مميزات وعيوب كاميرات مراقبة لاسلكية اي بي اتش دي مع جهاز شبكي ان في ار

• 

  سارة عمار

  (6 سنة, 9 أشهر ago)

  أكدوا انها مره ممتازة في انك تقدر تتحكم من على بعد، لأن حيكون عندك موقع الكتروني خاص فيك مافي أحد أبد يقدر يطلع عليه غير اللي انت معطيهم الكلمة السرية حقته، تقدر من خلاله تتابع وتشوف كل شي تحفظه أو تصوره الكاميرا ، وما يبيلها أي تواجد مستمر في المكان أو احضار أفراد أمن، ممكن من جوالك تشوف كل شي ببث مباشر. ما تلائم الاماكن الواسعة لأنه الزووم حقها ضعيف ولو كبرنا الصورة عشان تشوف ادق التفاصيل الصورة بتظهر ماهي واضحة. فيها تصوير ليلي بالإنفراريد، وخاصة لو تتركب في خارج المنزل الفناء و الساحة و صورتها تكون متوسطة الجودة. ما يجي معها هارد ديسك لازم توصلون لها واحد ليتم حفظ جميع الداتا عليها، مايجي معها جرس انذار في وقت الخطر لكن مزودين لها خاصية إذا في حركات مريبة أو شيء غير طبيعي تبعت ايميل خاص بالمستخدم وهذا حلو لكن مش عملي يمكن يتأخر النت يكون بطيء. يشوفون حجمها مره كبير مايصلح تتركب متخفية في كاميرات تيجي سرية. ترها سهلة انك تركبها على الجدار أو تنزلها وتفكها، وبعد مزودة بكثير من المداخل usb والمخارج عشان توصلونها بالتلفاز أو اللاب توب بطريقة اسلاك التوصيل أو تحطون فلاشة تسجل لكم فيديو او صور. وممكن تحددون معاد التصوير أو التسجيل من الساعة مثلًا 5 العصر لين 7 الصبح. ما لقوا فيها ميزة التشغيل التلقائي في حال انقطاع الكهرباء يبيلها إعادة تشغيل مرة ثانية، وفي فترة الانقطاع يتوقف التسجيل. هي من الكاميرات الثابتة اللي ماتتحرك فقط في اتجاه واحد لكنها تصور وتسجل جميع الزوايا وهذا مايمنع انه المتحركة افضل بكثير من الثابتة، وإذا ودك تقدر تحول التحكم ليدوي في الاتجاه والزاوية اللي تبي تصورها وتسجل لها فيديو، وخاصة عند المداخل والمخارج. يجي معها ضمان سنتين ولها صيانة يكونوا فنيين متخصصين في التقنيات والإلكترونيات يقدرون يحلون أي مشكلة تقنية تواجه الكاميرا، وفي بعض الأحيان العطل مايكون له تصليح غير انك تستبدلها بقطعة جديدة وهذا يكون افضل مع وجود ضمان.