Reviews of Green Citrus Spray (LZ-831)

• 

  Mariam Badawi

  (8 years, 10 months ago)

  أكتر حاجة بكرها انى أعصر لمون! صعب أوى و بيوجعلى ايدى و لو بقى متعورة فى صوابعى بتبقى مصيبة! رغم انى بحب لمون على الأكل بالذات على الشوربة و السلطة بس مبحبش أنى أعصره خالص! سمعت عن العصارة بتاعة اللمون دى و قلت أجبها أجربها و أشوف هتسهل الموضوع ولا ايه. دى بقى بنستعملها ازاى ... بتقطعى شريحة صغيرة من فوق يادوب بس تشيلى القشرة بتاعة اللمونة من فوق و بعدين تقومى جايبة العصارة و تدخليها فى اللمونة و تلفيها لحد ما تدخل جوة كويس عشان تضمنى انها تعصرلك اللمونة كلها. بعدين بقى بتسبتيها على القاعدة بتاعت العصارة و تشيلى الغطا البلاستيك و ترشى اللمون على اللى انتى عايزاه. و الحلو اللى فيها انك بترشيها فا بتصفيلك البزر. هى بجد سهلة أوى و من ساعتها و أنا بستعملها على طول و كمان لما بيجيلى ضيوف بركب فيها لمونة و أحطها على السفرة كل حد يرش منها, أسهل بكتير و أشيك حتى من انى أخلى الضيوف يعصروا لنفسهم لمون و اديهم تتوسخ ولا حاجة. فى حركة أنا بعملها بتسها الموضوع أكتر كمان قبل ما نقطعى القشرة أو تركبى اللمونة افركيها كويس عشان تبقى طرية و تطلعلك لمون أكتر فى العصارة. هى حلوة أوى بجد لازم تجربوها!