مميزات وعيوب أباجورة القراءة القابلة للثني

كتبت: أمنية عزمي

أوقات كتير بنحتاج فيها إن الإضاءة تكون مباشرة زي في وقت القراءة والرسم والمذاكرة وغيرها والأجمل لو كانت سهل نقلها من مكان لمكان، وكمان إنها تكون سلسة في حركتها بحيث إنك تقدر تسلطها على المكان اللي محتاج فيه الإضاءة أو تبعدها وتكون غير مباشرة، وتقدر تثبتها في أي مكان محتاجها فيه، والمواصفات دي محتاجة إنها تكون بدون سلك علشان ما تتأيدش به، المواصفات دي جزء من اللي موجود في الأباجورة موضوع مراجعتنا اللي هنتكلم عليها بالتفصيل.

هنتعرف بشكل مفصل مع ياقوطة على أهم مواصفات ومميزات وعيوب أباجورة للقراءة إل إي دي بمشبك وذراع قابل للثني 360 درجة علشان تقدر تكون صورة كاملة عنها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • الشكل: حلزوني.
  • الرقم المميز للسلعة: 2724632292807
  • الوات: 6 وات.
  • النوع: مصباح إل إي دي.
  • لون اللمبة: أبيض.

المميزات

  • الأباجورة إضاءتها إل إي دي، موفرة ومريحة للنظر وضوئها قوي.
  • قابلة للشحن، مزودة بمنفذ يو إس بي علشان تتشحن منه ويسهل استخدامها بدون أسلاك.
  • مزودة بخاصية حماية العيون علشان ما تتعبش العين في القراءة أو الشغل على ضوئها وقت طويل.
  • مزودة بمشبك كبير قوي يسهل تعليقها في حافة المكتب أو أي حافة في مكان شغلك أو قرايتك.
  • مزودة ب 3 مستويات للإضاءة من الأدنى للأعلى وده بيديك حرية اختيار قوة الضوء اللي محتاجة كل واحد.
  • تعمل باللمس، وده بيخليها سهلة في تشغيلها وضبط مستوى إضاءتها.
  • مزودة بذراع قوي بيتميز بمرونته في الحركة 360 درجة بتقدر تتحكم من خلاله في توجيه الإضاءة حسب الرغبة.
  • مزودة ببطارية قابلة للشحن وبتحتاج من ساعتين لأربع ساعات لإعادة شحنها، وقابلة للاستبدال علشان تحافظ بها على فترة الإضاءة وقوتها.
  • شكلها أنيق وسهلة في استخدامها ومتينة في صنعها.

العيوب

  • البطاريات بتضعف بعد فترة قصيرة وبتحتاج وقت طويل في الشحن وبالتالي مش بتقدر تعتمد عليها.
  • سلك الشاحن الخاص بها قصير ومش بييجي معاه أدابتور (رأس للشاحن).
  • اللمبات الليد تعتبر سعرها غالي مقارنة بالعادية لكن عمرها طويل.

خدمة ما بعد البيع

  • مالوش صيانة ولا خدمات بعد البيع ولو حاجة باظت فيه بتصلحه عند أي كهربائي أو تشتري واحد جديد.

تجربة المستخدم

  • الناس اللي جربتها بتشكر فيها بشكل عام وإن إضاءتها كويسة وميزة فيها المستويات المختلفة للإضاءة، وفي رأي آخر بيقول إن إضائتها ضعيفة ومدة البطارية بتقل بسرعة مع الوقت وبالتالي رأيهم إنك ما تقدرش تعتمد عليها خاصة إنها بتاخد فترة طويلة في الشحن.

 

شوف أباجورات للقراءة إل إي دي بمشبك وذراع قابل للثني 360 درجة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال   

أمنية عزمي، بكتب من 11 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *