رزق اللهرزق الله واحد من أنجح و أشهر محلات بيع الأدوات الكهربائية فى مصر. رزق الله ابتدا فى 1979 و وقتها كان متخصص فى بيع التكيفات و تقديم أدوات الرفاهية المنزلية. من زمان رزق الله كان أول حد يقدم امكانية الدفع على أقساط فى السوق المصرى. و على مدار السنين توسعوا فى المنتجات اللى بيبيعوها زى اجهزة المطابخ و باقى الأدوات الكهربائية زى التليفزيونات و كاميرات و لابتوبات و موبيلات و اجهزة للعب.
رزق الله بيقدم خدمات من خلال LINKDSL, OSN و موبينيل و ده عشان لو أنت بتشترى من عندهم و رصيدك خلص ممكن تشحن من مندوبى موبينيل جوه فرع رزق الله و ده بيسهل على كتير من العملاء و بيوفر وقت. رزق الله بيقدملك امكانية الشراء أونلاين من خلال موقعهم اللى بيعرض لك كل المنتجات و المنتج اللى هتختاره هيتم شحنه لأقرب فرع ليك فى خلال يومين. من أجمل و أجدد الخدمات اللى بيوفرها رزق الله هى انك لو اخترت منتج و هتوديه هدية، رزق الله هيجهزها لك و يلفها لك و عليها كارت بسيط عشان يخليها من اجمل الهدايا اللى ممكن تشتريها.
لما تطلب أونلاين لازم الدفع يكون كاش عند الاستلام و أكيد ممكن تتفاهم مع الفرع اللى هتستلم منه لو فى امكانية التقسيط أو الدفع ببطاقة ائتمان أو لأ. رزق الله بيقدر عملاؤه و اراءهم و عشان كده دايما بيطلب ردود افعالهم و اقتراحاتهم. لو حابب تعرف آخر منتجاتهم و عروضهم ممكن تشوف صفحتهم على فيسبوك و من خلالها ممكن تسألهم على المنتجات.
|