7 من أبرز سماعات بلوتوث سبيكر على ياقوطة

كتب: خالد عاصم

عشاق سماع المزيكا بيكونوا دايمًا في رحلة بحث عن السماعة الأفضل اللي تقدر تقدملهم أفضل أداء ممكن ومن غير التقيد بقى بالكابلات بتاعة زمان أو استخدام سماعات ضخمة، وده اللي قدرت تعمله سماعات بلوتوث سبيكر اللي قدرت تجمع ما بين الحجم الصغير والإمكانيات الصوتية القوية جدًا وكمان عناصر الحماية ضد المياه والخدش واللي بتخليك تستمتع بالمزيكا في أي وقت وفي أي مكان.

وفي المقال ده هنتعرف على مجموعة من أبرز سماعات بلوتوث سبيكر المتوفرة على ياقوطة اللي بتتميز بإمكانيات صوتية ممتازة وبأسعار مختلفة مناسبة للكل.

ولو أي سماعة عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أفضل سماعات بلوتوث سبيكر على ياقوطة

سماعة Aquapod من Boompods

سماعة ممتازة بتجمع بين الإمكانيات القوية والقدرة على تحمل مختلف ظروف الاستخدام، فالسماعة مقاومة للمياه وبتتميز بتصميم متين وقوي لحمايتها من الخدش والكسر مهما كانت ظروف الاستخدام وده لأن حوالين المساعة مصد من المطاط للحماية، وكمان بتتميز بحماية ضد المياه بتصنيف IPX7، وبتتميز السماعة بصوت قوي جدًا حتى لو شغلتها على أعلى درجات الصوت ده غير البطارية القوية اللي بتقدر تشتغل لحد ٥ ساعات وبتدعم الشحن السريع كمان، وبتتمتع السماعة بسهولة التنقل والحمل لأن فيها حبل قصير وحامل للعجله ومشبك للتركيب، وكمان فيها ميكروفون قوي عشان إجراء المكالمات من خلالها.

اتعرف على عروض أسعار سماعة Aquapod من BoomPods من هنا.

اتعرف على مختلف عروض أسعار سماعات BoomPods من هنا.

سماعة Soundlink Revolve Plus من Bose

شركة Bose واحدة من أكبر الشركات في عالم الصوتيات، وبتقدم مجموعة ضخمة ومتميزة من سماعات بلوتوث سبيكر اللي من بينها سماعة Soundlink Revolver Plus اللي رغم حجمها الصغير إلا إنها بتتمتع بإمكانيات وقدرات صوتية أكتر من رائعة، فتصميم السماعة الدائري بزاوية ٣٦٠ درجة بيسمحلها تقدم تجربة صوتية ممتازة، ده غير إنها خفيفة وفيها إمكانيات للحمل والتنقل وبتقدر تتوصل من خلال بلوتوث أو من خلال كابل ٣٫٥ مم، وطبعًا على مستوى الصوت فاحنا بنتكلم عن إمكانيات هائلة من صوت قوي وترددات مختلفة بتقدمها بنقاء مالوش مثيل، ده غير البطارية اللي بتقدر تشتغل لحد ١٢ ساعة كاملة.

اتعرف على عروض أسعار سماعة Soundlink Revolver Plus من Bose من هنا.

اتعرف على عروض أسعار مختلف سماعات Bose من هنا.

سماعة Boom 3 من Ultimate Ears

واحدة من أفضل سماعات بلوتوث سبيكر المتوفرة في الفئة السعرية دي هي سماعة Boom 3 من Ultimate Ears واللي بتتميز بتصميم ممتاز بيعتمد على شكل اسطواني عشان يقدم تجربة صوت ٣٦٠ درجة مثالية تقدر تقوم حفلة لوحدها رغم حجمها الصغير، وجوا التصميم المثالي ده فيه إمكانيات صوتية ممتازة ومبهرة بفضل صوت البيس العميق والدقيق واللي مفيهوش أي زن مع الاستخدام على حجم الصوت العالي، وكمان البطارية بتقدر تشتغل لحد ١٥ ساعة كاملة، والسماعة مقاومة للمياه والغبار والصدمات كمان.

