أكتر أجهزة اللاب توب مبيعًا على ياقوطة

كتب: خالد عاصم

لاب توبات الألعاب هي الأقوى على الإطلاق من بين كل اللاتوبات المتوفرة في الأسواق وده مش بس بسبب إمكانياتها الخارقة اللي بتمتاز بقوة مش موجودة في أي أنواع لابتوبات تانية، ولكن كمان بسبب الكماليات اللي بتتميز بيها زي الشاشة والنظام الصوتي المتطور ونظام التبريد والكيبور الميكانيكية وغيرها، وعشان الإمكانيات دي بتكلف فلوس وفلوس كتير كمان، لازم تعرف أسعار لابتوبات الألعاب أول بأول لو ناوي أو بتخطط إنك تشتري واحد قريب.

عشان كده ومن خلال المقال ده هنعرف على أحدث عروض أسعار لاب توبات الألعاب المتوفرة في السوق المصري من خلال موقع ياقوطة وهنتعرف كمان على أبرز مواصفاتها وإمكانياته، ولو عجبكم أي لابتوب من اللي هنتكلم عنهم هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات وأسعار أبرز لابتوبات الألعاب المتوفرة في السوق المصري

لاب توب Dell Alienware 17 RG

بتقدم ديل موديلات مختلفة من اللاب توب ده اللي بيعتبر أحد أفضل لابتوبات الألعاب على الإطلاق، ومن بينها موديل بيعتمد على البروسيسور الأحدث انتل i9 الخارق، بس اخترنا الموديل ده تحديدًا لأن إمكانياته متقاربة مع باقي لابتوبات الألعاب المتوفرة في السوق وده بيسهل عليك عملية المقارنة ومعرفة متوسط أسعار النوع ده من اللابتوبات المتوفرة في مصر.

اللابتوب ده بيتميز بشاشة كبيرة قطرها ١٧٫٣ بوصة بسطوع بيبلغ ٣٠٠ nit وجودة Full HD، الكبيورد بتاعته ميكانيكية بإضاءة خلفية تقدر تتحكم فيها بسهولة من خلال اللابتوب، اما الإمكانيات الداخلية فبتكون من بروسيسور i7 الجيل التامن بسرعة ٢٫٢ جيجا هيرتز مدعومة برامات سعتها ١٦ جيجابايت وذاكرة داخلية سعتها ١ تيرابايت للقرص الداخلي و١٢٨ جيجابايت لذاكرة SSD، اما كارت الفيجا فنوعه Nvidia GeForce GTX 1060 المتميز سعة ٤ جيجابايت رام، بيتميز اللابتوب كمان بنظام تبريد متميز جدًا وقدرة على التحكم في كل إمكانياته ومواصفاته من خلال برنامج على نظام تشغيل ويندوز ١٠ اللي بيتضمنه اللابتوب.

شوف عروض أسعار لابتوب الألعاب Dell Alienware 17 RG من هنا.

لاب توب HP Omen 17

واحد من أفضل لابتوبات الألعاب تقدمهولنا شركة HP وبيتميز بإمكانيات قوية جدًا سواء على المستوى الخارجي زي الكيبور لميكانيكية المضئية والشاشة بقطر ١٧٫٣ بوصة اللي بتقدم جودة UHD 4K والنظام الصوتي المتميز المدعوم بسماعات من أقوى السماعات المتوفرة في السوق واللي بتقدمها واحدة من أفضل الشركات في مجال الصوتيات.

إمكانيات اللابتوب الداخلية كمان أكتر من ممتازة فبروسيسور اللابتوب من الجيل التامن من بروسيسور i7 بسرعة ٢٫٢ جيجا هيرتز، ومدعوم برامات سعتها ٣٢ جيجابايت رام بذاكرة داخلية سعتها ١ تيرابايت زائد ٢٥٦ جيجابايت فئة SSD، كما اللابتوب بيتميز بكارت فيجا خارق سعة ٨ جيجابايت رام فئة Nvidia GeForce GTX 1070.

