أشهر أنواع مكبرات الصوت البلوتوث على ياقوطة

كتب: خالد عاصم

في المقال ده هنستعرض مجموعة من أبرز مكبرات الصوت البلوتوث المتوفرة على ياقوطة والمتوافقة مع الموبايلات وبتتمتع بإمكانيات صوتية متميزة وفئات سعرية متنوعة. ولو أي مكبر صوت بلوتوث منهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أشهر أنواع مكبرات الصوت البلوتوث المتوفرة على ياقوطة

مكبر صوت بلوتوث JBL Charge 4

واحد من أبرز مكبرات الصوت البلوتوث المتوفرة على ياقوطة واللي بتجمع كل المميزات اللي ممكن تحلم بيها في سماعة بلوتوث بتقدملك كل اللي انت محتاجه، السماعة فيها أحدث تقنيات شركة JBL المعروفة على مستوى الصوتيات وجودتها وبتعتمد داخليًا على مكبرات صوت قوية جدًا منها مكبرات صوت خاصة بصوت Bass عشان تحسسك رغم تصميمها المدمج إنك في حفلة فيها نظام صوت متطور جدًا، السماعة كمان مقاومة للمياه وتقدر تستخدمها في أي مكان مقفول أو مفتوح أو حتى على البحر، وبتتمتع السماعت ببطارية سعتها ٧٥٠٠ مللي أمبير ممكن استخدامها كباور بنك، ده غير إمكانيات التحكم السهلة والقدرة على التوصيل السلكي واللاسلكي المتنوع بالأجهزة.

اتعرف على عروض أسعار سماعة JBL Charge 4 من هنا.

مكبر صوت بلوتوث Ultimate Wonderbloom من لوجيتيك

مكبر صوت بلوتوث المثالي للحركة السهلة وللاستخدام في كل مكان، السماعة دي من لوجيتيك بتتمتع بتصميم مميز جدًا لأنه بيسمح بحملها بسهولة عشان تاخدها معاك في كل مكان، السماعة بتتميز بقدرتها على توصل صوت بزاوية ٣٦٠ درجة يعني هتحس إن الصوت واصلك من كل حتة وكأنك في حفلة فيها سماعات كتير مش سماعة واحده صغيرة وزنها مايوصلش لنص كيلو، السماعة بتعتمد على مكبر صوت داخلي مقاس ٤٠ مم يعني قوة صوت مهولة وقدرة ممتاز على إنتاج الصوت الجهير والترددات المنخفضة والمرتفعة، السماعة بتميز بمقاومتها للمياه وكمان بطاريتها بتقدر تشغل السماعة لحد ١٠ ساعات كاملة وبتتشحن في أقل من تلات ساعات، أما نطاق الاتصال بالبلوتوث فيها فبيوصل لحد ٣٣ متر.

اتعرف على عروض أسعار مكبر صوت بلوتوث Ultimate Wonderbloom من لوجيتيك من هنا.

مكبر صوت بلوتوث BoomPods Aquapod

متخليش التصميم الصغير والقرص الخفيف ده اللي ممكن يتحط في جيبك بسهولة يخدعك، لإن السماعة دي رغم حجمها الصغير ووزنها الخفيف عندها إمكانيات صوتية ممتازة ممكن تقوم بيها حفلة صغيرة من غير ما تحتاج أي معدات غيرها وغير الموبايل اللي هيتوصل بيها وتقدر تشغل بيه الأغاني الي بتحبها، السماعة رغم حجمها إلا أنها بتتمتع بتقنيات صوت ممتازة وكمان بطارية قوية بتقدر تشغل لساعات ده غير إن إعادة شحنها سهلة جدًا لأنها بتدعم تقنية الشحن السريع، السماعة كمان بتتميز بمقاومتها للمياه ومقاومتها للصدمات وكمان بيكون معاها ملحقات مختلفة تسمح بتثبيتها علي أي سطح أو بتركيبها في العجلة مثلًا لو تحب تسمع مزيكا وأنت بتتحرك بعجلتك.

اتعرف على عروض أسعار مكبر صوت بلوتوث BoomPods Aquapod من هنا.

مكبر صوت بلوتوث Xiaomi Mi Speaker

واحد من مكبرات الصوت اللي بتجمع كل اللي انت محتاجة وبسعر مثالي ودي الميزة الأساسية في مختلف منتجات شاومي، لان نفس الإمكانيات دي بتوفرها شركات تانية بأسعار بتزيد أحيانًا عن الضعف، السماعة كل حاجه فيها ممتازة من أول الهيكل المصنوع من الألومنيوم المقوى واللي بمتغطي بطبقة بتحميها ضد الصدمات والخبطات، وجوا الهيكل ده فيه منظومة صوتية أكتر من ممتازة بتتمتع بمكبرات صوت داخلية قوية جدًا ومدعومة بتقنيات بتخليها تدعم صوت هاي فاي يعني هتقدر تستتمتع بمزيكتك في أي مكان مفتوح وكأن معاك نظام صوتي متكامل، السماعة كمان فيها نظام تبريد عشان يحافظ على كفاءة الأداء في مختلف الظروف ده غير البطارية اللي بتقدر تدعم السماعة لحد ٨ ساعات كاملة من التشغيل المتواصل، السماعة كمان فيها مايك تقدر من خلاله تستقبل مكالماتك وترد عليها.

اتعرف على عروض أسعار سماعة Xiaomi Mi Speaker من شاومي من هنا.

مكبر صوت بلوتوث Creative MUVO 2c

تفتكر سماعة مدمجة وزنها حوالي ١٦٠ جرام وتصميمها مدمج جدًا تقدر تحطها في جيبك أو في شنطتك من غير ما تاخد أي مساحة ممكن فعلًا تقدم أداء متميز؟ مع السماعة دي من Creative ممكن جدًا لانها بتعمل كده فعلًا فالسماعة اللي أبعادها ماتتخطاش أبعاد كف الإيد بتقدر تقدم أداء مثالي جدًا على مختلف المستويات بفضل مكبر الصوت القوي اللي جواها واللي مدعوم بتقنية Sound Blaster الأكتر من متميزة، والسماعة رغم حجمها بس فيها سماعة بتخليها تشتغل لحد ٦ ساعات كاملة، وبتتنوع السماعة في كيفيات التوصيل وتشغيل المزيكا يعني بتقبل التوصيل بلوتوث أو من خلال كابل AUX أو من خلال كروت الميموري كمان.

اتعرف على عروض أسعار مكبر صوت بلوتوث Creative MUVO 2c من هنا.

مكبر صوت بلوتوث Promate Wireless Bluetooth

واحدة من أفضل مكبرات صوت بلوتوث المتوفرة في الفئة السعرية دي على ياقوطة، السماعة بتتمتع بإمكانيات كتير ممتازة هتحتاج لمقال منفصل عشان نتكلم عنها، نبدأ من بره من التصميم المتميز والوزن الخفيف والقدرة على مقاومة المياه والصدمات، أما داخليًا فالسماعة بتتمتع بنظام صوت ممتاز بيعتد على مكبري صوت بقوة ١٠ وات لكل واحد مدعومين بتقنيات صوتية متطورة للغاية، أما بطارية السماعة فسعتها ٦٦٠٠ ميللي أمبير في الساعة يعني بتقدر تساعد على دعم النظام الصوتي الداخلي المتطور ده وكمان لعدد ساعات طويلة، السماعة كمان بتقدر تشتغل من خلال بلوتوث أو كابل AUX أو كروت الميموري ده غير إنها بتدعم تشغيل راديو إف إم.

اتعرف على عروض أسعار مكبر صوت بلوتوث Promate من هنا.

اتعرف على عروض أسعار مختلف مكبرات الصوت البلوتوث المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *