مميزات وعيوب مبرد ماء مع ثلاجة من نيكاي, بارد وساخن- أبيض NWD1206N

• 

  هدى محمد

  (6 سنة, 9 أشهر ago)

  تقييم المستخدمين الايجابي لقيناه أكثر شي من نصيب درجات حرارة تسخين المويه والتبريد مرة كويسة ومناسب للصيف والشتا، لا وبعد تقدرون تتحكمون في درجات الحرارة، الثلاجة أداؤها متوسط في التبريد. سهلة التنظيف من الخارج والخزان في داخلها مصنوع من مادة ستانلس تراها مادة مقاومة للصدأ، لكن من الداخل ما ينفع تتنظف. المستخدمين اجمعوا على أنه زر نزول المويه عملي مايجي زي البرادات اللي تضغط بالكأس لجوا وتنزل المويه ودايمًا تصب على يدك، لكن هذه البرادة فيها مكان عريض تحطون أي حجم كاسات وتكبسون من فوق وتنزل المويه. فيها مؤشر ضوئي للمويه الباردة والموية السخنة، يوجد بها خاصية فلتر لإزالة الروائح من المويه وتنقية من الشوائب بشكل سريع. كان يفضل المستخدمين انهم يقدرون على ايقاف التسخين وتشغيل المبرد وما يكون الخاصيتين لازم يشتغلون سوا ويوقفون سوا، أحيانًا يجي البرد والمطر وما يبيله شرب مويه باردة، تصميمها الخارجي مرة أنيق ينفع تتواجد في المكتب أو غرفة الجلوس، صوتها مو مزعج أبد لانها مزودة بخاصية ضد الضوضاء. في كثير من المستخدمات الأمهات يشوفونها مو أمان في حالة وجود أطفال صغار يخافون من اللعب و العبث فيها، وخاصة انه ارتفاعها عالي ماينفع تنحط على طاولة، وفي موديلات تيجي مناسبة إنها تنرفع على طاولة وهذه تكون مناسبة أكثر للأطفال. في بعض مستخدمين خاصة كبار السن صعب عليهم يرفعون قارورة المويه لمن تخلص بالنسبة لهم مبرد المياه مو عملي ولا مهم. مالها قطع غيار ولا تصليح صيانة ولا تلاقون ليها خدمة عملاء يمكن تحصلون وكيل محلي، وهذا يرجع لانها نادرًا مايحصل فيها عطل، وعمرها الافتراضي طويل، إلا لو فولت الكهرباء ارتفع فجأة وهذا يعتبر عيب استخدام مو عيب تصنيع.