شوف عروض أسعار لابتوب الألعاب HP Omen 17 من هنا.

لاب توب Lenovo Legion Y740

شركة لينوفو من بين الشركات المتطورة جدًا في مجال لابتوبات الألعاب اللي من بينها اللاب توب ده اللي بيتميز بإمكانيات كبيرة جدًا زي بروسيسور i7 الجيل التامن سداسي النواة بسرعة ٢٫٢ جيجا هيرتز والمدعوم برامات سعتها ١٦ جيجابايت رام وذاكرة داخلية سعتها ١ تيرابايت بالإضافة لذاكرة SSD سعتها ٢٥٦ جيجابايت أما كارت الفيجا فسعته ٨ جيجابايت رام وفئته GeForce RTX 2070 من إنفيديا.

شاشة اللاب توب بقطر ١٥٫٦ بوصة بجودة Full HD وبتقنية مانع الانعكاس اللي بتخلي استخدام الشاشة مريح جدًا حتى مع الاستخدام لساعات متواصلة، النظام الصوتي كمان متطور جدًا وبيتمتع اللابتوب بنظام تبريد ممتاز.

شوف عروض أسعار لابتوب Lenovo Legion Y740 من هنا.

لاب توب Asus ROG-GL703GM

جمهورية الألعاب هو الشعار اللي بترفعه شركة أسوس لمنتجاتها المتخصصة في ألعاب الفيديو واللي من بينها لابتوبات الألعاب الممتازة اللي بتقدمهالنا ومن بينها اللاب توب ده اللي بيتميز بشاشة أكتر من ممتازة وراها بروسيسور i7 الجيل التامن سداسي النواة بسرعة ممكن توصل لحد ٤٫١ جيجا هيرتز بعد التعديل أما كارت الفيجا فهو GeForce GTX 1060 من إنفيديا اللي سعته ٦ جيجابايت رام.

اللابتوب مدعوم برامات سعتها ١٦ جيجابايت رام وذاكرته الداخلية مكونة من هارد سعته ١ تيرابايت ومن شريحة SSD سعتها ٢٥٦ جيجابايت، وده بيخليه واحد من أبرز لابتوبات الألعاب المتوفرة في السوق المصري خصوصًا وإن سعره أقل بشكل واضح من سعر اللابتوبات التانية اللي اتكلمنا عنها من شوية.

شوف عروض أسعار لابتوب Asus ROG-GL703GM من هنا.

لابتوب Acer Predator Helios 300

الأقوى من بين لابتوبات الألعاب في الفئة السعرية دي بتقدمهولنا أيسر وبيمتاز اللابتوب بواحدة من أفضل الشاشات على مستوى لابتوبات الألعاب بفضل معدل التحديث اللي بيبلغ ١٤٤ هيرتز، الشاشة نفسه قطرها ١٥٫٦ بوصة وبتقدم دقة ١٩٢٠ × ١٠٨٠ عالية الجودة، جوا اللابتوب مايقلش روعه عن براه، البروسيسور انتل i7 ثماني النواة بسرعة ٢٫٢ جيجا هيرتز اللي ممكن تعديلها لحد ٤٫١ جيجا هيرتز، أما كارت الفيجا GeForce GTX 1060 سعة ٦ جيجابايت رام، رامات اللابتوب سعتها ١٦ جيجابايت وسعته الداخلية ضخمة وبتمتاز بسرعة استثنائية.

لو هي دي الفئة السعرية الأنسب ليك يبقى هو ده اللابتوب المثالي من بين كل لابتوبات الألعاب اللي اتكملنا عنها، وماتنساش إن فيه لابتوبات ألعاب كتير تانية مختلفة على مستوى الموديلات والإمكانيات متوفرة على ياقوطة وتقدرو تتعرف عليها من خلال اللينك اللي بعد الجاي على طول.

شوف عروض أسعار لابتوب Acer Predator Helios 300 من هنا.

شوف عروض أسعار مختلف لابتوبات الألعاب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *