أبرز وأفضل فلاتر المياه المتوفرة على ياقوطة

كتب: خالد عاصم

مفيش حاجة أهم من إننا نحافظ على صحتنا، والحرص على نقاء ونضافة مياه الشرب هي أول سبل الحفاظ على صحتنا وصحة أطفالنا، وهنا ييجي دور فلاتر المياه وده موضوع مقال النهاردة، ففي المقال ده هنتعرف على مجموعة من أبرز فلاتر المياه المتوفرة على ياقوطة بعد ما نتعرف على أهمية استخدام فلاتر المياه وضرورة وجودها في بيوتنا للحفاظ على صحتنا وصحة أطفالنا.

ولو أي فلتر عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أهمية الاعتماد على فلاتر المياه

فيه أسطورة بتقول إن مياه الحنفية مش آمنة للشرب، وده ممكن يكون حقيقي في بعض الدول بس أكيد مش حقيقي في دول تانية كتير متطورة لأنها بتمر بمجموعة كبير من نسب ومراحل الفلترة والتطهير اللي بتخليها توصل لمراحل ممتازة من التطهير والنضافة، إلا إن حتى الدول دي بيعتمد سكانها على فلتر المياه بشكل رئيسي في زيادة جودة مياه الشرب.

السبب هو إنه على الرغم من أن مياة الحنفية آمنة جدًا للشرب في أغلب الدول، إلا أنها ممكن تتعرض لحاجات كتير تأثر عليه وممكن كمان تكون مش مستحبة للبعض، فالكلورين المستخدم في تطهيرها والمعادن الموجودة فيها ممكن تخلي ليها طعم بسيط ودي حاجة مش طبيعية على المياه، وكمان ممكن توصل جراثيم أو بكتيريا للمياه من خلال المواسير اللي بتنقل المياه من المصدر ولحد الحنفية، وممكن الحنفية نفسها تكون مصدر للجراثيم دي لو كان كل وسائل التوصيل دي قديمة أو متآكلة.

من هنا بتيجي أهمية فلتر المياه اللي بيقدر بيقضي على كل ده وبيقدر يحسن من جودة مياه الشرب سواء على مستوى الروايح أو الطعم أو المواد الصلبة المضرة أو الجراثيم أو البكتيريا، وده بيمثل خط الدفاع الأخير والعنصر المؤكد على سلامة وأمان المياه.

ومن هنا نقدر نوضح أسباب ضرورة الاعتماد على فلتر المياه في النقط دي:

  • فلتر المياه بيقدر يشيل كل العناصر المضرة أو غير المستحبة في مياه الشرب زي الريحة والطعم والكلورين والكيمياويات وأي جراثيم أو بكتيريا أو أي عناصر صلبة ممكن تضر المياه
  • فلترة وتطهير المياه بيحصل في آخر مرحلة قبل استخدامها المباشر يعني مفيش أي وسيلة تانية ممكن تتأثر بيها المياه سلبيًا قبل ما تشربها أو تستخدمها
  • الاعتماد على فلتر المياه بيوفر وسيلة شرب صحية وآمنة أرخص من استخدام المياه المعبأة مرتفعة السعر واللي بتضرر البيئة وده بيخليها أرخص وأكتر أمان على البيئة
  • إزالة كل المواد اللي ممكن توصل للمياه قبل استخدامها بيأدي لتقليل فرص الإصابة بالأمراض الخطيرة زي السرطان
  • الفلاتر اللي بتعتمد على الكربون بتقدر تشيل المواد الضارة من غير ما تأثر على نسبة المواد المفيدة فيها زي المعادن النافعة
  • استخدام الفلتر في توفير مياه الطبخ بيأدي لنفس الفوايد وبيوفر وسيلة مياه آمن وصحية لاستخدامها في الطبيخ والأكل

أبرز وأشهر أنواع فلتر المياه المتوفرة على ياقوطة

فلتر Power Tank تلات مراحل من تانك

الفلتر الأوسع انتشارًا في البيوت المصرية والأشهر في الأسواق واللي بيعتمد على تلات مراحل قادرين يحققوا أفضل سبل تنقية وفلترة المياه لأنه بيقدر يشيل لحد ٩٩٫٩ في الميه من مختلف الشوائب ومختلف أنواع البكتيريا والجراثيم والحشرات الدقيقة ده غير الغازات والمواد الكيميائية الضارة، وبتقدر الشمعة الأولانية اللي صلاحيتها لحد تلات شهور إنها تنقي الشوائب بواقع ١٠ مرات أصغر من أنواع الشمع التاني المختلفة.

