١٠ أدوات صغيرة لا غنى عنها في البيت
كتبت: أماني سمير
عمركم سمعتوا عن محارب من غير سيف، أو نجار من غير عِدّة؟
أهو البيت عامل زي ساحة المعركة بالظبط، وانت الفارس اللي لازم يكون معاه أدواته عشان تقدر تخلص حروبك الصغيرة مع مهام البيت المختلفة. الأدوات دي بتساهم بشكل كبير في توفير الوقت والمجهود بالرغم من صغر حجمها، وبتساعد في تلبية احتياجاتنا البسيطة على أكمل وجه في بعض الأعمال المنزلية اللي كانت صعبة علينا زمان.
ولإن ياقوطة يهمها دايمًا راحتك وسعادتك، هنعرض عليك مجموعة متنوعة من أدوات البيت العصرية اللي تقدر تشوفها وانت قاعد مكانك وتتعرف على مواصفاتها وإمكانياتها وتعرف بتتباع فين وبكام قبل ما تشتري، ولو عجبك منتج منهم وحبيت تشتريه أونلاين اتصل في أي وقت وهيوصلك لحد باب البيت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
القايمة اللي جاية فيها 10 أدوات مهمة جوه البيت، بالرغم من كونها صغيرة لكنها بتساعد على إنجاز مهام صعبة وبتوفر المجهود وبتطلع الحاجة مثالية وممتازة في وقت قياسي.
1. تفّالة معلقة شاي
دي أداة مصنوعة من الاستانلس الاستيل المقاوم للصدأ ودرجات الحرارة المرتفعة، تم تصميمها على شكل معلقة لوضع الشاي بداخلها أو أي عشب آخر وتقليبه جوه الكوباية اللي فيها مياه مغلية عشان تستفيد بكل فوايد المشروب وتستمتع بيه من غير ما تتضايق من التفل أو خلاصة العشب لأنه بيفضل محفوظ جوه المعلقة، وتعتبر المعلقة دي أداة ذكية ورائعة لمحبي المشروبات السُخنة بكافة أنواعها.
2. مصفاة بلاستيك
المصفاة دي صناعة إيطالية 100%، قطرها 7 سم ومصنوعة من خامات بلاستيكية غير لاصقة عشان كده سهل استخدامها في تصفية العصاير المختلفة من البذر ورواسب الخفق، سهل كمان تنضيفها للحصول على نتايج مثالية.
لمشاهدة مصفاة بلاستيك من هنا.
3. عصّارة ومبشرة ليمون
دي أداة متعددة الاستخدامات، تقدر تستخدمها بشكل ثابت أو متحرك عشان تعصر جميع أنواع الحمضيات بمختلف أحجامها، ومزودة بمصفاة للبذور للتخلص منها بعد العصر عشان تحصل على عصير بدون شوائب، بالإضافة لاستخدامها كمبشرة لليمون برضه، وبتيجي مع ضمان شامل لمدة 5 سنين ضد عيوب الصناعة.
شوف عصّارة ومبشرة ليمون من هنا.
4. مقبض سيليكون
تقدر تستخدم المقبض ده عشان تمسك بيه الطاسة من غير ما تتلسع، وده لأنه مصنوع من السيليكون المقاوم للحرارة والمضاد للانزلاق وتم تصميمه بشكل يتناسب مع كل الأحجام، ومتوفر بـ 3 ألوان (الأزرق، الأخضر والأحمر).
5. مقشط سيليكون
أداة آمنة ونضيفة في استخدامها ومش بتسبب خدش لأواني الطهي بمختلف أنواعها (زي التيفال، الجرانيت والسيراميك)، وهي مقاومة للحرارة لحد 220 درجة مئوية لأنها مصنوعة من السيليكون ومزودة بإيد خشبية، ده غير إنها مش بتحتفظ بالروايح وسهل تنضيفها في غسالة الأطباق.
6. سكين معرّج
ده سكين سلاحه مصنوع من مادة الاستانلس استيل المقاوم للصدأ وليه إيد من البلاستيك، وبيُستخدم في أغراض متعددة من اللي بتقوم بيها يوميًا في مطبخك، زي تقطيع الخضروات، الفواكه والمخللات بكل أنواعها، كمان بيُستخدم في تقطيع البطاطس لعمل شرايح الشيبسي المعرّجة، وتقدر عن طريق استخدامه تزيّن الأكل وتعمل أشهى الأطباق بخطوات بسيطة ومبتكرة.
7. كليبس حلّة حامل للمعلقة
تم تصميمه لحمل أدوات التقليب فوق حلّة الطبخ للحفاظ على أدوات الطهي وكمان الأسطح نضيفة وآمنة، مصنوع من السيليكون عالي الجودة والاستانلس استيل المقاوم للصدأ ودرجات الحرارة العالية عشان ما يتأثرش بالأبخرة اللي بتطلع من الأكل أثناء الطهي، وسهل تنضيفه في غسالة الأطباق. فيه منه 3 ألوان (الأحمر، الأخضر والأزرق).
شوف كليبس حلّة حامل للمعلقة من هنا.
8. رول تنظيف الملابس
هوعبارة عن رول بيحتوي على 24 ورقة لاصقة لتنضيف الملابس من الغبار والأتربة والشعيرات الدقيقة اللي بتتعلق في هدوم اللي بيربوا الحيوانات الأليفة زي القطط والكلاب، ومزوّد بإيد عشان تعرف تتحكم فيه بشكل أفضل عند استخدامه، وهو صناعة إيطالية بتضمنلك جودة الخامات وقوة الأداء.
9. ملقاط سيليكون للتوست
عبارة عن خُطاف يتم تركيبه على الأطراف لدفع وسحب الطعام داخل الفرن للحفاظ على إيدك من درجات الحرارة العالية، لإنه مصنوع من مادة السيليكون، غير قابل للانزلاق ومقاوم للحرارة وسهل تنضيفه في غسالة الأطباق.
شوف ملقاط سيليكون للتوست من هنا.
10. غطاء زجاجة ومسكب بلاستيكي
الأداة دي بتعمل وظيفتين في وقت واحد، غطاء للزجاجة ومسكب في نفس الوقت من غير ما تضطر تفتح الزجاجة كل مرة، فهي أداة عملية ومريحة تقدر تستخدمها مع زجاجات السوائل بكافة أنواعها وتوفرلك في وقتك ومجهودك.
شوف غطاء زجاجة ومسكب بلاستيكي من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.