اتعرف على أبرز وأشهر ألعاب الفيديو المتوفرة على ياقوطة

كتب: خالد عاصم

بغض النظر عن ألعاب الفيديو الخاصة بكرة القدم واللي أهمها على الإطلاق طبعًا FIFA وPES في عدد كبير من ألعاب الفيديو المتوفرة في الأسواق واللي ليها شعبية كبيرة جدًا بين عشاق الألعاب، والألعاب دي هي اللي هنتكلم عنها في مقالنا النهارده.

فمن خلال المقال ده هنتعرف على مجموعة من ألعاب الفيديو اللي بتعتبر الأشهر على متجر ياقوطة وبتتنوع الألعاب دي بين القتالية والعسكرية والألعاب اللي بتعتمد على قصة محكمة، ولو عجبتك أي لعبة من ألعاب الفيديو اللي هنتكلم عنها في المقال هتقدر تطلبها من خلالنا في ياقوطة وهتوصلك لحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أشهر ألعاب الفيديو المتوفرة على ياقوطة

لعبة Grand Theft Auto Five أو GTA V

رغم الهجوم اللي بيطال اللعبة دي بين وقت تاني بسبب بعض المهام اللي فيها، إلا أن GTA V واحدة من أشهر إصدارات اللعبة اللي تعتبر بدورها واحدة من أشهر سلاسل الألعاب في تاريخ ألعاب الفيديو على الإطلاق، في اللعبة بتقوم بأدوار مجموعة من الشخصيات الرئيسية اللي بتقوم بمجموعة من عمليات السطو في المدينة اللي بتكون واحدة من أكبر الخرايط المفتوحة في عالم ألعاب الفيديو، واللعبة بتتضمن مجموعة كبيرة من الأنشطة ومن التغيرات ده غير التفاصيل الكتير اللي هتكتشفها طول مانت بتلعب.

اللعبة بتتميز برسوميات ممتازة وبمؤثرات أكتر من رائعة والإصدار تحديدًا في تحسينات كتير جدًا بتتضمن مجموعة كبيرة من التفاصيل المحسنة على مختلف المستويات سواء في تفاصيل الرسوميات أو في تفاصيل اللعبة نفسها.

شوف لعبة GTA V من هنا.

لعبة Call of Duty: Black Ops 4 

تعتبر لعبة Call of Duty واحدة من أشهر الألعاب الحربية أو العسكرية اللي ظهرت على مدى تاريخ ألعاب الفيديو وتعتبر سلسلة Black Ops تحديدًا واحدة من أكتر سلاسل اللعبة شهرة وانتشار لدرجة إن بقى ليها مجتمع خاص من بين المجتمع الخاص باللعبة نفسها، وفي الجزء الرابع بتقدملنا لعبة Call of Duty: Black Ops 4 تلات أوضاع لعب، اللعب المتعدد أونلاين ووضع Zombies اللي بتحارب فيه الزومبيز، وكمان وضع Blackout اللي بيقدم وضع لعب تشاركي على الإنترنت زي ألعاب ببجي وفورت نايت.

لعبة Call of Duty: Black Ops 4 بتتميز برسوميات ممتازة وتفاصيل مبهرة بشكل كبير جدًا ده غير إنها بتتميز بمجموعة كبيرة ومختلفة من الأسلحة، وبتركز اللعبة في الإصدار الجديد على التكتيكات العسكرية واختيارات اللاعب اللي بتحدد مصيره في اللعبة وده بيضيفلها تشويق أكتر بكتير من الأجزاء اللي فاتت اللي كانت ممتعة أصلا.

شوف لعبة Call of Duty: Black Ops 4 من هنا.

لعبة Mafia 3

كتير من عشاق ألعاب الفيديو يعرفوا لعبة مافيا في أجزاءها الأول والتاني كويس جدًا، وعارفين إنها واحدة من أفضل وأشهر الألعاب على الإطلاق وده لأسباب كتير أهمها الأجواء اللي بتنقلنا ليها اللعبة واللي بتدور أحداثها بداية من الجزء الأول في التلاتينات في الولايات المتحدة الأمريكية وبتتناول قصة سواق تاكسي بينضم للمافيا وبتدور أحداث اللعبة عشان تحكيلنا قصة حياة الراجل ده لحد ما بنتنقل لشخصية تانية بعدها في الجزء التاني.

