كتب: خالد عاصم

بسبب القلق الكبير خلال السنين اللي فاتت المتعلقة بطبيعة الجو وجودته، انتشرت بشكل كبير أجهزة تنقية الهواء وبقت من بين العناصر الأساسية اللي ناس كتير بتحتاجها في بيوتها خصوصًا في الأماكن ومناطق العالم اللي فيها نسبة تلوث عالية، او المناطق القريبة من الصحراء أو أطراف المدن اللي بيكون فيها التلوث أقل بس ممكن تكون فيها نسبة أتربة عالية مثلًا وفي الحالتين العناصر دي بتكون محملة بحاجات كتير ممكن تضر الرئة بشكل واضح.

وهنا بييجي السؤال، هل فعلًا أجهزة تقنية الهواء بتمثل حلول حقيقية لعلاج ازمة التلوث في البيوت والأماكن المغلقة؟ الإجابة ببساطة هي أيوه، والدليل هنتعرف عليه في المقال ده، وكمان هنتكلم عن مجموعة من أبرز أجهزة تنقية الهواء المتوفرة على ياقوطة.

ولو أي جهاز من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

إزاي بتشتغل أجهزة تنقية الهواء

من اسمها نفهم إن النوع ده من الأجهزة بيعمل على تنقية الهواء، وده بيشمل التخلص من التلوث ومسببات الحساسية والمواد السامة، وده معناها إنها عكس طريقة عمل أجهزة الترطيب أو التبخير، لان الأولانية بتخلص الجو من العناصر الإضافية اللي فيه، والتانية بتضيف عناصر جديدة للجو.

وكمان بتختلف الأجهزة دي عن أجهزة الفلاتر أو المرشحات لأن الفلاتر بتشيل التلوث أو العناصر الصلبة من الجو، أما أجهزة تنقية الهواء فبتعمل على التطهير بمعنى إنها بتنقي الهواء من العناصر دي وبتطهره، وبتختلف الأجهزة دي من حيث طريقتها في التقنية، يعني منها اللي بينقي الهواء من خلال مروره الأول من خلالها ومنها اللي بينقي الهواء من غير العملية دي من خلال نشر أيونات في الجو بتقدر تجذب العناصر المطلوب تنقيتها من الهواء.

فعالية وفوائد أجهزة تقنية الهواء

زي ما قلنا إن أجهزة تقنية الهواء فعالة فعلًا وبتقدر تنقي الهواء بجد، بس كمان ده مش معناه إنها بتقدر تتخلص من كل العناصر دي بنسبة ١٠٠٪، وده لان كتير من عناصر تلوث الهواء بتسقط على الأقمشة والسجاء أو بتتعلق في الستاير ومابتكونش موجودة في الهواء كده بحرية طول الوقت، أما عن فوايد استخدامات الأجهزة دي فبتشمل النقط اللي جايه:

• مسببات الحساسية: مسببات الحساسية هي عبارة عن مواد بتأثر على الجهاز المناعي للإنسان او الحيوان وبتأدي في الآخر لحدوث الحساسية، والأجهزة دي بتعتبر فعالة جدًا في القضاء على مسببات الحساسية
• عفن الهواء: من المواد الشبيهة جدًا بمسببات الحساسية واللي بتقدر برضه تأثير على الرئة وتتسبب في مشاكل كتير، وبتقدر الأجهزة دي إنها تقضي على نسبة كبيرة جدًا من عفن الهواء
• الدخان: من اهم مميزات أجهزة تقنية الهواء قدرتها على سحب الدخان من الهواء سواء كان بسبب التدخين أو مصدر تاني من مصادر الدخان
• مصادر التسمم: المواد الكيميائية اللي بنستخدمها في البيت في التنضيف على سبيل المثال بتنتج مواد سامة حتى ولو بنسب قليلة جدًا، ومن بين مميزات أجهزة تقنية الهواء إنها بتقدر تنقي الهواء من المواد دي

أبرز أنواع أجهزة تقنية الهواء على ياقوطة

منقي هواء Sharp KC-A50SA-W

منقي الهواء من شارب اللي بيقدر يغطي مساحة لحد ٢٦ متر مربع، وبيعتمد المنقي على مولد أيونات ion S/cm3 7000، وبيتميز المنقي بخصائص متكاملة للتعامل مع الأتربة وفلتر لإزالة الروايح الكريهة وكمان فيه مستشر للروائح وعلامة للتنضيف، وبيتميز بإنه مش بيطلع أي صوت خلال التشغيل ده غير سهولة استخدامة والأمان اللي بيوفره بفضل عوامل كتير زي قفل أمان الأطفال.

اتعرف على عروض أسعار منقي الهواء Sharp KC-A50SA-W من هنا.

منقي الهواء BlueAir Classic 203

بتصميم نحيف ومميز وجذاب جدًا بيقدر المنقي ده إنه يغطي مساحة ٢٢ متر مربع، وبيتميز باعتماده على تقنية Hepasilent Tecnho اللي بتشتغل على تنضيف الهواء بطريقة أسرع وبأقل صوت ممكن مقارنة بأي منقيات هواء تانية وبقتدر على إزالة كل الملوثات المنقولة عبر الجو زي الغبار ووبر الحيوانات والعفن والبكتريا، وبيقدر يعمل على تدوير الهواء خمس مرات في الساعة الواحدة، وبيتميز الجهاز بتلات سرعات.

اتعرف على عروض أسعار منقي هواء BlueAir Classic 203 من هنا.

منقي هواء Xiaomi Mi Air Purifier 2S

بتقدم شاومي واحد من أرخص وأفضل أجهزة تنقية الهواء المتوفرة في السوق المصري، واللي بيتميز بإن قوته مستوحاة من محركات الطيرات واللي بيعتمد على نظام إيروديناميكي بيقدر ينقي الهواء بأفضل شكل ممكن وأسرع وقت ممكن، وبيتميز المنقي بتقنية 360 Triple-layer وده عباره عن فلتر فعال جدًا بيقدر يشتغل في كل الاتجاهات مع قدرة على إزالة كل العناصر الصلبية الأكبر من ٠٫٣ ميكرون، ده غير فلتر الكربون اللي بيشيل الريحة الكريهة وغيرها من المواد الضارة، وبيتميز المنقي بإنك تقدر تشغله وتتحكم فيه من خلال الموبايل.

اتعرف على عروض أسعار منقي Xiaomi Mi Air Purifier 2S من هنا.

جهاز تقنية الهواء LG Puricare 360 Smart

الأغلى لكنه الأقوى والأميز، وبيقدر المنقي ده إنه يغطي مساحة لحد ٥٨ متر مربع يعني يقدر ينقي الهواء من شقة كاملة صغيرة أو من قطاع كبير جدًا من الشقق الكبيرة، ويقدر يغطي مساحة طولية ٧٫٥ متر، وده بفضل تقنية فلتر ٣٦٠ درجة اللي بتقدر تخليه يشتغل في كل الاتجاهات، وبيعتمد المنقي على ٦ خطوات لتقنية الهواء وإزالة مختلف أنواع الغبار والغازات الضارة، كمان فيه تقنية لقياس وفحص جودة الهواء مع مستشعر للجزيئات أقل من ١ ميكرومتر ده غير كمان مستشعر الغاز وعدد كبير جدًا من الخصائص والمميزات الاستثنائية.

اتعرف على عروض أسعار منقي هواء LG Puricare 360 Smart من هنا.

اتعرف على عروض أسعار مختلف أجهزة تقنية الهواء على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.