أبرز الموبايلات العادية Feature Phones المتوفرة على ياقوطة

كتب: خالد عاصم

على الرغم من دخلونا لعصر الموبايلات الذكية من أكتر من عشر سنين وانتهاء عصر الموبايلات الكلاسيكية اللي من غير شاشة كبيرة قابلة للمس وبتعتمد على الزراير، إلا ان الموبايلات دي منها كتير لسا متوفر في الأسواق ولسا ليها احتياجات كتير وخصوصًا إن سعرها منخفض جدًا وتقدر تستخدمها تلحقك في مواقف كتير، زي مثلًا إنك تكون بتشتغل في مكان في بيئة صعبة شوية ومش محتاج إنترنت ومحتاج تليفون تتصل منه بس وبطاريته تستحمل، أو إن موبايلك يكون ضاع أو اتسرق ومحتاج حاجة مؤقتة لمكالماتك المهمة، وغيرها من السيناريوهات المختلفة اللي ممكن تحتاج فيها لموبايل عادي يساعدك تعمل مكالماتك وتتكلم منه لفترات طويلة ويستحمل معاك.

ولو أنت بتدور على موبايل من دول فالنهارده هنتكلم عن تلات موبايلات من الموبايلات العادية Feature Phones المتوفرة على ياقوطة، ولو أي موبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أبرز الموبايلات العادية Feature Phones على ياقوطة

موبايل Lava Champion P1

أول موبايل من الموبايلات العادية اللي هنتكلم عنها النهاردة موبايل Champon P1 من Lava الشركة الهندية الشهيرة، والموبايل أبعاده ١٢٫٥ مم × ٥٢ مم × ١٢٤ مم وبيعتمد على شاشة قطرها ٢٫٤ بوصة بجودة QVGA ملونة بتدعم ٦٥ ألف لأون، والموبايل بيقبل شريحتين اتصال من الجيل التاني والتالت وبيقبل الاتصال بالإنترنت من خلالهم، وكمان فيه كاميرا خلفية بسيطة طبعًا، الموبايل كمان فيه تقنية بلوتوث وفيه مصبح إضاءة خلفي قوي وفيه راديو وبيقبل يشغل مجموعة من صيغ الموسيقى المختلفة، وفيه سماعات خارجية قوية، أما البطارية فبتقعد لحد ٢٠ إلى ٢٣ ساعة من المكالمات ولحد ٤٠٠ ساعة على وضع الاستعداد.

اتعرف على عروض أسعار موبايل Lava Champion P1 من هنا.

موبايل Lava Arc 108

الموبايل التاني هو موبايل Lava Arc 108 من نفس الشركة والموبايل بييجي بشاشة TFT بقطر ٢٫٨ بوصة بدقة ٣٢٠ × ٢٤٠ بيكسل بكثافة ١٤٣ بيكسل لكل بوصة، أما أبعاده فهي ١١ × ٥٦ × ١٣٣ مم بوزن ٩٨ جرام، والموبايل بيقبل شريحتين وبيدعم 2G بس ولكنه بيقبل الاتصال بالإنترنت وفيه متصفح WAP وفيه تطبيقات تواصل اجتماعي خفيفة، أما كاميرا الموبايل فدقتها ١٫٣ ميجا بيكسل فيها فلاش وفيها زووم رقمي، والموبايل بيقبل زيادة سعته لحد ٣٢ جيجابايت من خلال كروت الميموري، والموبايل كمان فيه راديو وبيشغل مزيكا وفيديو وفيه منفذ 3.5 مم عشان توصل سماعاتك، وبطاريته سعتها ضخمة جدًا بالنسبة لنوعه لانها ١٢٠٠ ميللي أمبير في الساعة.

اتعرف على عروض أسعار موبايل Lava Arc 108 من هنا.

اتعرف على عروض أسعار مختلف موبايلات Lava المتوفرة على ياقوطة من هنا.

موبايل Itel IT5081

آخر الموبايلات العادية اللي هنتكلم عنها النهاردة هو موبايل Itel IT5081 واللي بييجي بشاشة TFT بقطر ٢٫٤ بوصة وبيدعم تلات شرايح مرة واحدة وكمان بيقبل كروت الميموري لحد ٣٢ جيجابايت، وفيه كمان سماعة خارجية قوية وبيشغل راديو ومزيكا وفيه إضاءة خلفية قوية، والموبايل بطاريته قوية جدًا سعتها ١٢٠٠ ميللي أمبير في الساعة، الموبايل فيه كاميرات أمامية وخلفية وفيه مكان لتوصيل كابل USB وكابل ٣٫٥ مم وكمان بيقبل التوصيل من خلال بلوتوث.

اتعرف على عروض أسعار موبايل Itel IT5081 من هنا.

اتعرف على عروض أسعار موبايلات Itel المتوفرة على ياقوطة من هنا.

اتعرف على عروض أسعار الموبايلات العادية المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *