اي يو سي بريس

دار نشر الجامعة الأمريكية في القاهرة بدأت في سنة 1960 ودلوقتي بقت واحدة من دور النشر الرائدة في مصر والشرق الأوسط في مجال النشر باللغة الإنجليزية. بينشروا في ثمانية أقسام: الأدب العربي المترجم، علم الآثار وتاريخ مصر القديمة، العمارة والفنون، والتاريخ والسير الذاتية، ودراسات اللغة، السياسة والاقتصاد والعلوم الاجتماعية والدراسات الدينية وأدب الرحلات. ليهم فروع في التحرير في مبنى الجامعة الأمريكية ومبنى الفلكي التابع للجامعة وفي المعادي وفي الزمالك وفي حرم الجامعة الأمريكية في التجمع الخامس. AUC press بيقدم خدمة توصيل الكتب من امريكا أو بريطانيا. طلبك بيوصل في فترة بتتراوح بين أربعة لست أسابيع. عشان تطلب كتاب لازم تروح الفرع اللي في التحرير أو تكلمهم في التليفون. للشراء اونلاين تقدر تدخل على الموقع وتنشئ حساب خاص بيك وبعدين تقدر تختار أي كتاب ولما تنتهي من التسوق تختار خيار الدفع واللي بيكون أونلاين بالكريدت كارد. ممكن كمان تطلب بالتليفون أو الفاكس أو تزور فرع من فروع المكتبة. خدمة التوصيل تكلفتها 2 دولار لو في القاهرة و5 دولار لو بره القاهرة. الكتب الموجودة على الموقع الإلكتروني مع وصف ملخص لمحتواها.