Reviews of Princess Samboussa Maker 1400W Black/Silver

• 

  سارة عمار

  (6 years, 8 months ago)

  تحضر السمبوسة في وقت زمني مره قصير ما يمديكم تحطون فيها السمبوسة غير وهي مخلصتها وهذا لأن الواط حقها عالي 1400. وهذا دليل انها تسحب كهرباء كثير. مافيها عداد للوقت ولا شاشة يبين عليها متى تخلص ولا ساعة عشان تعرفون كم من الوقت تحتاجون في انه السمبوسة تجهز. مادة البلاستيك المصنوعة منها مره رديئة لما ترتفع حرارتها وتسخن تشمون ريحة وبعد في السمبوسة تطلع ريحتها. الغطاء مو شفاف ماتقدرون تشوفون السمبوسة وأحيانًا تنحرق السمبوسة إذا فتحتوا الغطاء بعد ما توقف، أو جهة تستوي وتتحمر وجهة لاء. إذا ما نظفتوها زين يمكن السمبوسة تلزق فيها وماينفع تحطونها في غسالة الصحون تخرب. السلك حقها قوي لكنه مره قصير. مافيها أي أزرار أو مفاتيح. ماتعطي ذاك المذاق الطيب حق السمبوسة المقلية لكنها صحية وأخف على المعدة. عدد السمبوسة اللي ينفع تنطهي جواتها محدود وبعد الحجم محدود ماينفع نكبر حجم السمبوسة لازم تكون صغيرة. لو الحشوة انفرطت من السمبوسة تنحرق وتطلع ريحة خايسة وتلزق في السمبوسة. ماتنفتح غير لو اللمبة الحمراء انطفت وانتبهوا يطلع منها بخار حار كثيف لاتقربون عليها، ودوم خلوا الأطفال يبتعدون عنها ولا يقربون صوبها. المعدن الداخلي معدن مو زين ينخدش بسرعة ارفعوا السمبوسة بماسك خشب. وانتم مشغلينها لازم تبعدونها عن أي أكياس بلاستيك أو أدوات تنصهر لأنها مره حارة ومافيها عازل حراري وماتخلونها على طاولة بلاستيك ترا ممكن يذوب البلاستيك من حرارتها القوية. هي مخصصة للسمبوسة ماتنفع للمعجنات. من أجهزة الطهي مو ضرورية ولا تحصلون قطع غيار لها، لكن يجي معها ضمان من الموزع، لكن أشوف ماينفع هذا الضمان لو خربت يعيون يصلحونها لكن ممكن تستبدلونها بجهاز جديد إذا كان عيب صناعة مو عيب استخدام.