بكيربتبقى متحمس أول ما الدراسة تقرب و تحب تشترى حاجتك بدرى عشان تكون جاهز؟ عايزة تجيبى لولادك أجود الأدوات و بسعر مناسب ؟ بتحتاج أدوات رسم و فنون جميلة؟ لو أنت واحد من دول يبقى لازم تشوفى "بكير". بكير مكتبة ابتدت فى عام 1991 و ليها فرعين واحد فى المعادى و التانى فى مصر الجديدة و للتسهيل على عملاءها عملوا امكانية الشراء اونلاين. بكير مش بس فيها أدوات المدرسة و الكشاكيل و بس، لأ بكير فيها كل ده و كمان أدوات زينة للحفلات و هدايا زى ماجات و براويز و أدوات للمكاتب و آلات تقطيع الورق و دوسيهات للأوراق كل ده غير المنتجات الجلدية زى المحافظ و الأحزمة.
عشان تطلب من بكير مش هتحتاج تعمل أكونت و تسجل معلومات كتير و ده عشان تسهيل عملية الطلب عليك. الحد الأدنى للطلب من بكير هو 50 جنيه و لو مش عارف تطلب ازاى اونلاين أو عندك أى سؤال عن اى منتج أو طريقة استخدامه ممكن تكلمهم على طول و هيجاوبوا على تساؤلاتك و ممكن تبلغهم طلبك كمان. طريقة الدفع المتاحة مع بكير هى الدفع الكاش عند استلام الطلبية. عشان تتفادى أى مشاكل فى عملية توصيل الطلبات واحد من مندوبين بكير هيتصل و يحدد معاك يوم ووقت التوصيل. بكير بتهتم بإرضاء عملاءها و عشان كده بترحب بكل الاقتراحات و الشكاوى لتحسين الخدمة و ممكن تبلغها عن طريق الاتصال على رقم التليفون الخاص بمكتبة بكير أو عن طريق صفحتهم على فيسبوك. |