مواصفات وأسعار أبرز الموبايلات في الفئة السعرية بين ٥٠٠٠ لـ ٧٠٠٠ جنيه مصري

كتب: خالد عاصم

في المقال ده هنتعرف على مواصفات وأسعار أبرز الموبايلات المتوفرة في السوق المصري في الفئة السعرية بين ٥٠٠٠ جنيه مصري لـ  ٧٠٠٠ جنيه مصري، ولو أي موبايل من الموبايلات اللي هنتكلم عنها في المقال عجبك هتقدر تطلبه من خلالنا في ياقوطة وهيوصلك لحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أفضل الموبايلات في الفئة السعرية بين 5000 و7000 جنيه مصري

موبايل Realme 3 Pro

المواصفات

  • أبعاد الموبايل: ٨.٣ × ٧٤٫٢ × ١٥٦.٨ مم.
  • وزن الموبايل: ١٧٢ جرام.
  • البناء والصناعة: جسم من البلاستيك
  • شاشة الموبايل: شاشة الموبايل كاملة قطرها ٦.٣ بوصة ومعدلها ١٩.٥:٩ وده بيخليها تشغل حوالي ٨٣.٧ % من مساحة الموبايل الأمامية. والشاشة بتقدم دقة عرض ٢٣٤٠ × ١٠٨٠ بيكسل بكثافة ٤٠٩ بيكسل لكل بوصة والشاشة مصنوعة من شرائح IPS LCD ومحمية بزجاج كورنينج جوريلا الإصدار الخامس.
  • أداء الموبايل: معالج كوالكوم سنابدراجون ٧١٠ ثماني النواة وسرعته ٢.٢ جيجا هيرتز لشريحتين  Kryo 360 Gold وبسرعة ١.٧ جيجا هيرتز لست شرائح Kryo 360 Silver والمعالج مدمج بمعالج جرافيكس Adreno 616. والموبايل بيصدر بإصدار بذاكرة عشوائية سعتها ٤ جيجابايت وبذاكرة عشوائية سعتها ٦٤ جيجابايت وبإصدار بذاكرة عشوائية سعتها ٦ جيجابايت رام بذاكرة داخلية سعتها ٦٤ جيجابايت أو ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية لحد ٢٥٦ جيجابايت.
  • نظام التشغيل: الموبايل بيشتغل بنظام تشغيل أندرويد ٩ باي.
  • واجهة المستخدم: ColorOS 6
  • الكاميرا: الموبايل الكاميرا الخلفية بتاعته مزدوجة بقوة ١٦ ميجا بيكسل وفتحة مستشعر f/1.7 للعدسة الأولانية وبقوة ٥ ميجا بيكسل للعدسة الثانية الخاصة باستشعار عمق الصورة وإنتاج تأثير بوكيه والكاميرا مدعومة بتقنية التركيز التلقائي PDAF وبتقنية HDR ومدعومة بإضاءة فلاش ليد فردية وبتقدر تصور الفيديو بجودة 2160p بمعدل ٣٠ إطار في الثانية وبجودة 1080p بمعدل ٣٠ و١٢٠ إطار في الثانية وبجودة 720p بمعدل ٩٦٠ إطار في الثانية، أما الكاميرا الأمامية فقوتها ٢٥ ميجا بيكسل بفتحة مستشعر f/2.0 وكاميرا الموبايل الأمامية مدعومة بتقنية HDR وبتصور فيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: microUSB 2.0.
  • ماسح البصمة: خلفي.
  • المستشعرات: التسارع – الدوران – التقارب – البوصلة
  • البطارية: بطارية الموبايل غير قابلة للإزالة سعتها ٤٠٥٠ مللي أمبير في الساعة مدعومة بتقنية الشحن السريع بقوة ٢٠ وات.

شوف  موبايل Realme 3 Pro من هنا.

