أبرز أنواع الميكروفونات المتاحة على ياقوطة

كتب: خالد عاصم

الميكروفونات بتستخدم على نطاق واسع جدًا، خصوصًا بعد ما انتشار اليوتيوبرز والمدونيين الصوتيين والفلوجات وغيرها من الأنشطة اللي انتشرت الفترة اللي فاتت واللي كتير من المستخدمين بقوا يتجهوا ليها لأسباب كتير ومختلفة، ده بالإضافة للاستخدامات الاحترافية تانية زي إذاعات الإنترنت وصناعة الأفلام سواء الاحترافية أو المستقلة وإجراء المقابلات وتسجيل المحاضرات أو الندوات وغيرها، كل المهام دي باختلافها خلت الميكروفونات سوق كبير وعليه إقبال ضخم وده خلى السوق المصري على المستوى ده يتطور ويبقى فيه موديلات كتير مختلفة وبفئات سعرية متنوعة.

عشان ماتحترش كتير في اختيار واحد من الميكروفونات المناسبة ليك، هنعرفك في المقال ده على أسعار أبرز الميكروفونات مختلفة الاستخدام المتوفرة في السوق المصري على ياقوطة، ولو عجبك أي ميكروفون منهم هتقدروا تطلبه من خلالنا في ياقوطة وهيوصلك لحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أسعار أبرز أنواع الميكروفونات المتوفرة على ياقوطة

ميكروفون Rode VideoMicro Compact

شركة Rode من أكبر الشركات في العالم في مجال تصنيع الميكروفونات وبتقدملنا ميكروفون VideoMicro المدمج المتميز اللي بيتميز بخفة وزنه وصلابته، الميكروفون بيعتمد على مكثف قلبي بيقدر يسجل الصوت بنقاء ووضوح وبيقدر كمان يركز على مصدر الصوت الأمامي مع إمكانية تجاهل وعزل أي صوت تاني مصدر جاي من ورا الميكروفون، كمان بيتميز بإنه مخصص للتركيب على الكاميرا من فوق يعني تقدر تركبه على الكاميرا وتوصل الميكروفون بيها للتسجيل، وكمان بييجي معاه محولات تخليك تقدر تستخدمه مع الموبايلات والتابلت.

شوف ميكروفون Rode VideoMicro Compact من هنا.

ميكروفون Boya BY M1

نوع مختلف من الميكروفونات اللي ممكن يكون بديل كويس ورخيص لو كنت عايز تشتري مايكروفون ومش عايز تتكلف مبالغ كبيرة في البداية، الميكروفون من ميكروفونات التعليق وبييجي بمشبك عشان يتركب في الهدوم وبيتوصل من خلال كابل ٣٫٥ مم بالكاميرات المختلفة وبالموبايلات وبكاميرا الفيديو والكومبيوترات، بيتميز كمان بطول الكابل اللي بيوصل لحد ٦ متر عشان يديلك مساحة كافية بين الميكروفون ومصدر التسجيل.

شوف ميكروفون Boya BY M1 من هنا.

ميكروفون ZOOM H4n Pro Handy

بتقدم شركة زووم مجموعة من أفضل الميكروفونات المتوفرة في العالم ومن بينهم الميكروفون ده اللي حجمه قد حجم كف الإيد بس إمكانياته ممتازة زي إنه ثنائي القنوات بيقدر يسجل صوت ستريو من أربع مصادر مختلفة في الوقت نفسه بجودة صوت أكتر من ممتازة وممكن كمان استخدامه في تسجيل الموسيقى الحية بجودة صوت أعلى من أصوات السيديهات الأصلية بالإضافة لتسجيل مختلف أنواع الأصوات في مختلف سيناريوهات الاستخدام.

الميكروفون فيه مضخم صوت مدمج عازل للضوضاء وبيتوصل عن طريق USB بأي جهاز متوافق عشان نقل الملفات الصوتية والتسجيل وغيرها من المهام.

شوف ميكروفون Zoom H4N Pro Handy من هنا.

ميكروفون Blue Yeti USB

بينتمي ميكروفون Blue Yeti لمجموعة الميكروفونات اللي بتشتغل عن طريق USB وده معناه ضرورة توصيلها بالكمبيوتر عشان التسجيل وبيتميز الميكروفون بكبسولة ثلاثية متطورة بتقدر تسجل صوت ستيريو بجودة عالية ونقية جدًا، كمان بيتميز الميكروفون بتوفر أربع أوضاع مختلفة للتسجيل بتظبط إعدادات الكمبيوتر اوتوماتيك عشان تنوع بين تسجيل الموسيقى ولصوت البشري والتسجيلات الصوتية والمقابلات الشخصية وغيرها.

على مستوى التصميم والشكل فالميكروفون بيتمتع بتصميم ممتاز جدًا لأنه بيحاكي تصميم الميكروفونات اللاسلكية القديمة وده بيضيف لمحة ممتازة جدًا لمجموعتك التسجيلية اللي بتعتمد عليها.

شوف ميكروفون Blue Yeti من هنا.

ميكروفون Rode NTG4+ Shotgun

لو انت مصور محترف أو مخرج وصانع أفلام أو مهندس صوت أو أي مستخدم محترف من النوعية دي فأكيد سمعت عن الميكروفونات الشوت جن وأكيد تعرف شركة Rode ومنتجاتها السابقة اللي على أساسها بتقدم الميكروفون المتطور الرائع ده واللي بيتميز بتقنية متطورة على مستوى التسجيل الصوتي وكمان في بطارية قابلة للشحن عشان تقدر تستخدمه في أي وقت وأي مكان من غير ما تحتاج لتوصيله بمصدر كهربا.

الميكروفون ممكن يتعلق عي أي حامل من الحوامل المتوافقة معاه وكمان ممكن يتركب على الكاميرا من فوق عشان تصور بسهولة في أي وقت، الميكروفون بيتميز بقوة ممتازة وزي زي باقي أنواع الميكروفونات دي بيقدر يسجل الصوت من اتجاه واحد وبيقدر يعزل لوحده كل الضوضاء المحيطة بيه.

شوف ميكروفون Rode NTG4 Shotgun من هنا.

شوف مختلف الميكروفونات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *