أساسيات استخدام ياقوطة

دلوقتى أنت في حاجة معينة فى مخك عايز تشتريها ومكسل تنزل فقررت تشتريها اون لاين طيب هقولك ازاى تدور عليها و تجبها من غير دوخة كتير.

أولا هتفتح موقع يا قوطة yaoota.com عشان دا جمع لك كل حاجة فى البلد فى مكان واحد.

بعد كدة قدامك كذا طريقة :

الطريقة الأولي للبحث عن منتج ( كتابة اسم المنتج الى انت عايزه فى مربع البحث)

1- الاستخدام دا مناسب لما تكون محدد مثلا ماركة أو نوع موديل للمنتج. مثلا عارف انك بتدور على iPhone 6 64GB Gold

2- لو انت مش مقرر موديل معين أو مش هتفرق معاك كثير الماركة أو يمكن عايز تشوف وتقارن يمكن تطلع بحاجة احسن .. ايه الحل ؟

اكتب كلمات قريبة من المنتج الى بتدور عليه. طيب انت عملت كدا وموصلتش! فى حل تانى

3- جرب الخطوات دي :

– جرب تغير ترتيب الكلمات

– لو كاتبها بالانجليزى جربها بالعربى أو العكس

– زود كلمة أو نقص كلمة

– احذف كلمة وبدلها بأقرب معنى تانى ليها

هانت وقربت توصل ( فلترة النتايج )

لو انت بتدور طلع لك منتجات كتير و مش عارف تلاقى اللى انت عايزه بسهولة ما بينهم؟!

مش هتقفل الصفحة هتعمل ايه !!

خطوات فلترة النتايج ( بالنسبة للمنتجات )

1- ابدأ بحذف الحاجات الى ملهاش لزمة لك. نكمل شرح مع مثال الأيفون 6.. هيظهر لك مئات النتائج..

هتحذف من الاقسام الى ظاهرة على جنب الصفحة.. انت اخترت موبيل خلاص اتفقنا انك تسيب قسم هواتف محمولة

وبما انك مش هتحتاج الاقسام الباقية ابدأ عملية الحذف .. مثلا قسم اكسسورات هواتف و تابلتمطلعلك لواحده فوق الألف نتيجة .. فا ليه الزحمة؟ احذف.. و صوت و ڤيديوو مكونات كمبيوتركل دا مش تبع الى انت بتدور عليه.. احذف

2- دوس على هواتف محمولةبعدين عكس الاختياراتاللى جنب كلمة أقسامهيحذف لك كل حاجة و يسيب بس هواتف محمولة.”

3- نظبط النتائج اللى طلعت على حسب الترتيب اللى بتظهرلنا بيه و فى 3 اختيارات:

– الأقرب لمصطلح البحث Relevance

– من الأغلى للأرخص

– من الأرخص للأغلى

فلترة النتايج ( لاختيار متجر محدد تشترى منه )

أخر لعبة فى الطريقة دى ان انت تختار عايز تشوف نتائج لمنتجات من أنهى محل. تحت جزء أقسام هتلاقى متاجرو اختار عايز مين و ممكن تستغنى عن مين.

الطريقة الثانية للبحث عن منتج ( من الصفحة الرئيسية للموقع )

اختار الفئة المناسبة ما بين هواتف محمولة و تابلت“, “كمبيوتر و برامج“, “الكترونيات“, “أطفال“, و كدة.

نكمل بنفس المثال iPhone يبقى هتختار هواتف محمول و تابلتو بعدين من الفئات الفرعية هواتف محمولة.”

الطريقة الثالثة للبحث عن منتج ( باختيار المتجر من الصفحة الرئيسية )

من على الصفحة الرئيسية تحت خالص من جنب عن الموقعو شروط الاستخدامتختار متاجر

الاختيار دا بيوصلك لكل المتاجر الى بتعرضها ياقوطة و ايه صفات كل واحد منهم.

الطريقة دى مناسبة لمين :

– مثلا مستعجل وعايز تختار من المتاجر اللى بتوصل المنتج بسرعة

– عايز تختار طريقة دفع معينة (مثلا متجر بيرضى انك تدفع عند الاستلام)

– أو على حسب أى صفة تانية انت محتاجها مش ضامن توفرها فى كل المتاجر

– لو انت مش عارف انت عايز ايه بالظبط و لسه عايز تدخل تتفرج على مميزات ومنتجات كل متجر

انجوى مع ياقوطة وهابي شوبينج

Leave a Reply

Your email address will not be published. Required fields are marked *