Reviews of UNO Water Filter, 3 Stages

• 

  Soha Ahmad

  (2 years, 5 months ago)

  اشتريت فلتر أونو ال 3 مراحل لبيت المصيف والحقيقة انه كان كويس طول فترة استخدامه، كنت قريت إن الفلاتر الأكتر من 5 مراحل مش صحية لأنها بتمنع الأملاح والمعادن المفيدة للجسم، المهم الفلتر كان فعلا كويس ومعتمد من منظمة الصحة العالمية، الشمعة الأولى بمسام 5 ميكرون واللي بينقي 10 مرات شوائب أصغر عن الشمعات العادية وبكدا بيضمن تنقية المياه بنسبة عالية جدا والشمعتين التانيين كربون بينقوا من الأتربة والرمل والحشرات والريحة والطعم والكلور والغازات، كلنا بنواجه مشكلة مع أي فلتر اننا لما بنفتح المية الصبح بنلاقي طعم المية متغير وبيغير طعم الشاي والقهوة لكن انا بفتح الحنفية 5 دقايق قبل ما استخدم المية علشان الطعم يروح لأنه بيكون مترسب في الفلتر طول الليل أو فترة عدم الاستخدام، وانا شخصيا بملا أزايز كبيرة للاستخدام اليومي كل يوم علشان ما يكونش فيها طعم.