أجدد قطع الأثاث لأوضة نوم طفلك من ياقوطة
كتبت: منى عوض
غرفة الطفل مكان مهم جدًا مش بالنسبة للطفل وبس، لأ بالنسبة للأب والأم كمان لأن الطفل بيقضي فيها فترة طويلة وبالتالي لازم الأب والأم يكونوا متطمنين على طفلهم طول الوقت وهو فيها ومتأكدين إنه حاسس فيها براحة وأمان كبير وكمان يكون شكلها شيك ومناسب.
عشان كده ياقوطة هتقدم في مقال النهارده أهم الأثاث اللي يُفضل تواجده في غرفة الطفل، ولو عجبك حاجة من اللي هنستعرضها وحبيت تشتريها تقدر تعرف أحسن سعر ليها وتقدر كمان تطلبها من خلال موقعنا وهتوصلك في أسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
كرسى الرضاعة والاسترخاء الهزاز من هاوك
الكرسي ده هتقدر تستخدمه وتسترخي عليه وتتمتع براحة وآمان تام أثناء رضاعة طفلك وكمان لو حابب تتحرك بيه فهو هزاز وكمان بيدور بزاوية 360 درجة وبيجي بمسند ظهر قابل للتعديل عشان يوفرلك درجة أكبر من الراحة.
ممكن تشوف كرسى الرضاعة والاسترخاء الهزاز من هاوك من هنا.
سرير أطفال من ذا وودن أرت
سرير أطفال مصنوع من خشب الزان الطبيعي وشكله لطيف جدًا وكمان آمن تمامًا بالنسبة للأطفال في السنوات الأولى من عمرهم فهو بييجي بمستويين مع إمكانية قفله وفتحه عشان تقدر تطمن على طفلك أثناء فترة نومه.
من السهل تنظيف السرير بكل سهولة من خلال إسفنجة أو قطعة قماش نظيفة مبلولة بشوية ماء وصابون وبعد كده تنشف المكان اللي نظفته بقطعة قماش نظيفة جافة تمامًا.
ممكن تشوف سرير أطفال من ذا وودن أرت من هنا.
إضاءة ليلية على شكل مزهرية
تصميم الأباجورة دي مميز جدًا ولطيف جدًا وكمان إضائتها مميزة أثناء فترة الليل ومش هتسبب أي ضرر لعينين طفلك، وكمان الأباجورة دي بتُعتبر موفرة للطاقة وعمرها طويل وصديقة للبيئة.
الأباجورة مزودة بمستشعر الضوء المحيط اللي بيسمح للأباجورة أنها تشتغل لوحدها تلقائيًا في حال عدم اكتشاف أي ضوء أو اكتشاف وقوع الغرفة في حالة من الظلام.
ممكن تشوف إضاءة ليلية على شكل مزهرية من هنا.
دولاب أطفال برسومات ديزني
الدولاب مناسب تمامًا للأطفال بسبب حجمه الصغير ورسومات ديزني اللي موجودة عليه، ومن الممكن استخدامه في تخزين الملابس أو الألعاب أو الكتب أو تخزين أي حاجة تانية تخص طفلك.
ممكن تشوف دولاب أطفال برسومات ديزني من هنا.
أباجورة أطفال على شكل أرنوب
الأباجورة بتشتغل بالطاقة الكهربائية وبتيجي على شكل أرنوب ودي حاجه مميزة وهتجذب انتباه طفلك وتنفع مع ديكورات الأطفال.
ممكن تشوف أباجورة أطفال على شكل أرنوب من هنا.
كرسي الأطفال القطني
الكرسي ده هيوفر طريقة جلوس مريحة وآمنة بالنسبة لطفلك في أي مكان في المنزل، مع العلم أنها بتتناسب للمرحلة العمرية بين 3 إلى 6 أعوام.
ممكن تشوف كرسي الأطفال القطني من هنا.
كرسي أطفال صغير بلاستيك
الكرسي ده مناسب جدًا لو الطفل حابب يلعب أو يتفرج على التليفزيون أو يقعد قدام مكتب صغير وهكذا، الكرسي بيتناسب تمامًا مع الأطفال اللي بتتراوح أعمارهم بين 3 إلى 6 أعوام.
ممكن تشوف كرسي أطفال صغير بلاستيك من هنا.
نجفة سبايدر مان للأطفال الثلاثية المعلقة
النجفة مكونة من قاعدة مصنوعة من الأستانلس ستيل وثلاث بلورات زجاجية واخده شكل لمبات مستديره وأعلى كل بلورة منهم هتلاقي شكل سبايدر مان، وكمان النجفة حجمها مميز ومناسب فهي بتيجي بأبعاد 25 × 25 × 50 سم.
ممكن تشوف نجفة سبايدر مان للأطفال الثلاثية المعلقة من هنا.
ستائر شفافة مزخرفة
الستائر من الوسائل المساعدة في استرخاء الطفل وحصوله على أفضل وأطول فترة نوم ممكنة، ومن الممكن إنك تفردها عادي جدًا عشان تحجب ضوء الشمس أو أي أضواء خارجية أو تلمها وتربطها في الرباط المعلق على جانبي الستارة عشان تدخل هواء وضوء جديد للغرفة وتحسس طفلك بالانتعاش.
ممكن تشوف ستائر شفافة مزخرفة من هنا.
أقفال لاصقة للعناية بالطفل
الأقفال اللاصقة دي سهلة الاستخدام ومفيدة جدًا فهي بتعمل على حماية الطفل من أي أخطار غير متوقعة ناتجة عن فتح أي باب أو درج بشكل غير متوقع، كل اللي عليك إنك تحطها على الأدراج والخزانات وخزانات حفظ الأطعمة والأبواب والأجهزة وما إلى ذلك واطمن بعدها على طفلك تمامًا.
ممكن تشوف الأقفال اللاصقة للعناية بالطفل من هنا.
صدادة الأبواب من جينيريك
صدادة الأبواب هتساعدك في الحفاظ على سلامة طفلك لأكبر درجة ممكنه لأنها هتحد من إمكانية إصابة الطفل في الباب أو قفل الأبواب على أصابعه وكمان بتحد من خطر تعرض الطفل للحبس داخل الغرفة بشكل غير مقصود.
ممكن تشوف صدادة الأبواب من جينيريك من هنا.
ممكن تشوف نصائح ياقوطة لكيفية شراء وتجهيز غرفة الأطفال أونلاين.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.