أفضل أجهزة اللاب توب المناسبة للطلبة

لاب توب المدارس

كتب: خالد عاصم

الدراسة اختلفت كتير عن زمان يعني مابقتش تحتاج لكتب وكراريس وأقلام بس، واتحولت بتحول كل الوسائل اللي حوالينا لشكل إلكتروني أكتر، فدلوقتي الطلبة بقوا يستلموا تابلت، والدروس بقت متوفرة على مواقع وعلى اليوتيوب وبقي فيه برامج كتير أوي بتسعد طلبة المدارس والكليات على المذاكرة، وعشان كده بقى شبه ضروري لكل طالب إنه يكون عنده اللابتوب المناسب ليه.

في المقال ده هنتكلم عن مجموعة من أبرز لابتوبات الطلبة والمناسبة للمدارس والكليات ومتوفرة بأسعار مناسبة جدًا وبتتمتع بإمكانيات تقدر تخليهم يجمعوا بين الدراسة والترفيه كمان، ولو أي جهاز عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أبرز أجهزة لابتوبات الطلبة على ياقوطة

لابتوب Sary Twist Plus 360

واحد من أرخص اللابتوبات المتوفرة على ياقوطة والمناسبة لطلبة المدارس اللي بيعتمدوا بشكل كبير على الإنترنت في المذاكرة، واللابتوب بيتميز بإنه بشاشة ١٣٫٣ بوصة قابلة للدوران بزاوية ٣٦٠ درجة، وبيعتمد اللابتوب على معالج انتل سيليرون ان ٣٠٠٠ المدعوم بذاكرة عشوائية سعتها ٤ جيجابايت رام وبذاكرة داخلية سعتها ٦٤ جيجابايت.

اتعرف على عروض أسعار لابتوب Sary Twist Plus من هنا.

لابتوب RCA Cambio

من لابتوبات الطلبة الممتازة لأنه ممكن استخدامه ككمبيوتر وتابلت في نفس الوقت وده لأنه بيعتمد على شاشة بقطر ١٠ بوصة قابلة للفك من لوحة المفاتيح لاستخدام الشاشة لوحدها من خلال اللمس، وبيعتمد اللابتوب المتحول على معالج Intel Atom Z8350 المدعوم بذاكرة عشوائية سعتها ٢ جيجابايت رام بذاكة داخلية سعتها ٣٢ جيجابايت، وبيتشغل اللابتوب بنظام تشغيل ويندوز ١٠ وعليه مجموعة تطبيقات Microsoft Office Mobile.

اتعرف على عروض أسعار لابتوب RCA Cambio من هنا.

لابتوب Lenovo V14

من بين لابتوبات الطلبة الممتازة في الفئة السعرية دي لابتوبات لينوفو V14 اللي بيتميز بشاشة بقطر ١٤ بوصة وبيعتمد على المعالج المركزي AMD 3020e بكارت فيجا AMD وبيعتمد على ذاكرة عشوائية سعتها ٤ جيجابايت رام باكرة داخلية ضخمة سعتها ١ تيرابايت، مشكلة اللابتوب الوحيدة انه مش بييجي معاه نظام تشغيل يعني هتحتاج لرخصة نظام تشغيل.

اتعرف على عروض أسعار لابتوب Lenovo V14 من هنا.

لابتوب Asus E410MA-BV185T

لابتوب مميز من اسوس من أبرز مميزاته إنه بيعتمد على ذاكرة داخلية من فئة SSD اللي بتتميز بسرعتها الفائقة وهي سعة ١٢٨ جيجابايت، أما الذاكرة العشوائية فسعتها ٤ جيجابات رام، أما شاشة اللابتوب فقطرها ١٤ بوصة بجودة HD، وبيعتمد اللابتوب على معالج انتل سيليرون بكارت فيجا Intel UHD، واللابتوب بييجي بنظام تشغيل ويندوز ١٠.

اتعرف على عروض أسعار لابتوب Asus E410MA-BV185T من هنا.

 لابتوب Dell Inspiron 15-3583

لو انت من محبي نظام تشغيل Ubuntu يبقى اللابتوب ده المثالي بالنسبة ليك لأنه بيقدر يقدم أفضل أداء ممكن لنظام التشغيل ده باعتماده على لابتوب Intel Celeron 4205U المدعوم بذاكرة عشوائية سعتها ٤ جيجابايت رام بذاكرة داخلية سعتها ٥٠٠ جيجابايت أما كارت الفيجا فهو Intel HD 610، واللابتوب بالحجم الكبير بشاشة قطرها ١٥٫٦ بوصة.

اتعرف على عروض أسعار لابتوب Dell Inspiron 15-3583 من هنا.

لابتوب Acer A314-21-477F

من لابتوبات الطلبة الممتازة لاعتمادها على ذاكرة داخلية بهارد سعته ١ تيرابايت كاملة، وكمان بيعتمد على بروسيسور ممتاز في الفئة دي وهو بروسيسور AMD A4 9120E المدعوم بذاكرة عشوائية سعتها ٤ جيجابايت رام وبيعتمد على كارت فيجا Intel HD، أما شاشة اللابتوب فقطرها ١٤٫٠ بوصة بجودة HD، واللابتوب عليه نظام تشغيل ويندوز ١٠.

اتعرف على عروض أسعار لابتوب Acer A314-21-477F من هنا.

اتعرف على عروض أسعار مختلف أجهزة اللابتوب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *