كتب: خالد عاصم

في بداية انتشار الساعات الذكية اختلفت الأراء عنها، ففي أصحاب رأي توقعوا إن التقنيات اللي من النوع ده هتفشل ومش هتقدر تستمر، في الوقت اللي فيه أصحاب رأي تانيين توقعوا إن التقنيات القابلة للارتداء في المجمل هتكون في المستقبل وهتشكل طريقة تعاملنا المستقبلية مع التكنولوجيا، ومع مرور الوقت على البداية دي، انتهت صلاحية الرأي الأول لأن الساعات الذكية استمرت وفصلت ولسه بتتطور، بس من ناحية تانية لسه الرأي التاني مأكدش صحته لأنه رغم تطور الساعات دي الملحوظ إلا إنها لسه بتعتمد على الموبايلات ولسه مابقتش أجهزة مستقلة بشكل كبير.

خلال الفترة اللي فاتت ظهرت مجموعة كبيرة من الساعات الذكية المتميزة اللي توفرت على موقع ياقوطة وفي المقال ده هنتكلم عن الأحدث والأبرز من بين الساعات الذكية المتوفرة على ياقوطة، ولو عجبتكم أي ساعة من الساعات الذكية اللي هنتكلم عنها خلال المقال هتقدروا تطلبوها من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أحدث وأبرز الساعات الذكية المتوفرة على ياقوطة

ساعة Huawei Watch GT 2

تعتبر الساعة الذكية Huawei GT 2 هي أحدث الساعات الذكية اللي طرحتها هواوي في الأسواق خلال الفترة اللي فاتت والساعة متوفرة بإصدارين أساسيين، الإصدار الأول والأرخص في السعر هو الإصدار الرياضي، والإصدار التاني والأغلى هو الإصدار الكلاسيكي والاختلاف الرئيسي بينهم هو في السوار اللي بيعتمد علي السليكون في الإصدار الأول وعلى الجلد في الإصدار التاني، وكمان بتختلف من حيث لون الهيكل اللي بيكون باللون الأسود اللامع في الإصدار الرياضي وباللون الفضل اللامع في الإصدار الكلاسيكي، والإصدارين بيتوافروا بقطر ٤٦ مم و٤٢ مم.

ساعة Huawei Watch GT 2 بتتميز في مختلف إصداراتها بعدد من المواصفات المتميزة زي إن الهيكل معمول من الستانليس ستيل والضهر المعمول من السيراميك، وكمان حماية الشاشة ضد الغمر في المياه لحد ٥٠ متر، الساعة كمان بتتميز بشاشة OLED ممتازة من حيث الوضوح والحدة والسطوع في مختلف ظروف الإضاءة وكمان بتتمتع برامات عالية وذاكرة تخزينية داخلية ده غير إن فيها GPS ده طبعًا غير كل الإمكانيات التانية المتعلقة بالرياضة واللياقة زي قياس النشاط الرياضي والسباحة ومعدلات النوم ومعدلات نبضات القلب وغيرها من الإمكانيات اللي بتزيد مع توصيل الساعة بالموبايل.

اتعرف على عروض أسعار ساعة Huawei Watch GT 2 المتوفرة على ياقوطة من هنا.

ساعة Samsung Galaxy Watch Active 2

أحدث الساعات الذكية الرياضية من سامسونج واللي بتتوفر بإصدارات مختلفة من حيث الألوان ومن حيث بعض التفاصيل في المستخدمة في الصناعة، بس كل الإصدارات دي بتتفق في مواصفات أساسية واحدة.

