مميزات وعيوب دريل كهربائي ماركة بوش 650واط 14 ملم مع طقم ريش ومفكات عدد 33 قطع

• 

  سارة عمار

  (6 سنة, 8 أشهر ago)

  آراء المستعملين جاءت في صالح الدريل أو الشنيور مره ممتاز في الأعمال المنزلية السريعة، لف البراغي وتثبيتها وفكها، ودقاق الجدران لعمل فتحات نثبت فيها البراغي. قوته وكفاءته متوسطة في الحفر والدق. لكن يبيله أشخاص مدربين مو أي شخص يقدر يدق أو يحفر فيه أو يعرف أي مقاس من الريش يبي يستخدمه، هو يجي معه دليل يقدر يعرفكم شلون تستخدمونه وبأي قطعة تناسب الحفر. في جدران صب خرسانه مايقدر يحفرها ضعيف عليها. يطلع شرارة عالية ما يصير نشغله فترة طويلة لازم تشغلون دقيقة وتبطلونه وترجعون تشغلونه من جديد تراه ممكن يسخن أو ينحرق لا يتعرض لرطوبة لأن ممكن القطع تخرب من الصدأ وتتآكل، بعد لا القطع تغسلون بمويه فقط فرشاة جافة. لا تستخدمون قطع رديئة المعدن مع ذيك الشنيور لأن ممكن تخربه أو تنكسر وهي مثبته بداخله. دحين يفضل انكم تلبسون قفازات عازلة للتيار الكهربائي تحميكم في حال وصلت القطع كهربا اذا ثبتوا القطعة في الشنيور تأكدوا من لف المفتاح الأحمر بشكل قوي لين تثبت القطعة بإحكام لأن احيان يفلت يبيله تقوي عليه. وإذا تبون تفكونها مره سهلة، ومزود بقطع للحفر مقاسها لين 14 مل، ومفكات البراغي أشكال متنوعة وأحجام مختلفة. ما يشتغل بالشحن لازم يتوصل بالكهرباء، والواط حقه 650 واط مناسب للشغلات الهينة إذا تحبون تعلقون برواز أو تفكون براغي الدولاب. ما يناسب أبد الاستعمال في وقت الشتا والأمطار تراه ينحرق إذا مضطرين غطوه بكيس بلاستيك عازل. السلك حقه قصير مو طويل. يصلح للتنقلات وخاصة إذا كنتم تعزلون من البيت مره مفيد الدريل ماله ضمان ولا ليه توكيل بس ذيك الماركة لها اسم في عالم العدد والأدوات المنزلية وفي ناس وايد يطلبوها بالاسم، لكن ماله لا قطع غيار ولا خدمة عملاء.