أما الشمعة التانية بتقدر تمتص أكبر نسبة ممكن من الكلور والمياه والرائحة ودي بتقدر تشتغل لحد ٦ شهور، أما الشمعة التالتة واللي ليها نفس العمر فدي مخصصة لتقنية المياه من الغازات والمواد الكيميائية بالإضافة لأي عنصر من العناصر اللي قدرت تعدي من المرحلتين الأولانية والتانية.

اتعرف على عروض أسعار فلتر ٣ مراحل من باور تانك من هنا.

فلتر Power Tank خمس مراحل من تانك

فلتر مياه 5 مراحل ممتاز بيعتمد على تقنية ميروشيلد للحماية واللي بتقدر تنقي المياه من ٩٩٫٩ في الميه من الشوائب والأتربة والحشرات والصدأ والغازات والمواد العضوية والطعم والرائحة وكمان بيقدر يعادل نسبة الحمضية في المياه ويزود نسبة القلوية دي حاجة ليها أثار إيجابية كبيرة على الصحة.

الفلتر بيتميز بسهولة التركيب والتعليق كمان وبيعتمد على مواد مصنوعة من البلاستيك يعني مش بتصدي، وكمان بيعتمد على حنفية خاصة بيه مصنوعة من الستانليس، وبتتميز فلاتر باور تانك بإن قطع غيارها والشمع الخاص بيها متوفر في كل حته وبأسعار تنافسية جدًا.

اتعرف على عروض أسعار الفلتر الخمس مراحل من تانك باور من هنا.

فلتر Aquavit سبع مراحل من اكواجيت

فلتر قوي بيعتمد على ٧ مراحل للتقنية وبيمتاز بقدرة على إزالة ٩٩ في المياه من العناصر والأثار الضارة اللي ممكن تكون في مياه الشرب، وعشان كده بيقدر يوصل الفلتر لأفضل مستويات الجودة والأمان في مياه الشرب لأنه بيقدر يزيل الجراثيم والبكتيريا والكلوين وباقي المواد الكيماوية ده غير طبعًا قدرته الممتازة على إزالة الشوائب الصلبة وأي عناصر ضارة ممكن تكون وصلت للمياه من خلال المواسير.

اتعرف على عروض أسعار فلتر ٧ مراحل اكوا فيت من اكوا جيت من هنا.

فلتر Power 7 Star سبع مراحل من اكوا ووتر

فلتر مياه بنظام التناضخ العكسي الفعال في تقنية المياه وبيتكون الفلتر من سبع مراجل بتقدر توفر أقصى درجات الأمان والصحة لمياه الشرب وبيقدر يشيل لحد 95 في الميه من الأملاح الذائبة الضارة و٩٩ في الميه من المواد العضوية وزيهم من البكتيريا والفيروسات ده طبعًا غير العناصر الصلبة المختلفة اللي ممكن تأثير على جودة المياه زي الشوائب والصدأ والرمل والكلور والغازات المختلفة.

الفلتر كمان فيه مضخة لزيادة ضغط المياه بتستهلك ٢٤ فولت بس يعني مش بتأثر بشكل كبير على استهلاك الكهرباء وكمان بيحمي الفلتر من أي ضرر في حالة انخفاض ضغط المياه.

اتعرف على عروض أسعار فلتر المياه ٧ مراحل بستاند من اكوا ووتر من هنا.

اتعرف على عروض أسعار مختلف أنواع فلاتر المياه المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *