Reviews of Touch Elzenoky 40510 King Kitchen Machine, 600 Watt, Red

• 

  Soha Ahmad

  (4 years ago)

  كيتشن ماشين كينج تاتش الزنوكوي يعتبر حلو بالنسبة لسعره ومواصفاته لكن محدود في استخداماته، فيه خلاط للعصير وحجمه حلو مش صغير وبالتالي بينجز وحجم الكبة كمان حلو ومرقمين بالحفر علشان المقدار، هايل في وظيفة تقطيع وبشر أي حاجة بمقاسات مختلفة، يعني فيه قطع للبشر التخين وقطع للبشر الناعم، فيه قطاعات تنفع للبطاطس الشيبس وأي خضار بأحجام مختلفة، وفيه مطحنة توابل للناس اللي بتحب تطحن التوابل فريش، معاه علبة أو حافظة بلاستيك لحفظ القطاعات، وفيه سكينة حادة في الكبة بتنفع للفرم يعني ممكن يتعمل فيها عجينة طعمية على سبيل المثال، لكن مش مؤهل للعجن ولا معاه مضرب بيض ولا أجزاء العجن، وبالتالي بيكون محدود في استخدامه، الموتور قوته متوسطة مش قوي كفاية للخلط وبياخد وقت في خلط الطماطم والجوافة علشان تنعم، ومش من الأجهزة المعمرة لو بتعتمد عليه اعتماد أساسي.