كتب: خالد عاصم

من خلال المقال ده هنتعرف على مجموعة من أبرز الساعات الذكية اللي بتوفرها الشركات المعروفة على مستوى التكنولوجيا والمتوفرة حاليًا في السوق المصري، ولو عجبتكم أي ساعة من الساعات اللي هنتكلم عنها في المقال هتقدروا تطلبوها من خلالنا في ياقوطة وهتوصلكم لحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أبرز الساعات الذكية المتوفرة في السوق المصري

ساعة Apple Watch Series 5

تعتبر Apple Watch Series 5 هي ملكة الساعات الذكية سواء من حيث السعر كونها الأغلى أو من حيث الإمكانيات اللي رغم إن عليها خلاف شوية إلاإأنه من الصعب إنكار تميزها وريادتها، الساعة بتصميم مستطيل بتعتمد على هيكل من الستانليس ستيل وضهر من السيراميك وشاشة محمية بزجاج مانع للخدش، الشاشة نفسها LTPO OLED مستطيلة التصميم قطرها ١٫٧٨ بوصة ودقتها ٣٦٨ × ٤٤٨ بيكسل وبتتميز بإمكانيات ممتازة، الساعة بتعتمد على معالج Apple S5 وفيها إمكانيات متعددة زي البلوتوث وخاصية NFC وGPS وبتقدر تقيس معدل دقات القلب وكمان بتوفر إمكانيات كتير لتتبع النشط الرياضي.

اتعرف على عروض أسعار الساعة الذكية Apple Watch Series 5 من هنا.

ساعة Samsung Galaxy Watch Active 2

أفضل الساعات الذكية لموبايلات سامسونج وموبايلات نظام تشغيل اندرويد عمومًا، الساعة بعتمد على هيكل من الستانليس وعلى شاشة محمية بزجاج كورنينج جوريلا المخصص للساعات الذكية، الشاشة Super AMOLED دائرية بدقة ٣٦٠ × ٣٦٠ بيكسل والساعة بتقدر تتحمل ضغط المياه لحد ٥٠ متر عمق، الساعة بتعتمد على معالج قوي من سامسونج واللي بيقدر يدعم المستشعرات المتعددة اللي بتميزها زي بلوتوث ٥٫٠ وNFC وGPS وباقي المستشعرات اللي من ضمنها إمكانية قياس الضغط الجوي ومعدل دقات القلب، الساعة كمان بتتميز ببطارية قوية جدًا.

اتعرف على عروض أسعار الساعة الذكية Samsung Galaxy Watch Active2 من هنا.

ساعة Huawei Watch GT2

رد هواوي المميز على الساعات الذكية اللي بتقدمها ابل وسامسونج، الساعة ماتختلفش عن الساعات الأغلى منها في حاجة تقريبًا، فهي مثلًا بتعتمد على الستانليس ستيل في صناعة الهيكل والسيراميك في صناعة الضهر، والشاشة بتاعتها OLED دائرية بقطر ١٫٣٩ بوصة بدقة ٤٥٤ × ٤٥٤ بيكسل يعني بتقدر تقدم أداء متميز حتى في الإضاءة المحيطة العالية المباشرة، الساعة مش محدد المعالج بتاعها بش أداءه قوي وكمان راماتها كويسة والذاكرة الداخلية بتاعتها كبيرة نسبيًا، وبتتميز الساعة بدعمها لإصدار بلوتوث ٥٫١ ده غير توافر خصائص NFC وGPS والمستشعرات التانية المعتادة، الساعة كان بتتميز ببطارية تكاد تكون هي الأقوى من بين الساعات الذكية الرائدة المختلفة.

اتعرف على عروض أسعار الساعة الذكية Huawei Watch GT2 من هنا.

ساعة Xiaomi Amazfit Stratos

اقتحمت شاومي عالم الساعات الذكية بقوة من خلال مجموعة متميزة من بينها ساعة Amazfit Stratos اللي بتقدم بديل ممتاز للساعات الذكية التانية خصوصًا على مستوى متابعة الأنشطة الرياضية، الساعة معمولة من الستانليس ستيل والسيراميك وشاشتها محمية بزجاج كورنينج جوريلا، الشاشة دائرية وقطرها ١٫٣٤ بوصة بدقة ٣٢٠ × ٣٢٠ بيكسل وبتتميز باعتمادها على معالج قوي ورامات ٥١٢ ميجابايت وفيها مستشعرات كتير بس بينقصها إن مفيهاش لا GPS ولا NFC.

اتعرف على عروض أسعار ساعة Xiaomi Amazfit Stratos من هنا.

ساعة Honor Magic Watch 2

واحدة من أفضل الساعات الذكية المتوفرة في الفئة السعرية دي والساعة بتتميز بإمكانيات كتير قوية زي الهيكل المصنوع من الستانليس ستيل والضهر المعمول من السيراميك وكمان قدرة الساعة على تحمل حتى 50 متر عمق في المياه، الساعة بتعتمد على شاشة OLED بقطر ١٫٣٩ بوصة بدقة ٤٥٤ × ٤٥٤ بيكسل وبتتميز بمعدل سطوع عالي جدًا، الساعة بتجي بذاكرة داخلية سعتها ٤ جيجابايت رام وبتتميز ببلوتوث ٥٫١ وGPS وقياس معدل دقات القلب وقياس الضغط الجوي وغيرها من الإمكانيات المدعومة ببطارية قوية جدًا.

اتعرف على عروض أسعار ساعة Honor Magic Watch 2 من هنا.

اتعرف على عروض أسعار مختلف الساعات الذكية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.