من المواصفات الرئيسية للساعة اعتمادها على مواد صلبة ومتميزة في الصناعة وبتختلف في بعض الإصدارات اللي بتعتمد على الصلب غبر القابل للصدا أو الألومنيوم وفي الحالتين بتكون الشاشة محمية بزجاج كورنينج جوريلا، الساعة كمان بتتميز بتخطيها للاختبارات العسكرية وبتقدر تقاوم المياه لحد عمق ٥٠ متر وكمان بتستقبل شريحة اتصال إلكترونية، شاشة الساعة من نوع Super AMOLED وبتتميز بإمكانيات رائعة منها خاصية الشاشة دائمة التيقظ، وكمان شريحتها الداخلية قوية جدًا ومدعومة برامات قوية وبسعة تخزين داخلية كبيرة نسبيًا وكمان فيها GPS ده غير كل المواصفات المعروفة الخاصة بكل الساعات الذكية التانية والمتعلقة بمتابعة النشاط الرياضي والحالة الصحية.

اتعرف على عروض أسعار ساعة Samsung Galaxy Watch Active 2 من هنا.

ساعة Samsung Galaxy Watch الرياضية

واحدة من أبرز الساعات الذكية اللي وصلت مؤخرًا لموقع ياقوطة هي ساعة Samsung Galaxy Watch الجديدة اللي تم الإعلان عنها أغسطس اللي فات، والإصدار المتوفر حاليًا بشكل أكبر هو إصدار ٤٦ مم وده بيتميز بإمكانيات أكتر من رائعة بداية من التصميم اللي بيوحي بالقوة من ناحية وبالأناقة من ناحية تانية، والقوة دي بتظهر بشكل كبير في الاعتماد على الستانليس ستيل في صناعة هيكل الساعة وفي تخطيها للاختبارات العسكرية وبدعمها لمقاومة المياه لحد عمق ٥٠ متر وكمان حماية شاشة الساعة.

أما الأناقة فبتظهر في الشاشة نفسها وهي شاشة من نوع Super AMOLED ممتازة من حيث الدقة والوضوح والسطوع والشاشة بتتميز بخاصية الشاشة دائمة التيقظ وبيحيط بيها الحواف المتحركة اللي ممكن من خلالها تتحكم في الساعة، اما على مستوى الأداء فالساعة بتعتمد على معالج قوي جدًا وعلى رامات وذاكرة داخلية ممتازين ده غير كل الإمكانيات الرياضية والصحية اللي بتتوافر فيها وبتخليها واحدة من أفضل الساعات الذكية المتوفرة في السوق حاليًا.

اتعرف على عروض أسعار مختلف إصدارات الساعات الذكية Samsung Galaxy Watch من هنا.

ساعة Apple Watch Series 5

الساعة الأغلى من بين مختلف الساعات الذكية المتوفرة على ياقوطة واللي تم الإعلان عنها سبتمبر اللي فات هي ساعة Apple Watch Series 5 واللي بتعتبر طبعًا واحدة من أفضل الساعات الذكية المتوفرة في العالم، والساعة بتتوفر بإصدارين بقطر ٤٤ مم وبقطر ٤٠ مم، والإصدارين بيتشاركوا في مجموعة من الإمكانيات زي الاعتماد على هيكل من الستانليس ستيل واللي بيكون مدعوم بضهر إما من البلاستيك أو من الزجاج الكريستالي على جسب الإصدار، والساعة بتقدر تستخدمها تحت المياه لحد عمق ٥٠ متر.

شاشة الساعة من نوع LTPO OLED وبتتميز بدقة عالية جدًا ومعمولة من الزجاج الكريستالي وكمان بتدعم خاصية اللمس ثلاثي الأبعاد وأبرز مميزتها هي نسبة السطوع الضخمة بالنسبة لمختلف الساعات الذكية التانية، الشاشة كمان بتدعم خاصية الشاشة دائمة التيقظ.

الشاشة بتتميز بسعة تخزينية ضخمة بالنسبة للساعات الذكية لانها بتبلغ ٣٢ جيجابايت، الساعة فيها GPS وفيها NFC وفيها عدد ضخم من المستشعرات المختلفة اللي بتخليها من ابرز الساعات الذكية في متابعة الأنشطة الرياضية والأنشطة الصحية للمستخدم.

اتعرف على عروض أسعار ساعة Apple Watch Series 5 من هنا.

اتعرف على عروض أسعار مختلف الساعات الذكية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.