Reviews of Home RC-220 White Rice Cooker

• 

  Soha Ahmad

  (6 years ago)

  حلة طهي الأرز الأبيض من هوم rc-220 دي اختراااع مبقيتش بحمل هم الرز انه يعجن لأني مكنتش بعرف أظبط معياره خاصة في العزومات علشان مش ببقى متعودة على الكميات الكبيرة الحقيقة بتطلعه تحففة كل مرة وبعمل فيها كل أنواع الرز وبسوي فيها المحاشي كمان وأوقات بحط الخضار عالشبكة فرق يستوي عالبخار وساعات بسخن فيها حاجات زي الفراخ مثلا بس متكونش حاجة بصلصة علشان متنزلش عالرز وبعدينم صحية لاني بعمل فيها الرز بالمية والملح بس لكن لو حابب تزود زيت أو سمنة براحتك وسريعة جدا وحجمها حلو وبتاخد كميات وقت العزايم لان سعتها 18 لتر يعني بتاخد حوالي 16 كوباية رز والوعاء بتاعها مضاد للالتصاق وممكن تشيله وتغيله وتنضيفها سهل وبتحتفظ بدرجة الحرارة بعد الطهي لانها بتتحول لوضع التسخين أتوماتيك وتفضل محتفظة بالحرارة لحد 5 ساعات ومعاها كوباية ومعلقة علشان تعاير بيها والمعلقة بتقلب بيها علشان متتجرحش مشكلتها بالنسبة لي انها كبيرة وبتاخد حيز في التخزين وغطاها زجاج يعني لو وقعت لا قدر الله ممكن يتكسر وضايقني ان ايدين الحلة متثبتة فيها بمسامير من جوة ومش بتتنضف سها وممكن تحوش فيها فضلات وكان أحسن يقفلوها بشكل صحي أكتر لكن في المجمل نستني الرز كان بيطبخ إزاي في العادي من كنر ما بتظبطه لوحدها