اتعرف على عروض أسعار سماعة Boom 3 من Ultimate Ears من هنا.

اتعرف على عروض أسعار مختلف سماعات Ultimate Ears من هنا.

سماعة MUVO 2 من Creative

شركة  Creativeالعريقة والشهيرة بتقدم مجموعة من سماعات بلوتوث سبكر الممتازة اللي منها سماعة MUVO 2 ذات التصميم البسيط جدًا والمكونات القوية جدًا، السماعة مقاومة للمياه تقدر تستخدمها في أي ظروف استخدام وبتتميز ببطارية بتقدر تعيش لحد ١٠ ساعات يعني مزيكا طول الوقت من غير مشكلة، أما صوة صوتها فأكتر من رائعة لأنها بتقدم صوت عريض وعميق وقوي مع الاهتمام بكل نوته من النوتات الموسيقية، والسماعة ممكن التحكم فيها من خلال تطبيق على الموبايلات وكمان تقدر تستخدم معاها كروت الميموري.

اتعرف على عروض أسعار سماعة MUVO 2 من Creative من هنا.

اتعرف على عروض أسعار مختلف سماعات Creative من هنا.

سماعة Charge 5 من JBL

ماينفعش نتكلم عن سماعات بلوتوث سبيكر ومانجيش سيرة JBL أكتر من مرة، وخصوصًا مجموعة Charge اللي منها Charge 5 اللي بتجمع كل مميزات الإصدارات اللي فاتت وبتزود عليها تقنيات أفضل وأقوى، والسماعة دي بالإضافة لإمكانياتها الصوتية الممتازة اللي هنتكلم عنها فأكتر سمة بتميزها هي البطارية واللي بتقدر تقعد لحد ٢٠ ساعة متواصلة وممكن كمان نستخدمها في شحن أي جهاز تاني من خلال كابل USB، أما الصوتيات فأكتر من ممتازة بفضل إن فيها سماعات داخلية قوية منها سماعتين لصوت البيس وسماعة تويتر منفصلة عنهم، يعني صوت قوي واستثنائي وكمان حماية ضد المياه وشاحن معاك في أي وقت.

اتعرف على عروض أسعار سماعة Charge 5 من JBL من هنا.

اتعرف على عروض أسعار مختلف سماعات JBL من هنا.

سماعة Anker Pocket من انكر

مين قال إن السماعات الصغيرة مش بتقدر بتقدم أداء ممتاز؟ السماعة دي أكبر دليل على عكس الكلام ده لأنه رغم حجمها الصغير اللي بيخليها تتشال فعلًا في جيبك، هي بتقدر تقدم تجربة صوتية أكتر من رائعة وكمان بتتمته بإمكانيات توصيل مختلفة، زي البلوتوث وNFC أو من خلال منفذ AUX، والسماعة رغم حجمها ده فيها مضخم صوت مدمج وبطاريتها القوية بتقدر تعيش لحد ١٢ ساعة متواصلة.

اتعرف على عروض أسعار سماعة Anker Pocket من Anker من هنا.

اتعرف على عروض أسعار مختلف سماعات Anker من هنا.

سماعة Xiaomi Mi Bluetooth Speaker من Xiaomi

زي ما بتقدر تقدم قيمة مقابل السعر على مستوى الموبايلات والأجهزة المختلفة، فهي كمان بتقدم نفس المبدأ في السماعات، ومن خلال السماعة دي بتقدر توفر شاومي تجربة صوت استثنائية بفضل اعتمادها على سماعتين داخليتين بقوة ٣ وات وببطارية بتقدر تشتغل لحد ٨ ساعات متواصلة، السماعة وزنها خفيف جدًا رغم تصميمها القوي اللي ممكن يدي إيحاء بإن وزنها تقيل، وكمان متوافقة مع مختلف أنظمة التشغيل والأجهزة، والتحكم فيه سهل جدًا.

اتعرف على عروض أسعار سماعة Xiaomi Mi Bluetooth Speaker من هنا.

اتعرف على عروض أسعار مختلف منتجات Xiaomi من هنا.

اتعرف على عروض أسعار مختلف أنواع سماعات بلوتوث سبيكر على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *