Reviews of Set of 7 small bag clips - Metaltex

• 

  Mariam Badawi

  (8 years, 10 months ago)

  المشابك دى بنستعملها لما يكون عندنا أكياس مفتوحة و عايزين نحافظ على اللى فيها و منخليش حاجة تقع منها. أنا شخصيا بستعملها فى كل حاجة. زى مسلا كيس السكر لما بيتبقى شوية فى الكيس بعد ما املى البرطمان أو كيس الدقيق عشان ميوقعش حاجة فى التلاجة أو أكياس القهوة: بن تركى أو كابوتشينو أو كدة. الميزة اللى فيه انى بستعمل اى حاجة انا عايزاها و بأى كمية مش بشيل هم هعمل ايه فى الباقى ولا أشيله فين عشان ميقعش و يوسخلى الدنيا. و أحلى حاجة فيه انو بلاستك فا مش بيتوسخ ولا بيصدى, هو بلاستك أه بس نوع نضيف. و كمان ألوانه حلوة أوى مخليالى شكل المطبخ شيك بدل ما كنت بقعد اقفله بدبابيس الطرحة أو بمشابك الغسيل. كل حد يدخل المطبخ عندى لازم يسألنى عليهم و جبتهم منين و بكام و كدة. ة بمناسبة بكام, دول رخاص أوووى بجد بحس ان كسبانة كتير و قيمة عالية أوى قصاد انى دافعة حاجة أى كلام أوى زى 6 جنيه. أنا أكنى جايباهم ببلاش أصلا. هو بس فى مشكلة واحدة انو مش بيقفل كويس على أكياس حجمها كبير يعنى لو بقفل كيس و مكرمشة حتة كبيرة جوة المشبك, المشبك مش بيقفل كويس بيرجع يفتح تانى. فا بس خلى بالك الكيس يبقى مفرود و مش محشور عشان يقفل كويس و يفضل مقفول ميرجعش يفتح تانى.