أحدث ألعاب الفيديو في السوق المصري لمختلف المنصات

كتب: خالد عاصم

لو بتحب ألعاب الفيديو وبتدور على الألعاب الجديدة اللي وصلت للسوق المصري خلال الفترة اللي فاتت يبقى لازم تقرا المقال ده عشان تطلبهم فورًا من ياقوطة.

ولو أي سماعة عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أحدث ألعاب الفيديو في السوق المصري على ياقوطة

لعبة Far Cry 6

الإصدار الجديد من اللعبة الشهيرة Far Cry اللي طرح منها قبل كده خمسة إصدارات رئيسية غير الإصدارات الفرعية، واللعبة المرة دي بتنقلنا لبلد خيالية في أمريكا الجنوبية، بيحكمها ديكتاتور قاسي، واللاعب بيقوم بدور واحد من مجموعة من مقاومة الديكتاتور ده، وكعادة ألعاب السلسلة دي هتستمتع بعالم مفتوح ضخم وإمكانيات مختلفة بتطور مع الوقت وقدرة على تركيب أسلحة مختلفة من كل عناصر البيئة اللي حواليك.

اللعبة متاحة لمنصات Xbox One Series X/S وPlayStation 4 وPlayStation 5 ولأجهزة كمبيوتر ويندوز.

اتعرف على عروض أسعار لعبة Far Cry 6 لمختلف المنصات من هنا.

لعبة FIFA22

الإصدار الأحدث من أشهر لعبة من ألعاب كرة القدم في تاريخ ألعاب الفيديو، واللي بقت دلوقتي على الساحة لوحدها تقريبًا بعد المشاكل الكتير اللي ظهرت في لعبة eFootball 2022 أو PES بالاسم القديم، واللعبة بتكمل نفس أسلوبها اللي فات في الإصدارات الأخيرة من حيث تعدد البطولات وأنماط اللعب وكمان ألعاب الخماسي والثلاثي في ملاعب في الشارع، كل ده بالاعتماد على محرك جديد ونظام لعب أحدث.

اللعبة متاحة لمنصات Xbox One Series X/S وPlayStation 4 وPlayStation 5 ولأجهزة كمبيوتر ويندوز.

اتعرف على عروض أسعار لعبة FIFA22 لمختلف المنصات من هنا.

لعبة Call of Duty: Vanguard

الإصدار الجديد من لعبة الحرب الشهيرة واللي بتعتبر واحدة من أقوى وأشهر ألعاب الفيديو الخاصة بالحروب في التاريخ، وإصدار Call of Duty: Vanguard واللعبة كالعادة من ألعاب التصويب للشخص الأول، واللعبة هي الإصدار الثامن عشر من إصدارات اللعبة وبتدور أحداثه بعد أحداث إصدار Call of Duty: WWII وبتدور أحداث اللعبة حول ميلاد فرقة عسكرية خاصة جديدة هدها تواجه مجموعة من المخاطر اللي بتحصل في نهاية الحرب العالمية التانية، واللعبة بتتضمن وضع ألعاب القصة ووضع أونلاين وكمان وضع للزومبي.

اللعبة متاحة لمنصات Xbox One Series X/S وPlayStation 4 وPlayStation 5 ولأجهزة كمبيوتر ويندوز.

اتعرف على عروض أسعار لعبة Call of Duty: Vanguard لمختلف المنصات من هنا.

لعبة F1 2021

الإصدار الجديد من اللعبة الرسمية لمنافسات Formula 1 للسيارات واللي تعتبر الحدث الأهم في عالم سباقات السيارات، ومن خلال اللعبة ممكن تبدأ مشوارك كواحد من المتسابقين الجدد عشان توصل من خلال مجموعة ضخمة من المسابقات والتحديثات والتعديلات إنك تكون مصنف مش داخل اللعبة لا كمان أونلاين مع لاعبين من كل أنحاء العالم.

اللعبة متاحة لمنصات Xbox One Series X/S وPlayStation 4 وPlayStation 5 ولأجهزة كمبيوتر ويندوز.

اتعرف على عروض أسعار لعبة F1 2021 لمختلف المنصات من هنا.

لعبة Life is Strange: True Colors

الإصدار الجديد من سلسلة ألعاب الفيديو اللي بتعتمد أسلوب القصة المصورة الرائعة Life is Strange واللي حققت نجاحات ضخمة بفضل قصتها وأسلوبها الجديد في اللعب ونظام الخيارات اللي بيأثر بشكل كبير على أحداث القصة وتطورها، وفي الجزء ده بتدور الأحداث حول Alex Chen اللي بتتمتع بقدرتها على الشعور بمشاعر الأخرين، وده بيساعدها على إنها تحل للغز ورا قتل أخوها على مدار أحداث اللعبة اللي مليانة مفاجآت خلال القصة.

اللعبة متاحة لمنصات Xbox One Series X/S وPlayStation 4 وPlayStation 5 ولأجهزة كمبيوتر ويندوز.

اتعرف على عروض أسعار لعبة Life is Strange: True Colors لمختلف المنصات من هنا.

لعبة Guardians of the Galaxy

اللعبة الجديدة اللي بتدور أحداثها عن مجموعة Guardians of the Galaxy المأخوذة من القصص المصورة وأفلام شركة مارفل الشهيرة، واللعبة لاقت استحسان كبير من النقاد على مستوى الرسوميات وأسلوب اللعب والمعارك المصممة بشكل جذاب وممتع جدًا.

اللعبة متاحة لمنصات Xbox One Series X/S وPlayStation 4 وPlayStation 5 ولأجهزة كمبيوتر ويندوز.

اتعرف على عروض أسعار لعبة Guardians of the Galaxy لمختلف المنصات من هنا.

لعبة Deathloop

حصرية PlayStation 5 الجديدة اللي هتتوفر كمان لأجهزة الكمبيوتر بنظام تشغيل ويندوز، اللعبة لعبة تصويب وقتال من منظور الشخص الأول وبتدور أحداثها حول قاتل مأخور دخل في فجوة زمنية بتضطره إنه لزم يتخلص من ٨ أشخاص قبل نص الليل وفي حالة إنه متخلصش منهم كلهم اليوم بيتعاد تاني وبيرجع كل شيء من الأول وده بيحصل كمان حتى لو مات خلال اليوم.

اللعبة متاحة لمنصة PlayStation 5 وأجهزة ويندوز.

اتعرف على عروض أسعار لعبة Deathloop لمختلف المنصات من هنا.

اتعرف على عروض أسعار كل ما يخص ألعاب الفيديو على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *