كيفية عمل القلايات بدون زيت، وأشهر أنواعها على ياقوطة

كتبت: أمنية عزمي

القلايات الهوائية حلت لنا مشكلة الدهون المشبعة الموجودة في الزيوت النباتية اللي بنستخدمها عادة للقلي واللي بتعتبر من أكتر المواد اللي بتضر الجسم وبترفع معدلات الكوليسترول وتزيد من أمراض القلب، ولأن أول نصيحة بيقولها الأطباء هي ابعد عن الزيوت قدر الإمكان، هنا اتجه معظم الناس للقلايات الهوائية بالكهرباء لأنك مش بتحتاج تستخدم معاها زيوت، فكرة عمل القلايات الهوائية بتعتمد على تسخين الهواء لدرجة حرارة عالية جدا وتمرره على الأطعمة المطلوبة بحيث تتم عملية الطهو والتحمير بدون زيوت وبيكون الطعام المطهو فيها سعراته الحرارية أقل بكتير وخالي من الدهون المشبعة وصحي أكتر، واعتمادها على إبقاء الهواء بحرارة عالية بيتطلب إحكام إغلاق القلاية بشكل جيد علشان تمنع تسريب الحرارة منها، وبتعتبر القلايات الكهربائية آمنة أكتر بكتير من القلايات التقليدية لأنها بتلغي فكرة إحتمالية الحروق الناتجة عن الزيت.

تابعنا مع ياقوطة هنتكلم عن أشهر أنواع القلايات مبيعا وهنوضح مواصفات ومزايا وعيوب كل نوع منهم وتقدر تشوف وتعرف وتقارن بين أسعارهم المختلفة من خلالنا، ولو عجبك أي نوع تقدر تطلبه من خلالنا وهيوصلك لحد البيت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

قلاية بدون زيت بلاك آند ديكر AF300 مع هدية مبشرة سالتر

بلاك آند ديكر AF300 مصممة بشكل مبتكر وأدوات تحكم سهلة في الاستخدام، بتقدر تستخدمها في القلي الهوائي والتحميص للمخبوزات والشوي وبتقلل الدهون بنسبة 80% عن الأنواع العادية، مزودة بسلة للطعام عالية بتقدر تحضر فيها كل الأطعمة سواء سايلة في حدود 4 لتر أو أطعمة صلبة في حدود 1.2 كيلو جرام، قوة المحرك فيها 1500 وات وده بيوفر نظام تدوير هواء ساخن بشكل سريع وبتديك نتايج مبهرة ، مزودة بتايمر 60 دقيقة وميزة الغلق التلقائي بتوفر في الطاقة، مصممة بقواعد مطاطية مقاومة للانزلاق لسهولة الاستخدام والثبات، والغطاء والمقابض مصممين بخاصية التبريد علشان يسهل نقلها من مكانها بأمان، صيانتها سهلة لأنك بتقدر تدخل القطع الداخلية غسالة الأطباق وبالتالي بتكون مريحة في الاستخدام، عيبها إنها بتستهلك كهرباء عالية ولو بتعمل كميات كبيرة بتحتاج تعملها على أكتر من مرة علشان كده بتكون مناسبة أكتر للعائلات الصغيرة والمتوسطة.

بييجي معاه هدية مبشرة سالتر المعروفة بجودتها في التقطيع وبشر كل الأشكال بفضل تعدد أنواع سلاح المبشرة المرفقة معها بالإضافة لعلبة بيتم تركيب الأسلحة عليها وبيتم البشر فيها بشكل محترف.

شوف قلاية بدون زيت بلاك آند ديكر AF300 مع هدية مبشرة سالتر من هنا.

قلاية تيفال بدون زيت 4.2 لتر- أسود

قلاية تيفال بتعتبر من أشهر القلايات الهوائية على مستوى العالم وبتتنافس هي وفيليبس على الصدارة، ليها مميزات كتير، أهم ميزة فيهم إنها بتاخد كميات كبيرة في المرة الواحدة تصل ل 4.2 لتر وبالتالي موفرة في الكهرباء والوقت، بتقدر تتحكم في درجات الحرارة فيها بشكل يدوي من 80 ل 200 درجة مئوية وكمان في زمن تحضير الأكلات، مزودة بمؤقت زمني 60 دقيقة، طاقتها 1500 وات وبالتالي بتكون سريعة وقدرتها عالية على تسخين الهواء، بتستخدم تقنية النبض الهوائية ثلاثية الأبعاد وبيكون تأثيرها على طعم الأكلات رائع بحيث بيكون طري من جوا ومقرمش من برا، مزودة ب 8 برامج للطهي للبطاطس المقلية، السمك، الكيك، البيتزا، الجمبري، الشوي، التحميص، شرائح اللحم، بتقدر تفك وتركب جميع أجزائها بطريقة سهلة وتقدر تغسلها في غسالة الأطباق بأمان، مصنعة من أجود أنواع الفولاذ المقاوم للصدأ وبتيجي بضمان لمدة سنتين. عيبها برضه استهلاك الكهرباء العالي.

