كتبت: منى عوض

ناس كتير بقت بتلجأ لاستخدام الأجهزة المدمجة– أو ما يُعرف أيضًا باسم أجهزة الـ built-In- في مطابخهم، لأنها بتدي شكل عصري ورائع وبتوفر في المساحة بشكل كبير جدًا.

ولأننا بنهتم بكل شئ عصري ممكن يوفر راحة وسعادة، هنستعرض النهاردة أشهر الأجهزة المدمجة على ياقوطة، ولو عجبك أي جهاز منهم تقدر تطلبه من خلالنا وهيوصلك في أقرب وقت.

بنفكرك إنك ممكن تشتري الأجهزة المدمجة من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة  وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

فرن بلت إن غاز انديست 70 لتر

فرن انديست المدمج هيقدم لمسة جمالية رائعة على مطبخك، وهيخليك تطبخ وأنت مزاجك عالي وبكل احترافية، فهو بيجي بسعة 70 لتر ودي سعة كبيرة تقدر تطبخ فيها المحمر والمشمر، وكمان بيتميز بخاصية Soft Closing اللي بتقدم جيل جديد من المفصلات بيسمح بالتحكم في باب الفرن بكل سهولة من غير أي لجوء للعنف في فتح وقفل الباب.

الفرن بيشتغل من خلال الغاز والكهرباء، وبيتميز بالكفاءة في استهلاك الطاقة الكهربائية، ده بجانب أنه مصنوع من الأستانلس ستيل المقاوم للصدأ واللي بيسهل تنظيفه عادة بشكل يدوي دون أي إرهاق أو مشقة.

الفرن مزود بتايمر عشان تظبطه وتريح بالك وتقدر تتحكم فيه من خلال زراير مانويل، لكن يعيبه عدم وجود مروحة داخلية لتوزيع الهواء بشكل كويس أثناء تسوية الأكل.

تقدر تشوف فرن بلت إن غاز انديست IGW324IX من هنا.

فرن كهربائي بلت إن من هوفر 90 سم

الفرن سعته كبيرة فهي بتصل إلى 93 لتر وده معناه أنك تقدر تطبخ فيه كل الأكل اللي أنت عايزه بكل سهولة وسرعة، وكمان آمن تمامًا بفضل نظام الأمان الكامل، وهتلاقي فيه مروحة لتوزيع الحرارة داخل الفرن بنظام الكونفكشن.

الفرن مصنوع من الأستانلس ستيل المقاوم للصدأ وسهل التنظيف، وبيشتغل كفرن وشواية في نفس الوقت وفيه تايمر ديجيتال وفيه إضاءة داخلية عشان تراقب الأكل بكل سهولة أثناء عملية الطهي، لكن يعيبه إن سعره غالي جدًا وحجمه كبير شوية ومش هينفع في الأماكن الصغيرة.

تقدر تشوف فرن كهربائي بلت إن من هوفر HGGF92DD من هنا.

مسطح غاز بلت إن من أريستون 90 سم

مسطح الغاز دا ممكن ميكونش شكلي عصري لكن أدائه مميز فهو بيجي بمساحة 90 سم ومزود بخمس شعلات مختلفة الأحجام، بجانب وجود أزرار تحكم أمامية وإشعال ذاتي وحامل حديد زهر، بس سعره غالي شوية.

تقدر تشوف مسطح غاز بلت إن من أريستون PK 951 T GH من هنا.

ثلاجة بلت إن من بوش 12 قدم

الثلاجة بلت إن مميزة وهتوفرلك مساحة مش زي الثلاجات التانية اللي بتاخد مساحة كبيرة من المطبخ، وثلاجة بوش دي بالذات مميزة لأن كفاءة استهلاكها للطاقة A++ ودا معناه إنها موفرة بشكل كبير في الطاقة الكهربائية وكمان مش بتسبب ضجيج طول ما هي شغالة.

الثلاجة سعتها مناسبة إلى حد كبير فهي بتتميز بسعة تصل إلى 233 لتر، وبتوفرلك إمكانية تتحكم في درجة حرارة الثلاجة من خلال شاشة LED تعمل باللمس، وكمان فيها إضاءة LED عشان تعرف الثلاجة شغالة أو لأ، وفيها منبه بيطلق صافرة إنذار عند ترك الباب مفتوح، وبتتميز أيضًا بأرفف زجاجية قوية.

تقدر تشوف ثلاجة بلت إن من بوش KIF27P60 من هنا.

شفاط بلت إن زانوسي 90 سم

الشفاط دا تقدر تحطه فوق البوتاجاز لسحب أي روائح أو حرارة ناتجة عن البوتاجاز بفضل الفلتر الكربوني، وشفاط زانوسي في العموم بيشتغل من خلال التيار الكهربائي وبيجي بمقاس 90 سم و 3 مستويات مختلفة للسرعة لاختيار الأنسب حسب احتياجاتك، وفيه كمان لمبة LED.

تقدر تشوف شفاط بلت إن زانوسي ZHT911X من هنا.

غسالة أطباق بلت إن من يونيفرسال 10 فرد

غسالة بلت إن بالكامل مميزة وتنفع للأسر اللي بيصل أعدادها إلى 10 أفراد وفيها شاشة LED لعرض برنامج الغسيل المختار وفاضل قد أيه على دورة الغسيل.

الغسالة فيها 5 برامج غسيل مختلفة، زي برنامج النصف حمولة والبرنامج الغسيل الاقتصادي والنقع وما إلى ذلك، وبتدعم كمان درجات الحرارة المختلفة لتعقيم وتنظيف المواعين بكفاءة عالية من خلال نظام الرشاشات.

تقدر تشوف غسالة أطباق بلت إن سميج STA4513IN من هنا.

مسطح كهرباء من فاجور 4 شعلة

مسطح سيراميك كهربائي من فاجور حجمه مناسب حتى للمطابخ الصغيرة فهو بيجي بمساحة 60 سم وتقدر تتحكم فيه باللمس وبيجي بأربع شعلات حساسة مصنوعة من زجاج السيراميك اللي بيتميز بسهولة تنظيفه.

المسطح الكهربائي دا بيشتغل زي البوتاجاز بالظبط وبيكون آمن تمامًا في الاستخدام لأنه فيه قفل أمان للأطفال، وفيه كمان إطفاء أوتوماتيكي للأمان.

تقدر تشوف مسطح كهرباء من فاجور VFT-60SS من هنا.

تقدر تختار أي جهاز مدمج إنت عايزة من هنا.

تقدر تشوف دليل ياقوطة للأجهزة البيلت إن من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.