هيرزونهيرزون موقع تسوق الكتروني بيخص الستات تحديداً وبيقدم لهم منتجات مختلفة زي أدوات المطبخ والأثاث والإضاءة والإكسسوارات المنزلية والهدايا والحقائب. عشان تستخدمي الموقع لازم تسجلي بياناتك وتعملي حساب على هيرزون. الموقع موجود بالعربي والانجليزي واستخدامه سهل جدًا، وفيه صفحة على الموقع بتشرح طريقة استخدامه. توصيل الطلبات بياخد من 3 لـ 7 أيام كحد أقصى وفي خدمة استرجاع المنتج خلال 3 أيام من طلب المنتج بشرط وجود المنتج في حالته الأصلية. وفي الحالة دي هتدفعي فلوس توصيل المنتج لهيرزون. ولو في مشكلة في المنتج أو وصلك منتج غلط تقدري تتواصلي مع خدمة العملاء وترجعي المنتج وتسترجعي فلوسك في حدود 14 يوم. طرق الدفع أونلاين بالفيزا والماستر كارد. أقسام المنتجات كتيرة ومن أهمها قسم التخفيضات، وقسم وصل حديثًا، وقسم حياة أذكى واللي فيه منتجات كتيرة بتوفر لك الوقت أو مساحة في البيت. وأنتي بتتسوقي تقدري تقسمي المنتجات وتصنفيها على حسب السعر من الأرخص للأغلى أو العكس، وكمان تقدري تحددي ميزانيتك في حدود كام بالظبط. تقدري كمان تشتركي في النشرة البريدية للموقع عشان توصلك آخر العروض أول بأول. |