موبايل Samsung Galaxy A70

المواصفات

  • أبعاد الموبايل: ٧.٩ × ٧٦.٧ × ١٦٤.٣ مم.
  • وزن الموبايل: ١٨٣ جرام.
  • شرائح الاتصال: إصدار أحادي الشريحة وإصدار ثنائي الشريحة.
  • شاشة الموبايل: شاشة موبايل Samsung Galaxy A70 كاملة بشق قطرة المياه قطرها ٦.٧ بوصة ومعدلها ١٩:٥:٩ وده بيخليها تشغل حوالي ٨٦ % من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٣٩٣ بيكسل لكل بوصة والشاشة مصنوعة من شرائح Super AMOLED.
  • أداء الموبايل: معالج كوالكوم سنابدراجون ٦٧٥ ثماني النواة وسرعته ٢.٠ جيجا هيرتز لأربع شرائح من Kryo 460 Gold وبسرعة ١٫٧ جيجا هيرتز لأربع شرايح Kryo 460 Silver والمعالج مدمج بمعالج جرافيكس Adreno 612. والموبايل بيصدر بإصدارات بذاكرة عشوائية ٦ جيجابايت رام أو ٨ جيجابايت رام وبذاكرة داخلية سعتها ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية لحد ٥١٢ جيجابايت.
  • نظام التشغيل: الموبايل بيشتغل بنظام تشغيل أندرويد ٩ باي.
  • الكاميرا: الموبايل الكاميرا الخلفية بتاعته ثلاثية العدسات بقوة ٣٢ ميجا بيكسل وفتحة مستشعر f/1.7 للعدسة الأولانية وبقوة ٨ ميجا بيكسل بفتحة مستشعر f/2.2 للعدسة التانية فائقة العرض وبقوة ٥ ميجا بيكسل بفتحة مستشعر f/2.2 للعدسة التالتة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بأكتر من جودة، أما الكاميرا الأمامية فبقوة ٣٢ ميجا بيكسل وفتحة مستشعر f/2.0 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: USB Type-C.
  • ماسح البصمة: مدمج أسفل الشاشة.
  • المستشعرات: التسارع – الدوران – التقارب – البوصلة.
  • البطارية: بطارية الموبايل غير قابلة للإزالة سعتها ٤٥٠٠ مللي أمبير في الساعة وبتدعم تقنية الشحن السريع بقوة ٢٥ وات.

شوف  موبايل Samsung Galaxy A70 من هنا.

موبايل Xiaomi Pocophone F1

المواصفات

  • أبعاد الموبايل: ٨٫٨ × ٧٥٫٣ × ١٥٥٫٥ مم.
  • وزن الموبايل: ١٨٠ جرام.
  • صناعة الموبايل: هيكل موبايل Xiaomi Pocophone F1 معمول من البلاستيك.
  • شاشة الموبايل: بيعتمد موبايل Xiaomi Pocophone F1 على شاشة كاملة بشق في الأعلى وقطرها ٦٫١٨ بوصة بمعدل ١٨:٧:٩ وبتشغل تقريبًا ٨٢٫٢ في المية من مساحة الموبايل الأمامية، دقة الشاشة ٢٢٤٦ × ١٠٨٠ بيكسل وكثافتها ٤٠٣ بيكسل لك بوصة، الشاشة معمولة من شرائح IPS LCD ومحمية بزجاج كورنينج جوريلا جلاش المقوى.
  • أداء الموبايل: موبايل Xiaomi Pocophone F1 بيعتمد على بروسيسور كوالكوم سنابدراجون ٨٤٥ وده بروسيسور رائد مكنون من تمن أنوية بسرعة ٢٫٨ لأربعة Kryo 385 Gold وبسرعة ١٫٨ جيجا هيرتز لأربعة Kryo 385 Silver، أما بروسيسور الجرافيكس فنوعه Adreno 630. الموبايل بيصدر بتلات إصدارات الأول والثاني برامات ٦ جيجابايت رام وبذاكرة داخلية إما ٦٤ أو ١٢٨ جيجابايت، أما الإصدار التالت فراماته ٨ جيجابايت رام والذاكرة الداخلية ٢٥٦ جيجابايت وكل إصدارات الموبايل بتقبل كروت الميموري لحد ٢٥٦ جيجابايت
  • نظام التشغيل: أندرويد ٨٫١ أوريو عليه واجهة مستخدم MIUI 10.
  • الكاميرا: موبايل Xiaomi Pocophone F1 بييجي بكاميرا خلفية مزدوجة بقوة ١٢ ميجا بيكسل للعدسة الأولى وفتحة المستشعر بتاعها f/1.9 والعدسة دي مدعومة بتقنية التركيز التلقائي dual pixel PDAF والعدسة التانية قوتها ٥ ميجا بيكسل ودي عدسة مخصصة لاستشعار عمق الصورة عشان تنتج تأثير بوكيه، الكاميرا الخلفية مدعومة بإضاءة فلاش ليد زوجي وبتصور فيديو بجودة 2160p و1080p بمعدل ٣٠ إطار في الثانية وكمان بتصور بجودة 1080p بمعدل ٢٤٠ إطار في الثانية. أما الكاميرا الأمامية فقوتها ٢٠ ميجا بيكسل بفتحة f/2.0 وبتدعم تقنية HDR وبتصور فيديو بجودة 1080p بمعدل ٣٠ إطار في الثانية.
  • مستشعرات الموبايل: الموبايل بييجي بماسح بصمة خلفي وكمان تقنية التعرف على الوجوه بالأشعة تحت الحمراء وباقي المستشعرات هي التسارع – الدوران – التقارب – الباروميتر – البوصلة.
  • البطارية: بطارية الموبايل غير قابلة للإزالة سعتها ٤٠٠٠ ميللي أمبير بتدعم الشحن السريع عن طريق منفذ USB Type-C.