شوف قلاية تيفال بدون زيت 4.2 لتر- أسود من هنا.

قلاية إير فراير فيليبس HD9220

فيليبس عامة بتعتبر من الأنواع المنافسة على الصدارة وليها مميزات كتير من أهمها إنها مش بتغير طعم الأكلات زي بعض الأنواع وكمان بتقدر تستخدمها حرفيا بدون ولا نقطة زيت لأن في أنواع بتحتاج معلقة زيت في التحمير، تعمل بتقنية Rapid Air لقلي طعام صحي بطعم مميز بدون أي زيوت، بتجهز الأطعمة بتقنية طري من الداخل ومقرمش من الخارج، قوتها 1300 وات مناسبة لسعتها الداخلية 800 جرام، طول السلك فيها 0.8 متر وفيه إمكانية تخزين السلك داخل الجهاز، مزودة بقاعدة غير قابلة للإنزلاق، مزودة بثيرموستات لضبط الحرارة من 60 ل 200 درجة مئوية مع مؤشر بيان لوصول الجهاز للحرارة المطلوبة، التايمر فيها 30 دقيقة مع تقنية الفصل الأتوماتيكي، الجسم الخارجي من البلاستيك غير ناقل للحرارة، والأجزاء الداخلية قابلة للتنضيف في غسالة الأطباق، بييجي معاها كتيب وصفات هدية لطعام صحي بدوت زيوت.

عيوبها إن حجمها صغير مش بتستوعب كمية غير لشخصين، ومش بتدعم التقليب الأتوماتيكي بداخلها، وبتحتاج وقت أطول لطهو الطعام، وفي ناس بتقول إن نتائجها في قلي الباذنجان غير مرضية.

شوف قلاية إير فراير فيليبس HD9220– أسود من هنا.

مقلاة هوائية بدون زيت من مولينيكس- 800 جم

 مولينيكس قلاية هوائية بدون زيت وتقدر تستخدم معاها معلقة زيت واحدة لو حبيت، بتوفرلك طعام صحي مقرمش ذهبي وخفيف بدون دهون، صحية لأنها مزودة بتقنية النبض الهوائي الثلاثي الأبعاد اللي من خلالها بيعمل على طهي وتحمير الطعام بشكل صحي وطعم مميز، ليها أربع إمكانيات للطهي عبارة عن قلي وخبز وشوي وتحميص، سريعة ودي واحدة من أهم مميزاتها إنها بتوصل لدرجة حرارة عالية في وقت قصير جدا وده مفيد للناس اللي وقتها ضيق، مزودة بتايمر يصل ل 30 دقيقة وبيتوقف تلقائيا بعدها، بتخليك تاكل كل اللي نفسك فيه من غير قلق السعرات والدهون المشبعة وبنفس الطعم الرائع المقرمش، فيها مستويات متعددة للحرارة لتنوع نوع القلي زي القلي العميق للبطاطس مثلا والقلي السطحي للبصل أو شرايح الحوم، الأجزاء الداخلية فيها مقاومة للإلتصاق، سهلة التنضيف لأن فيها أجزاء قابلة للإزالة وكمان آمنة في غسالة الأطباق.

عيبها إن حجمها صغير على العائلات أو الكميات الكبيرة وبالتالي هتحتاج وقت كبير علشان تجهز الأكل على مراحل، وبتستهلك كهرباء عالية علشان تقدر تسخن وتسوي في وقت قياسي.

شوف مقلاة هوائية بدون زيت من مولينيكس- 800 جم- Ez10A125– أبيض من هنا.

ديلونجي مقلاة هوائية FH2133

ديلونجي هو الاختيار المفضل لقاعدة عريضة من الناس، شركة إيطالية رائدة، لونها أبيض أنيق ومميزاتها متطورة عن أنواع كتير، بتتميز ب 3 وظائف (وظيفة القلي، وظيفة الفرن، وظيفة الشواء) بتقدر تستخدمها لأنواع كتير من الأكلات، بتتميز بنظام تسخين علوي وسفلي لأفضل أداء، سعتها معقولة جدا بتاخد 1.25 في الطعام الطازج وحوالي 1 كيلو جرام سعة الطعام المجمد، تعمل بنظام التدفئة المحيطي اللي بيسوي الأكل في كل الاتجاهات، قوتها 1400 وات وفيها 4 مستويات للحرارة للاختيار حسب نوع الطبخة، ليها يد أو ذراع آلي بتقدر تحرك منه الطعام وقت القلي ويمكن إزالته، فيها شاشة رقمية بارزة للتحكم في الوقت والحرارة، فيها 7 برامج للتحضير السريع للأكلات، وغطاء شفاف لمراقبة حالة الأطعمة، الوعاء مطلي بالسيراميك مضاد للالتصاق ومضاد للخدش، سهلة التنظيف، وبييجي معاها ملحق شواء مجاني. بيعيبها سعرها العالي.          

شوف ديلونجي مقلاة هوائية FH2133 من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *