Reviews of صاروخ 9 بوصة ماركة بوش 2400 وات BOSCH

• 

  سارة عمار

  (6 years, 5 months ago)

  التارة بتاعته جامدة في التقطيع، السن بتاع التارة تقدر تقطع بيه أي حاجة عندك خشب حديد ورخام. ماينفعش أبدًا تشغلوه على طول لازم تقفلوه وتريحوه شوية عشان مايتحرقش منكم، لأن برضه ترييح الماتور بيفرق ويخلي عمره يطول. من الآخر ده ينفع مع الصنايعية اللي بيقطعوا ويخلجوا حديد وخشب وجلي بلاط كمان، وبرضه عشان تستخدموه في البيت كده على خفيف عندك لوح خشب سمكه ينفع تقطع بيه، و شغل تشطيب ونجارة بقى وحدادة. تقيل في وزنه أوي لازم اللي يشتغل بيه يبقى حريف، عشان مايعملش مشاكل لما يشغله ومايعرفش يسيطر عليه ويبوظ الدنيا. ينفع تشتغلوا بيه في جو بيشتي أو في مايه عشان هوا ضد المايه. مفهوش مقاسات مختلفة يعني ماينفعش نكبر التارة أكتر من 9 بوصة يعني بالظبط 22.85 سم قطر الدايرة، وده بيقيد الشغل لو حقطع رخام أو خشب عمقه أكبر. السلك بتاعه طويل أوي وبكده حتشتغلوا براحتكم في كل المساحات الواسعة، وتوصلوا بيه لكل مكان محتاج تقطيع. مفهوش بطارية عشان تتشحن، يعني لو الكهرباء قطعت مش حتعرفوا تخلصوا شغلكم، وكمان خصوصًا لو كانت شقة لسه بتتشطب ومش داخلها كهرباء فدي مشكلة. التارة بتاعته ممكن تتغير لو باظت أو حصل فيها أي تني أو اتكسرت مع أن ده صعب يحصل بس كل شيء ممكن، وبتتفك سهلة أوي، حتى لو عايز تفكها تشحهما سهلة برضه. بيسحب كهرباء كتير أوي، ولو أنتم في ورشة حتجيلكم فاتورة عالية، ليه زرار تفتحوه منه وتقفلوه منه، ومش بيعلق أو بيتقل مع الاستخدام لأ كويس أوي ومكانه كمان كويس عشان انكم تشغلوه بطريقة اسهل. الرايش اللي بيطلع من تقطيع الرخام والخشب ده وحش على للي عندهم حساسية أنف وصدر أو جيوب أنفية، فخلي بالكم مش كل جهاز نشتريه حيبقى مناسب لصحتنا، وكمان ده ماينفعش العيال الصغيرين يمسكوه أو يلعبوا بيه أو حتى يقربوا منه، والكلام ده يخص برضه لو فيه صنايعي صغير في السن ماينفعش يستخدمه، الدراع اللي بيتمسك منه مصنوع من جلد مش حتحسوا بسخونية الماتور. الصاروخ مساخة التارة بتاعته 9 بوصة وقدرة 2400 وات. من التوكيلات المحترمة أوي اللي بيهتموا بمنتجاتهم وزباينهم، حتلاقوا ليهم قطع غيار وصيانة كمان، وده من الحاجات اللي تطمن الواحد أنه حياخد جهاز كويس من كل النواحي، مش كده وبس ده أنتم حتقدروا كمان تغيروه بواحد جديد لو ظهر فيه أي عيب من عيوب التصنيع.