شوف موبايل Xiaomi Pocophone F1 من هنا.

موبايل Oppo F11

المواصفات

  • أبعاد الموبايل: ٨.٣ × ٧٦.١ × ١٦٢ مم.
  • وزن الموبايل: ١٨٨ جرام.
  • البناء والصناعة: جسم من البلاستيك
  • شاشة الموبايل: شاشة الموبايل كاملة بشق قطرة المياه قطرها ٦.٣٥ بوصة ومعدلها ١٩.٥:٩ وده بيخليها تشغل حوالي ٨٥.٣ % من مساحة الموبايل الأمامية. والشاشة بتقدم دقة عرض ٢٣٤٠ × ١٠٨٠ بيكسل بكثافة ٣٩٤ بيكسل لكل بوصة والشاشة مصنوعة من شرائح IPS LCD.
  • أداء الموبايل: معالج MediaTek Helio P70 ثماني النواة وسرعته ٢.١ جيجا هيرتز لأربع شرائح Cortex-A73 وبسرعة ٢.٠ جيجا هيرتز لأربع شرائح Cortex-A53 والمعالج مدمج بمعالج جرافيكس Mali-G72 MP3. والموبايل بيصدر بإصدار بذاكرة عشوائية سعتها ٤ جيجابايت وبذاكرة عشوائية سعتها ٦٤ جيجابايت وبإصدار بذاكرة عشوائية سعتها ٦ جيجابايت رام بذاكرة داخلية سعتها ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية لحد ٢٥٦ جيجابايت.
  • نظام التشغيل: الموبايل بيشتغل بنظام تشغيل أندرويد ٩ باي.
  • واجهة المستخدم: ColorOS 6
  • الكاميرا: الموبايل الكاميرا الخلفية بتاعته مزدوجة بقوة ٤٨ ميجا بيكسل وفتحة مستشعر f/1.8 للعدسة الأولانية العريضة وبقوة ٥ ميجا بيكسل للعدسة الثانية الخاصة باستشعار عمق الصورة وإنتاج تأثير بوكيه والكاميرا مدعومة بتقنية التركيز التلقائي PDAF وبتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فقوتها ١٦ ميجا بيكسل بفتحة مستشعر f/2.0 وكاميرا الموبايل الأمامية مدعومة بتقنية HDR وبتصور فيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: microUSB 2.0.
  • ماسح البصمة: خلفي.
  • المستشعرات: التسارع – الدوران – التقارب – البوصلة
  • البطارية: بطارية الموبايل غير قابلة للإزالة سعتها ٤٠٢٠ مللي أمبير في الساعة مدعومة بتقنية الشحن السريع بقوة ٢٠ وات.

شوف موبايل Oppo F11 من هنا.

اتعرف على أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *