسيطة ومتفاوتة في السعر، هنستعرضها معاكم من خلال الموضوع ده.

وكمان عن طريق ياقوطة تقدر تعرف أفضل الأسعار للمنتجات المعروضة، وتقدر كمان تطلبها وتكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

تعريف أجهزة البث التليفزيوني

هي أجهزة صغيرة بتعمل على التوصيل بين التليفون الذكي Smart Phone وبين التليفزيون الذكي Smart TV بحيث يتم تشغيل مقاطع الفيديو من عدد كبير من المواقع والخدمات مباشرة على شاشة التليفزيون. وبيتم توصيل أجهزة البث من خلال منافذ HDMI أو USB حسب تصنيع كل وحدة بث.

طريقة تركيبها وتشغيلها

وعلى الرغم من سهولة تركيب وتشغيل كافة الأجهزة اللي بالشكل ده. لكن الموضوع ببساطة عبارة عن توصيل قطعة البث بالتليفزيون من خلال وصلة HDMI، بينما بيتم توصيل الجهاز بمصدر للكهرباء ممكن يكون مصدر كهربائي، أو من خلال تغذيته بالكهرباء من سلك USB. وفى الغالب بييجي كل جهاز بكافة السلوك والوصلات الخاصة به يعني مش هتحتاج تشتري حاجة إضافية.

الفرق بينها وبين Smart TV

الفرق الرئيسي بين أجهزة البث التليفزيوني وبين التليفزيونات الذكية بيتمثل في السرعة والتخصص. يعني اللي بتعمله الأجهزة دي يعتبر ميزة واحدة من ضمن مميزات كتيرة بتقدمها التليفزيونات الذكية، علشان كده بتقدمها بتميز وبشكل أسرع بكتير من معظم الأجهزة الذكية اللي في السوق. ولما دوّرنا عن أراء معظم المستخدمين لاقينا إن معظمهم بيرشح وجود جهاز بث مستقل مع التليفزيون الذكي لتسهيل تشغيل الفيديوهات من الإنترنت بشكل أسرع وأكتر احترافية.

وبشكل عام الناس اللي بتشتري أجهزة البث التليفزيوني بتنقسم لنوعين:

• نوع من الناس عندهم تليفزيون ذكي، ودول بيكونوا عاوزين نفس الخصايص اللي بتوفرها التليفزيونات الذكية لكن بشكل أسرع وأكتر احترافية وأكتر تخصص من البرامج المرفقة مع التليفزيونات الذكية.

• ونوع تاني ما عندهمش تليفزيون ذكي، وفى الحالة دي بتعتبر أجهزة البث التليفزيوني بتقوم بنفس الوظيفة الخاصة بالتليفزيون الذكي لكن في نفس الوقت بسعر أقل بكتير، وبشكل أسرع وأكتر احترافية وبدون تكلفة زايدة.

أسئلة ما قبل الشراء

قبل ما نشتري جهاز بث لازم نسأل نفسنا بعض الأسئلة المهمة علشان نحدد هل احنا فعلًا محتاجين جهاز بث؟ ولو الإجابة بنعم، نشتري أي نوع بالظبط؟

• هل عندي هاتف ذكي/تليفزيون ذكي؟

بدون وجود تليفزيون وهاتف ذكي، شراء وحدة بث هيكون مجرد إهدار للوقت والفلوس، علشان الأجهزة دي مش بتشتغل غير على الأجهزة الحديثة الذكية، ومش بتستخدم غير التطبيقات الحديثة. حتى بعض الأنواع صينية الصنع اللي ممكن تشتغل على التليفزيونات الأقدم مش بتكون قوية ومش بتقدم أداء مرضي للمشترين.

• هل عندك iPhone؟

مستخدمي أيفون ممكن يلاقوا في جهاز Apple TV الحل المثالي كوحدة بث للتليفزيون. فعلى الرغم من ارتفاع سعره لكن درجة التوافق بينه وبين أجهزة أبل سواء الأجهزة اللوحية iPad أو الهواتف الذكية iPhone بتكون مميزة وبتقدم تجربة رائعة.

• كم الميزانية المخصصة لشراء الجهاز؟

وطبعا غني عن التعريف إن سؤال الميزانية من أهم الأسئلة اللي لازم نحددها قبل ما ناخد خطوة الشراء علشان موضوع الميزانية بتحدد في النهاية أي مستوى من الأجهزة هنقوم بشرائها.

أنواع أجهزة البث

بتنقسم أجهزة البث التليفزيوني لنوعين رئيسيين:

الأول: هي الأجهزة التابعة لشركات كبيرة أو براندات عالمية، زي Chromecast وApple TV.

الثاني: هي الأجهزة التابعة لشركات أصغر أو أسماء أقل زي Anycast.

وممكن نلخص مميزات وعيوب كل نظام من الأنظمة دي من خلال جدول المقارنة ده:

ودلوقتي وبما إننا استعرضنا الأجهزة وعيوبها ومميزاتها. تعالوا نتكلم عن كل نظام وترشيحات ياقوطة لنا فيما يتعلق به.

Apple TV

بالنسبة لأبل تي في، فبيقدم خيارين واحد منهم Apple TV ٣٢ جيجا والتاني ٦٤ جيجا من نفس الجهاز، والأفضل طراز ٦٤ جيجا لإن حجمه أكبر من حيث القدرة على التخزين، لكن في المقابل سعره أعلى، وبتشتري ليه ريموت مستقل.

قبل ما نسيب منطقة أبل تي في، سألنا أصدقائنا اللي بيحبوا الأجهزة دي، وزي ما توقعنا كانت الإجابة واحدة من الكل تقريبًا. الجهاز مثالي وممتاز، لكن عيبه الوحيد هو ارتفاع سعره وإن بعض إمكانياته مش متاحة غير للمواطنين في الولايات المتحدة الأمريكية.

شوف Apple TV من هنا.

شوف ريموت Apple TV من هنا.

Anycast

أما اللي طلباتهم عادية وعاوزين بس يشغلوا فيديوهات يوتيوب على أجهزة التليفزيون عندهم، بننصحهم في الحالة دي بشراء Anycast والمتوفر بأسعار مميزة جدًا.

الأستاذ محمد الوكيل، اللي شغّال في إحدى شركات السياحة، استعمل جهاز Anycast علشان يربط التليفزيون السمارت اللي حاطه في واجهة شركته بتليفونه. وبكده بقى عنده وسيلة سهلة وسريعة لعرض إعلانات تنشيط السياحة من يوتيوب على العملاء بتوعه، والتحكم في مستوى الصوت وتنوع الفيديوهات من غير أي أسلاك أو مشاكل.

محمد بيشكر جدًا في نظام Anycast وقال لنا أنه بيدوّر على قطعة تانية بسعر مناسب علشان يركبها على تليفزيون البيت علشان يتفرج على أي فيديو على يوتيوب بسهولة.

شوف Anycast من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.