وفي لعبة مافيا الجزء التالت بتستمر القصة مع ناس تانيين وفي قت تالي وبتستكمل اللعبة العالم المفتوح الممتاز اللي اتعود عليه اللعبين في الأجزاء اللي فاتت وكمان القصة المحبوكة جدًا والمليانة بالتفاصيل والمدعومة بموسيقى تصويرية أكتر من ممتعة ده غير طبعًا الرسوميات الممتازة والمهام المتعددة ولإثارة والتشويق اللي مابيخلصوش.

شوف  لعبة Mafia 3 من هنا.

لعبة Metal Gear Solid V: The Definitive Experience

سلسلة Metal Gear Solid واحدة من أقدم سلاسل ألعاب الفيديو اللي ليها عشاق بالملايين وفي ازدياد مستمر من يوم ما ظهرت للمرة الأولى لحد النهارده، وبتعتبر اللعبة من يوم ظهورها الأول بوصلة لألعاب الفيديو بشكل عام وده لتطويرها الدايم على مستوى القصة وأسلوب اللعب وغيرها من العناصر اللي ساعدت في إنها تبقى واحدة من أشهر سلاسل الألعاب في التاريخ.

إصدار Metal Gear Solid V: The Definitive Experience بينقل نفس تجربة اللعبة ونقاط صوتها المتميزة لألعاب الأونلاين، وبتتميز اللعبة بإنها بتعتمد على نفس أسلوب اللعب اللي اشتهرت بيه سلسلة الألعاب دي، وبتتضمن مجموعة مختلفة من أوضاع اللعب اللي بتتلعب على الإنترنت.

شوف لعبة Metal Gear Solid V: The Definitive Experience من هنا.

لعبة WWE 2K19 – مصارعة المحترفين

مين فينا مابيحبش مصارعة المحترفين واتحاد WE بأحداثه المهمة زي RAW وSmackDown وطبعًا الحدث السنوي الأهم Wrestlemania؟ قليلين هما اللي مش مهتمين باللعبة دي وأحداثها ونجومها، ورغم إنها ماتعتبرش لعبة رياضية قوي والاستعراض بيشغل جزء كبير منها إلا إنها بتتصنف في النهاية كلعبة رياضية.

في لعبة WWE 2K19 هتلعب بأي اسم من الأسماء الكبيرة من نجوم اتحاد WE لمصارعة المحترفين سواء كانوا جداد أو قدام، مش بس كده انت كمان هتقدر تعمل مصارع جديد عن طريق اللعبة وتبدأ بيه طريقك للقمة من خلال منافسة كل المصارعين المحترفين الكبار، اللعبة فيه منها إصدارات للكمبيوتر ومنصات PS4 وXbox One.

شوف لعبة WWE 2K19 من هنا.

لعبة God of War

لو كنت من اللي لعبوا أي جزء من أجزاء لعبة God of War قبل كده فأكيد مش هتقدر تستني كتير لحد ما تلعب اللعبة دي. الجزء الجديد من اللعبة بيمتاز بمميزات كبيرة قوي حتى عن الأجزاء اللي فاتت فالموضوع مبقاش بس مجرد لعبة أكشن بتعتمد على الالتحامات الشخصية أو الأسلحة القديمة أو السحرية، لأن الموضوع اتطور على مستوى القصة بشكل كبير خلاها بتجمع بين الدراما وبين الأكشن، الشخصية الرئيسية اللي عاش معاها كتير من عشاق اللعبة Kratos بقى عنده ابن هيكمل معاه الرحلة اللي هتمتد على طول اللعبة واللي بتبدأ لتلبية طلب أم الابن ده اللي وهي بتموت بتطلب طلب معين مش بس معاه بتبدأ اللعبة بس بتتحول شخصيتها الرئيسية لشخصية معقدة جدًا لأول مرة في تاريخ اللعبة.

شوف  لعبة God of War من هنا.

شوف عروض أسعار مختلف ألعاب الفيديو المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *