أشهر المكانس الكهربائية بكيس ومن غير كيس على موقع ياقوطة

كتب: خالد عاصم

بتتوفر في الأسواق وعلى موقع ياقوطة مجموعة كبيرة ومختلفة من المكانس الكهربائية اللي بتختلف وبتتنوع من حيث التصميم والقدرة والسعة، وكمان من حيث عنصر تاني مهم جدًا وهو عنصر تخزين الأتربة والغبار واللي بيخلي المكانس تتقسم للنوع الأول وهو مكنسة بكيس ونوع تاني وهو مكنسة من غير كيس واللي اتكلمنا عن الرف ما بينهم في التفصيل في مقال تقدروا تقروه على موقعنا.

من خلال المقال ده هنتعرف على أشهر المكانس الكهربائية المتوفرة على ياقوطة سواء كانت مكنسة بكيس أو من غير كيس وهنتعرف على مواصفاتهم ومتوسط أسعارهم، وكل المكانس دي هتلاقوها متوفرة على ياقوطة وتقدروا تطلبوها من خلالنا وهتوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

أشهر المكانس الكهربائية بكيس ومن غير كيس على ياقوطة

مكنسة سامسونج الكهربائية ٢٠٠٠ واط بكيس سعة ٢٫٥ لتر

مكنسة كهربائية من سامسونج بقوة ٢٠٠٠ وات وبتعتمد في تجميع الغبار والأتربة على كيس من القماش سعة ٢٫٥ لتر، ورغم القوة دي والسعة الكبيرة نسبيًا دي إلا ان المكنسة بتتمتع بوزن خفيف وسهلة كبيرة في الاستخدام والتعامل، وبتتمتع المكنسة كمان بقوة شفط شبيهة بالمكانس الصناعية القوية، وكمان بتتميز المكنسة بخاصية EZClean Cyclone ودي خاصية بتخلي من السهل جدًا تحديد مدى امتلاء الكيس وكمان سهولة إفراغه، وبتقدر المكنسة إنها تلقط أصغر الذرات ده غير إن فيها ملحقات بتساعد على استخدامها مع حاجات كتير.

شوف مكنسة سامسونج 2000 وات بكيس من هنا.

مكنسة سامسونج ١٨٠٠ وات بدون كيس وسعة ١٫٥ لتر

بسعر قريب من سعر المكنسة اللي فاتت تقدر تحصل على مكنسة بدون كيس بالقوة اللي بتبلغ هنا ١٨٠٠ وات وبالسعة اللي بتبلغ ١٫٥ لتر بس، بس هتاخد قصاد كده مميزات كتير منها مثلًا التمتع بخاصية Anti-Tangle Turbine ودي خاصية بتعمل على الحفاظ على قوة الشفط في المكنسة ومنع ضعف القوة دي بسبب الشعر البشري أو شعر الحيوانات الأليفة أو الأتربة كبيرة الذرات، ورغم إنها مش بتعتمد على كيس إلا إن طريقه افراغها وكمان تنضيفها سهلة جدًا ومش بتاخد وقت طويل، المكنسة كمان بتتميز بخفة الوزن والتصميم المدمج وسهولة الاستعمال.

شوف مكنسة سامسونج ١٨٠٠ وات بدون كيس وسعة ١٫٥ لتر من هنا.

اتعرف على عروض أسعار مختلف مكانس سامسونج المتوفرة على ياقوطة من هنا.

مكنسة باناسونيك ٢١٠٠ واط بكيس وسعة ٦ لتر

شركة باناسونيك اليابانية واحدة من أعرق الشركات في العالم وكمان بتتمتع بقدرة تصنيع في غاية الإتقان والمهارة وعشان كده أسعار منتجاتها بتكون غالية شوية بس بتتمتع بكفاءة استثنائية، المكنسة دي بكيس وبتتميز بإن سعتها التخزينية ٦ لتر يعني تقدر توفر وقت كبير جدًا في التنضيف لأنها بتقدر تجمع أكبر قدر ممكن من الغبار والأتربة، وكمان بتتمتع المكنسة بنظام ترشيح من خلال فلتر قوي جدًا وفعال، وده من بين مجموعة كبيرة من المميزات التانية اللي تخلي المكنسة دي واحدة من أفضل المكانس اللي ممكن تحصل عليها.

اتعرف على عروض أسعار مكانس باناسونيك المتوفرة على ياقوطة من هنا.

مكنسة باور برو كومباكت المدمجة من غير كيس من فيليبس

بتصميم مدمج وشيك وحجم صغير ووزن خفيف، بتقدم مكنسة فيليبس دي نموذج مثالي للمكانس اللي من غير كيس، المكنسة رغم حجمها الصغير دي بتتمتع بموتور بقوة ١٧٠٠ واط قادر على توليد قوة شفط ٣٣٠ واط يعني أداء قوي جدًا لمكنسة بالحجم ده، المكنسة من غير كيس وفيها وحدة تخزين للغبار سعة ١٫٥ لتر وبتقدر المكنسة إنها تخزن الغبار في جانب معين من الوحدة دي عشان سهولة تفريفها من غير ما الغبار ده يطير أو يتناثر تاني، المكنسة كمان بتتمتع بفلتر متميز بيقدر يلتقط أصغر ذرات الميكروبات والجراثيم المسببة للحساسية، وبيتمتع الفلتر ده بإمكانية تنضيفه بسهولة جدًا.

اتعرف على عروض أسعار مكانس فيليبس المتوفرة على ياقوطة من هنا.

مكنسة بلاك آند ديكر ٢٠٠٠ وات بكيس سعة ٣٫٥ لتر

مكنسة كهربائية قوية جدًا من بلاك اند ديكر بمحرك بقوة ٢٠٠٠ وات وبتعتمد على كيس بسعة ٣٫٥ لتر ودي سعة كبيرة كافية إنها تخليها عملية جدًا في الاستخدام اليومي ومش هتحتاج إنك تفضي الكيس مع كل غرفة أو كل شوية، المكنسة كمان فيها فلتر مخصص للذرات الصغيرة جدًا وبتقدر تشيل الذرات المسببة للحساسية.

اتعرف على عروض أسعار مختلف مكانس بلاك اند دير المتوفرة على ياقوطة من هنا.

اتعرف على عروض أسعار مختلف المكانس الكهربائية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *