إتوريدات

أول موقع إلكتروني في مصر متخصص في التوريدات الصناعية. دلوقتي تقدر تتحكم في توريدات شغلك من الآلات والمعدات الصناعية وانت موجود في البيت بدون الحاجة للخروج من البيت أصلا. فريق إتوريدات فريق محترف وشغال في المجال ده من أكتر من 30 سنة في بيع المعدات والآلات. محتاج تعمل حساب الكتروني الأول على الموقع عشان تقدر تتسوق من عليه. الدفع بيكون عن طريق كروت الفيزا أو الماستر كارد أو ممكن تدفع كاش لما الطلب يوصل أو كمان تحول لحساب إتوريدات في البنك. موقع إتوريدات دايما عليه عروض والمنتجات كلها ليها صور واضحة وتفاصيل عن حالة المنتج إن كان متوافر أو لأ ووصف للمنتج وسعره طبعا. المنتجات متقسمة لأقسام كتير زي العدد اليدوية والعدد الكهربائية وعدد القطع والقلوظ وعدد الجلخ والتشطيب والدهانات وغيرها كتير وصعب أوي تفكر في عدد أو آلات وميكونش موجود عند إتوريدات. لو مش راضي عن المنتج تقدر ترجعه في خلال 7 أيام من تاريخ التوصيل وببلاش. عادة المنتجات بتوصل بعد يومين عمل من ساعة تاريخ عملية الشراء. إتوريدات بيقبلوا الطلبات أونلاين 27 ساعة و7 أيام في الأسبوع. لو طلبك قيمته عدت 999 جنيه فبتكسب 100 نقطة هدية.